Versets bíblics populars de Génesis 17

Comparteix

Abram 99 watanpiña kashaqtinmi, Señor Diosqa payman rikhuriran. Hinaspan khaynata niran: —Noqan Tukuy Atiyniyoq Señor Diosqa kani. Saynaqa noqata kasukuwaspa, munasqayman hina agradoypaq kawsay.

Qanpa sutiykiqa manañan Abramñachu kanqa; aswanqa Abrahamñan sutiykiqa kanqa, qan ashka nacionkunapa taytan kasqaykirayku.

Noqaqa qanwan hinallataq mirayniykikunawanmi huk pactota wiñaypaq ruwasaq. Noqan qanpa Diosniyki kasaq hinallataq mirayniykikunapa Diosninpas.

—Qanwanmi kay pactota ruwasaq: Qanpa mirayniykimantan ashka nacionkuna paqarinqa.

Hinaqtinmi Diosqa niran: —Cheqaqtapunin warmiyki Saraqa qari wawaykita onqokunqa. Hinaqtinmi chay wawaman sutinta churanki Isaac sutiwan. Paywanmi pactota wiñaypaq ruwasaq, saynallataq paypa mirayninkunawanpas.

Kunanmi qankunaqa forastero runakuna hina kay Canaán allpapi tiyashankichis. Ichaqa noqan kay enteron Canaán allpata qanman hinallataq mirayniykikunamanpas huk herenciata hina, wiñaypaq qosqaykichis, saynapi kay allpapi wiñaypaq tiyanaykichispaq. Hinaspan noqaqa qankunapa Diosniykichis kasaq, nispa.

Hinaqtinmi Abrahamqa mat'inpas pampakama tupanankamaraq qonqorikuran. Hinaspan sonqon ukhullapi asikuspa khaynata niran: “¿Noqari 100 watayoqña kashaspaychu qari wawayoq karuyman? ¿Warmiy Sarapas 90 watayoqña kashaspachu wawayoqraq karunman?” nispa.

Diosqa Abrahamtaqa nillarantaqmi khaynata: —Warmiyki Saraipa sutinqa manañan Saraiñachu kanqa. Aswanqa kunanmantan paypa sutinqa kanqa “Sara”. [Nota: Hebreo rimaypiqa Sara sutiqa “*reypa ususin” ninantan nin.]

Qankunaqa qari kayniykichispa qarachanta kuchuspan, chay circuncisión costumbretaqa ruwankichis. Chaymi qankunawan pacto ruwasqaypa señalnin kanqa.

Ichaqa Isaacwanmi noqaqa pactota ruwasaq. Paytan warmiyki Sara onqokunqa wataman kunan hina tiempopi, nispa.

Qankuna ukhupi llapallan qari wawakuna nacemuqkunatan, pusaq p'unchawniyoq kashaqtinku, chay circuncisión costumbreta ruwankichis. Saynallatataqmi ruwankichis mirayniykichiskunatapas, mirayniykichispa mirayninkunatapas, wasiykichispi naceq wawakunatapas hinallataq qolqewan rantisqaykichis huk law nacionniyoq *esclavo runakunatapas. Wasiykichispi llapallan naceq wawakunapas hinallataq qolqewan rantisqaykichis esclavo runakunatapas, chay circuncisión costumbretan ruwachikunanku. Saynapin chay ruwachikusqaykichisqa wiñaypaq pacto ruwasqaypa señalnin cuerpoykichispi kanqa.