Versets bíblics populars de Ruuka 7

Comparteix

Gho ghayo, ˆngakobhoorera kubha, obhosiighi bho mukari uno m‑bhokoro, mbokwërëki kubha amasari ghaache maaru, ngaabhiiru. Amare wowoose uno abhiiru amasari amasuuhu, uyo, nahaabha no obhosiighi bhosuuhu wiiki.” Hayo hayo, Yesu akamobhoorera omukari uyo akabhugha, “Amasari ghaacho, ngamariri kwabhëru.”

Hayo, Yesu akamobhoorera omukari uyo, “Obhokumi bhoocho ˆbhoghakuhöri! Nooghi kwo murëmbë.”

Akiimeerera anyuma e Yesu, haghuhe na amaghoro ghaache. Aghasëëma korera, changishori cheeche cheekabha cheramutöönyëra Yesu mo‑maghoro. Akabha aramutareki na chanchweri cheeche, akamutahata amaghoro ghaache, na ghoghahaka amaghuta gha keneeso.

Wiiki nikyo nerooche kubha nteekurëngʼaanera kuucha ghokoocho. Mbe, noobhughe angʼana hangʼu, omutamishi waane nakuhöra. “Koru eni woose neenyi haase e bhukangati. Wiiki, neenyi na abhaashirikare bhano bhaanyi haase yaane. Neramobhoorera umu kubha, ‘Nooghi’, hayo hayo aghi. Wiiki, neramobhoorera owonde kubha, ‘Nuuche’, hayo hayo acha. No omusësë waane, neramobhoorera, ‘Ukörë hangʼu’, woose nibhu aghuköra.” Hano Yesu oghwire ghayo, akamoroghoora chwee. Aghiishoororeri erikinda re bhaato bhano ꞉bhaare bharamutambana, akabhabhoorera, “Mbe, ˆnekabhabhoorera, koru mo‑Bhiisiraeri bhoose, nkeere ntiimara ndighi omooto wowoose uno anyi no obhokumi obhokoro bhonga bhuno!”

Kwo riibhagha riyo riyo, Yesu naare arahöri abhaato bhaaru amabhabharu ghaabho. Naare ahöriri koru bhano bhatiiruru ne emisambu. Wiiki ꞉naaghëriri abhahuku bhaaru bhatore korighi. Niho, Yesu akabhagharokeri akabhugha, “Mughëndë momobhoorere Yohana ghoose ghano morooche, na ghoghooghu. Kubha, abhahuku ˆbhakarighi, na abhabhëëru ˆbhaghaghënda, na abhabhabharu bha mbiti ˆbhakahöra, na abhakiro ˆbhakooghu, na abhaku ˆbhakaryoka. Wiiki, abhahabhe ˆbhakaraghaneru Angʼana Anchömu e Ryobha.