Versets bíblics populars de Yohana 6

Comparteix

UYesu akuvahigaga iitigilaga, “Uneene gwe mukaate ugwa wuumi. Umuunu ye avedzaga ye iikwadza ukwangu asiidagana nambi, kangi ye avedzaga ye akuufuuwa asiikeluka nambi.

UMubepo va Nguluvi ye mwene ye akuvapeela avaanu uwuumi uwa mbeepali, uludali lwa muunu lusiilima ewo. Amadzwi ge ndívalongiye giihuma kwa Mubepo va Nguluvi, kangi gakuvaleetela uwuumi uwa mbeepali.

Mutanage ukulima amalimo wiimila wa kyakuliya ikiikwanangika, nda haamu, mulimage wiimila wa kyakuliya ikikuvapeela uwuumi uwa mbeepali. UMuswamuve va Muunu alavapeela ikyakuliya ikyo, pakuva uNguluvi uDaada ámupeeliye uwutawulilwe waakwe wa kulima ewo.”

Pakuva uDaada iikeela ukutigila, ye avedzaga ye akumuwona uMuswamuve nu kumufuuwa, avedzage nu wuumi uwa mbeepali, na yuune ndilamudzulubusa pa kigono ikya wusililo.”

UYesu akuvahigaga iitigilaga, “Amalimo ge iisaka uNguluvi mulimage ge aga. Mumufuuwage uyo ye ámutumile.”

Avaanu vonda ve akuumeela uDaada viikwadza ukwangu nu kuufuuwa. Kangi uneene sindilamukaana nambe yumwinga ye iikwadza ukwangu.

USimoni Petulo akumuhigaga iitigilaga, “Mutwave, tuhege tuhelele kwa ani? Uveeve yuuve ye uli nago amadzwi agakutupeela uwuumi uwa mbeepali.

Uneene gwe mukaate úgwikile ukuhuma kukyanya, ugukuvapeela avaanu uwuumi. Umuunu ye avedzaga ye iiliya umukaate ugo, iivedza nu wuumi uwa mbeepali. Umukaate ugu gwe muvili gwangu, gwe ndiitawula ku vaanu vonda ukutigila, vavedzage nu wuumi uwa mbeepali.”

Sikwali umuunu ye iikwadza ukwangu, ngana uDaada ye áanumile asinaa amukongola. Naane ndilamudzulubusa pa kigono ikya wusililo.

Pakuva umukaate gwa Nguluvi, ye mwene ye iikwika ukuhuma kukyanya nu kuvapeela uwuumi avaanu vonda pe naanyi.”

Uneene gwe mukaate ugwa wuumi.

Neke uYesu anyamulage imikaate igyo, amuhongedzage uNguluvi, avagavilage avaanu vonda avaali apo. Iilimaga ndeeni ni somba dzivili idzo, nayula iiliyaga mwe iisakila. Avaanu vonda pe viigwite, uYesu akuvalongelaga avanyigendwa vaakwe iitigilaga, “Mulundase utuwuluwulu tonda útusigiye, ukuta katane ukuyaga nambe kamwinga.”

Avanyigendwa pe vaaviye váheliye lugendo lwa kilometa dzihaanu enewuli mutanda (6) wuli mu waato, vakumuwonaga uYesu iigenda pakyanya pa lulenga, iihegelela pa waato, viikoogopaga mbandu. Neke kangi uYesu avalongelage atigilage, “Ye neene, mutane ukoogopa!”