Versets bíblics populars de Luka 5

Comparteix

Ahejeje kwigisha, aca abarira Simoni ati: “Nimuterere insenga zanyu hagati mu kiyaga, murobe.”

Simoni aramwishura ati: “Mwigisha, twakoze ijoro ryose turaruha, ariko ntitwaronka ifi n’imwe. Yamara ko ubivuze, reka nterere insenga.” Batereye insenga, baroba ifi nyishi cane, gushika n’aho insenga zitangura gutabuka.

Ariko Yesu yama aja ahantu hiherereye mu bugaragwa gusenga.

Sinaje kurondera abagororotsi, ahubwo naje kurondera abanyavyaha, kugira ngo bihane.”

Simoni Petero abibonye, apfukama imbere ya Yesu, amubwira ati: “Mwami, igira kure yanje kuko ndi umunyavyaha!”

Yesu arabishura ati: “Abakomeye si bo bakeneye umuganga, ahubwo abagwaye ni bo bamukeneye.

Baca bakwegera ubwato bwabo ku nkengera y’ikiyaga, basigaho vyose, baramukurikira.

Yesu ari muri kimwe mu bisagara vy’aho hantu, haza umuntu yuzuye imibembe umubiri wose. Abonye Yesu, yikubita imbere yiwe yubamye, aramwinginga ati: “Mwami, ubishatse woshobora kumpumanura.” Yesu aca aramvura ukuboko, amukorako. Amubwira ati: “Ndabishatse, kira uhumanuke!” Ubwo nyene imibembe ica iramuvako.

Yamara inkuru za Yesu zirushirizaho kumenyekana, abantu isinzi bakama baza aho ari kumwumviriza no kugira ngo abakize ingwara.