Ruuka 3
3
Yohana Omubhatisaachi ˆaghaköra anchëra e Yesu
(Mataayo 3:1–12; Maariko 1:1–8; Yohana 1:19–28)
1Neere omooka wi ikomi na ghataano o bhukangati bhooche Kayisaari Tibheeriyo o Bharuumi. Eriibhagha riyo Bhontiyo Bhiraato, naare omukangati mo‑mukööwa o Yuteya, na Herote Antibha, naare omukangati mo‑mukööwa o Ghariraaya. Bhiiribho nawe, ömööbhö Herote, naare omukangati mo‑mukööwa o Itureya, na Tirakoniti. Wiiki Riisaniya, naare omukangati mo‑mukööwa o Abhireene. 2Anaasi na Kayabha, mbaare abhachaama abhakoro. Kwo riibhagha riyo, Yohana mwërëëti o Sakariya, akahaabhu angʼana ne Eryobha iyo mwibhara. 3Yohana aghaye akahetera mo‑bhyaro bhyose bhino bhetingʼiine no orooche ro Yorotaani, ino araraghani angʼana e Ryobha arabhugha, “Motuukuune amasari ghaanyu, mubhatiisu, kubha Eryobha rebhaabhërë.” 4Amangʼana ghayo ˆghakahikeerana kinya ꞉yaandëkuru mo‑ghitabhu ke murööti Isaaya kubha,
“Eriiraka re mooto ndekobherekera mwibhara rerabhugha,
‘Mukörë anchëra e Mutëmi,
mughöröröki chanchëra chino akohetera.
5Emyoro ghyose, ngekorindu.
Ebheghoro ne eheghoro bhyose, mbekuhaanyuru.
Chanchëra chino chikëëmiri, ncheghughöröröku,
na hoose hano haanyi na amaribha amasuuhusuuhu,
haghuchöchu.
6Niho abhaato bhoose bhakomorighi
Omotoori uno atomuru ne Eryobha.’”#3:6 Mööhi Isaaya 40:3–5.
7Ibheere abhaato bhaaru bhakaacha o‑Yohana, kubha abhabhatiise, amare akabha arabhabhoorera arabhugha, “Inyu orwibhoro ro nchöka! N‑niwe abhabhooriire kubha, gho kubhatiisu moghwisacha obhororo bho Ryobha bhuno bhokuucha! 8Mbe, mukörë amaköri ghano ghakwërëki kubha, motuukuuniri amasari ghaanyu. Wiiki motabha moriituuri kubha, mokwabhëru gho kubha, inyu m‑bha rwibhoro ro Abhurahamu moonyi. Mbe, ˆnekabhabhoorera, Eryobha ndeghotora komuha Abhurahamu abhaana, koru mo‑mabhohe ghano! 9Ahaache nimariri ghotooru mo‑matina gha mete. Omote wowoose uno otaaghusönga amakorobhese amachömu, nokonungu, na kurëkëru mo‑mororo!”
10Obhoyo bho bhaato bhano ꞉bhaare hayo, bhakamobhoori Yohana bhakabhugha, “Ibheere! Itu tukörë bhu?” 11Akabhagharokeri akabhugha, “Uno anyi na amaghööti abhere, aruusi rimu amuhë uno ataghöötë, wiiki uno anyi ne ebhiinyakurë, woose akörë hangʼu hangʼu.”
12 Abhatöbhi bha righööti bhoose, bhakaacha o‑Yohana bhabhatiisu, bhakamobhoori bhakabhugha, “Oo omweghi wiito, itu tukörë bhu?” 13Iwe akabhagharokeri akabhugha, “Ibheere morabha moratöbhi erighööti, motakeri ekirëngërë kino ghetooruru.”
14Abhaashirikare bhoose bhakamobhoori bhakabhugha, “Itu, naho tukörë bhu?” Akabhagharokeri akabhugha, “Motamuhöka omooto ebheghiro bheeche, koru ghosiikëra obhobhiihi kubha mubhönë chambiiri! Wiiki muhaabhe na amareho ghano mokuhaabhu.”
15Abhaato bhoose, mbaare bharaghanya Kirisito uno akuucha, bhaakabha bhariibhoori mo‑metema gheebho, ighoro e Yohana kubha, hamwabhe niwe Kirisito. 16Mbe, akabhabhoorera arabhugha, “Eni, hëënë nekobhabhatiisa kwo manche agheene, amare nakuucha omooto uno anyi na changuru ghonkera eni, koru nteekurëngʼaanera ghusaasura chambasani che bhekwera bheeche! Iwe, nakobhabhatiisa gho Körö Ahörëëru, na kwo mororo.#3:16 Kubhatiisu gho Körö Ahörëëru, n‑kuhaabhu Akörö Ahörëëru. Na kubhatiisu kwo mororo, n‑ghoteneru ekiina koru kwo Waryobha. Abhande mbakobhugha kweribhu koru mo‑masari. Mööhi Ruuka 12:49–50. 17Iwe Kirisito nakuucha, kwahukani abhaato bhano bhatuukuniri, na bhano bhaanyi na amasari, kinya omooto uno aghöötëriire orohongo mo‑mabhökö ghaache. Angano iyo nakoyekomera mo‑ghitara keeche, amare omokoonyo nakowute mo‑mororo, no omororo uyo tookorima naabha!”
18Kwo mangʼana ghayo maaru na ghande, Yohana naare arabhashaangʼi na kobhabhoorera abhaato bhayo, Angʼana Anchömu e Ryobha.
19Achekumara, Yohana akamwitweka omukangati Herote, gho kubha ꞉naamwimokiri Herotiya, mka o mööbhö, akamokwira. Yohana akamohiinya kwo ngʼana iyo, na kwo mabhe ghoose ghano are araköra.#3:19 Mööhi Maariko 6:17–18; Abharaawi 20:21. 20Niho, Herote akëëngëra amabhe ghaache ghoose, gho komubhöha Yohana mwighërëcha.
Kubhatiisu kwo Yesu
(Mataayo 3:13–17; Maariko 1:9–11)
21Hano abhaato bhayo bhoose bhamariri kubhatiisu, Yesu woose akaacha akabhatiisu. Hano are arasabha Eryobha, erishaaro reghiighoka. 22Akörö Ahörëëru ekamwikëra kinya egheghuuti na ghwikara ighoro yaache. Niho eriiraka koru Mwishaaro rekabhugha, “Iye n‑Omoona waane omosiighani, uno neghuchömëru na niiye!”
Orwibhoro ro Yesu Kirisito
(Mataayo 1:1–17)
23Eriibhagha Yesu asëëmiri omoremo o Ryobha, naare ne emeeka kinya miröngö etato. Abhaato mbaare bhariituuri kubha n‑omoona o Yusubhu mwërëëti o Heeri.
24Heeri, akiibhoru na Matati.
Matati, akiibhoru na Raawi.
Raawi, akiibhoru na Meriki.
Meriki, akiibhoru na Yaana.
Yaana, akiibhoru na Yusubhu.
25Yusubhu, akiibhoru na Matatiya.
Matatiya, akiibhoru na Amoosi.
Amoosi, akiibhoru na Nahumu.
Nahumu, akiibhoru na Esiri.
Esiri, akiibhoru na Naghaayi.
26Naghaayi, akiibhoru na Maati.
Maati, akiibhoru na Matatiya.
Matatiya, akiibhoru na Semeyi.
Semeyi, akiibhoru na Yoseki.
Yoseki, akiibhoru na Yuuta.
27Yuuta, akiibhoru na Yowanani.
Yowanani, akiibhoru na Reesa.
Reesa, akiibhoru na Serubhabheeri.
Serubhabheeri, akiibhoru na Sherateeri.
Sherateeri, akiibhoru na Neeri.
28Neeri, akiibhoru na Meriki.
Meriki, akiibhoru Ati.
Ati, akiibhoru na Kosamu.
Kosamu, akiibhoru na Erimataamu.
Erimataamu, akiibhoru na Eri.
29Eri, akiibhoru na Yoshuwa.
Yoshuwa, akiibhoru Eriyeseeri.
Eriyeseeri, akiibhoru na Yorimu.
Yorimu, akiibhoru na Matati.
Matati, akiibhoru na Raawi.
30Raawi, akiibhoru na Simiyooni.
Simiyooni, akiibhoru na Yuuta.
Yuuta, akiibhoru na Yusubhu.
Yusubhu, akiibhoru na Yonaamu.
Yonaamu, akiibhoru na Eriyaakimu.
31Eriyaakimu, akiibhoru na Mereya.
Mereya, akiibhoru na Mena.
Mena, akiibhoru na Matata.
Matata, akiibhoru na Nataani.
Nataani, akiibhoru na Tawuti.
32Tawuti, akiibhoru na Yeese.
Yeese, akiibhoru na Obheeti.
Obheeti, akiibhoru na Bhowaasi.
Bhowaasi, akiibhoru na Sarumooni.
Sarumooni, akiibhoru na Nashooni.
33Nashooni, akiibhoru na Aminataabhu.
Aminataabhu, akiibhoru na Atimiini.
Atimiini, akiibhoru na Ariini.
Ariini, akiibhoru na Hesirooni.
Hesirooni, akiibhoru na Bhereesi.
Bhereesi, akiibhoru na Yuuta.
34Yuuta, akiibhoru na Yakobho.
Yakobho, akiibhoru na Isaka.
Isaka, akiibhoru na Abhurahamu.
Abhurahamu, akiibhoru na Teera.
Teera, akiibhoru na Nahoori.
35Nahoori, akiibhoru na Serughi.
Serughi, akiibhoru na Reghaahu.
Reghaahu, akiibhoru na Bhereghi.
Bhereghi, akiibhoru na Ebheeri.
Ebheeri, akiibhoru na Saara.
36Saara, akiibhoru na Kayinani.
Kayinani, akiibhoru na Aribhaghisaati.
Aribhaghisaati, akiibhoru na Sheemu.
Sheemu, akiibhoru na Nuhu.
Nuhu, akiibhoru na Rameeki.
37Rameeki, akiibhoru na Metuseera.
Metuseera, akiibhoru na Henooki.
Henooki, akiibhoru na Yareeti.
Yareeti, akiibhoru na Maharareeri.
Maharareeri, akiibhoru na Kayinani.
38Kayinani, akiibhoru na Enooshi.
Enooshi, akiibhoru na Seeti.
Seeti, akiibhoru na Ataamu.
Ataamu, akabhombu ne Eryobha.
S'ha seleccionat:
Ruuka 3: ntk
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© 2022 Wycliffe Bible Translators, Inc. All rights reserved