Versets bíblics populars de लुका 11

Comparteix

नेलाइ मारेम्का जेङतेङ बुङ ताइको चान-चामिन्दिगेलाइहेङ रेम्का आनेमानेगेलाइ पिलि गिसुखेना पानु, झन स्वर्गता हिका नेलाइको परमेस्वर आबा वाको दोफा ह्रेकालाइहेङ झन हेथे रेम्फा पबित्तरो आत्मा प्यावा।

आरोङ का नेलाइहेङ दोअ्खा, जेदोङ गोइका हि इङको परमेस्वर दोफा ह्रेसु कालाउ वा नेलाइहेङ प्यावा, भोसुते कालाउ नेलाइ निङस्वाना, ढकढकाइसु नेलाइको भाअ्सिङ फिनु हेअ्प्यावा।

हाइपालिपानु जाइ ह्रेखे वा दोङ निनावा, जाइ भोखे वा दोङ निङखे, जाइ ढकढकाइखे, वाको भाअ्सिङ हेअ्नावा।

येसु चात्यागेलाइहेङ दोअ्हि, जेलाउ नेलाइ प्रार्थाना पास्वाना, एसा दोअ्तेङ प्रार्थाना पासु, हे स्वर्गता हिका केलाइको आबा परमेस्वर, नाङको मिङ जेलाउलाउ बुङ पबित्तरो जेनाको, नाङको सासन ल्वाको।

केलाइको पापगेलाइ स्यामा पापि, हाइपालिपानु केलाइ बुङ जेसाङ केलाइको बिरोधता पाप पाकालाइहेङ स्यामा पिका हिनाहि। कालाउ केलाइहेङ जाचिकाता माताअ्पि।

केलाइहेङ दिनाङ गोइका चाका-आम्का केलाइहेङ पि।

नाङको मिसियाँ जिउको भाअ्सिङ गेसा भाइका हि, जेसापा नाङको मिसियाँ रेम्का हिनुते नाङको गोताङ जिउ थास्साइका जेनावा, कालाउ इङको मिसियाँ देलदेलकानु नाङको गोताङ जिउ दोङ कितिकितितावा।

हिदोइ बुङ द्‍याङ गेसा जोलाइतेङ पाथि लिता माअ्ताखे, याते माअ्म्होखे। भरु लिता दुल्काताङ पालाउ झाराङ तिनाको दोअ्तेङ इङको गेसा चेरादानि ह्रुता ताअ्खे।