Versets bíblics populars de युहान्‍ना 16

Comparteix

का नेलाइहेङ इदोइ काथा इदोइ कारनसो दोअ्का हिघा, कि नेलाइ सान्ति निङलि दोअ्सु, हाइपालिपानु नेलाइ काङको चात्या हिसुना। सुमिङता नेलाइहेङ दुख कस्टते जेनावा, कालाउ साहास पासु हाइपालिपानु का दोङ इदोइ सुमिङको सासक साइतानहेङ हारिपाका हिघा।

जेलाउ वा पबित्तरो आत्मा हिका हि, सत्येता थोङपुखे, वा लोलि दोअ्तेङ नेलाइहेङ इङको गोताङ परमेस्वरको बारेता सत्ये बुझाइ पापियावा। वा दोङ ताइको खाबारासो माधुइयाङ कालाउ वा जेदोङ काथागेलाइ परमेस्वरसो हिनाङ ओदोङ दोङ काथा नेलाइहेङ दोअ्प्यावा। कालाउ न्हुसो लोलि खाङका काथागेलाइ बुङ दोअ्प्यावा।

नेलाइ एला थेकापा काङको चात्या जेङतेङ बुङ आबा दोफा हाइ दोङ ह्रेका मान्थुसुना, ह्रेसु नेलाइ निङस्वाना कालाउकि नेलाइको आनान्द भरि पुर्न ज्याको।

कालाउ जातिङ भारि का नेलाइहेङ दोअ्खा, का हानिलि दोङ नेलाइको भाअ्सिङ रेम्का हि। हाइपालिपानु का मान्हेपानु, पबित्तरो आत्मा नेलाइको साल्लाहाकार नेलाइकोता माल्वाङ। कालाउ का हानिखा पानु वासेहेङ नेलाइकोता दिङगिल्लाङका। जेलाउ इङको साल्हाकार पबित्तरो आत्मा ल्वाङ, वा सुमिङको द्‍याङगेलाइहेङ पाप, धार्मिकताको बिसोइता, कालाउ न्यायको बिसोइता सत्ये काथा तिङपाङ।

एसापा दोङ एला नेलाइहेङ सोकते जेङखे, कालाउ का आरोङ नेलाइहेङ खानाङका, कालाउ नेलाइ लेङचास्वाना, कालाउ नेलाइको लेङचाका हासु बुङ घिङतेङ चुम्पुलि माद्वाङ। नेलाइ कासेहेङ इङको सोमोइ हाइ दोङ माहिअ्स्वाना। जातिङ भारि का नेलाइहेङ दोअ्खा, नेलाइ काङको चात्या हिनाङ जेदोङ ह्रेलाउ बुङ काङको आबा नेलाइहेङ प्यावा।

जातिङ भारि का नेलाइहेङ दोअ्खा, नेलाइ का सिलि दोतेङ खारस्वाना कालाउ कापाल ठेअ्स्वाना, कालाउ सुमिङको द्‍याङगेलाइ लेङचावा। कालाउ नेलाइको मन थुरावा, कालाउ नेलाइको सोक आनान्दता बद्लियावा। जेलाउ का आरोङ सिन्हुतेङ सिन्चाल्तेङ ल्वाङका।