Versets bíblics populars de Ruuka 3

Comparteix

Hano abhaato bhayo bhoose bhamariri kubhatiisu, Yesu woose akaacha akabhatiisu. Hano are arasabha Eryobha, erishaaro reghiighoka. Akörö Ahörëëru ekamwikëra kinya egheghuuti na ghwikara ighoro yaache. Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye!”

Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.

Mbe, mukörë amaköri ghano ghakwërëki kubha, motuukuuniri amasari ghaanyu. Wiiki motabha moriituuri kubha, mokwabhëru gho kubha, inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana, koru mo‑mabhohe ghano!

Ahaache nimariri ghotooru mo‑matina gha mete. Omote wowoose uno otaaghusönga amakorobhese amachömu, nokonungu, na kurëkëru mo‑mororo!”

Amangʼana ghayo ˆghakahikeerana kinya ꞉yaandëkuru mo‑ghitabhu ke murööti Isaaya kubha, “Eriiraka re mooto ndekobherekera mwibhara rerabhugha, ‘Mukörë anchëra e Mutëmi, mughöröröki chanchëra chino akohetera. Emyoro ghyose, ngekorindu. Ebheghoro ne eheghoro bhyose, mbekuhaanyuru. Chanchëra chino chikëëmiri, ncheghughöröröku, na hoose hano haanyi na amaribha amasuuhusuuhu, haghuchöchu. Niho abhaato bhoose bhakomorighi Omotoori uno atomuru ne Eryobha.’”