Versets bíblics populars de लुका 12

Comparteix

ओदोङ भाअ्सिङ नेलाइ बुङ तियार जेङतेङ हिसु। का द्‍याङको चान हिदोइ सोमोइता ल्वाङका जाइको नेलाइ आस पाका मान्थुस्वाना।

ओदोङ भाअ्सिङ नेलाइ लाम्फा परमेस्वरको सासन भोसु, कालाउ इङको गोताङ आमेनेगेलाइ नेलाइहेङ प्यावा।

आरोङ येसु इम्बालाइहेङ दोअ्हि, चङख जेङतेङ हिसु कालाउ गोताङ खालको दिका गेलाइसो ताइमिहेङ जोगाइसु। हासुहेङ बुङ गोइका सम्पति खान्तेङ हेन्जा हिलि द्वावा, कालाउ बुङ वासेहेङ सत्ये जिबन माप्यावा।

हाइपालिपानु जेता नाङको धन हिखे, इन्ता नाङको मन बुङ ह्यावा।

नेलाइ मध्येसो हासु बुङ चिन्ता पातेङ ताइको आयु आतुइसा बुङ थोअ्पिलि माद्वावा, कि वा हेलाउ थेकापा बान्चिलि द्वावा।

येसु ताइको चात्यागेलाइहेङ दोअ्हि, ओदोङ भाअ्सिङ का नेलाइहेङ दोअ्खा, ताइमि बान्चिलिको भाअ्सिङ हाइ चालि, हाइ आम्लि, हाइ होङलि दोअ्तेङ इङको बिसोइता पिर मापासु।

परमेस्वर दोङ नेलाइको जिबनको गोताङ थोक गिखे, वा या बुङ गिखे कि नेलाइको पुरिङता हेअ्नोङ पुसिङ हि। ओदोङ भाअ्सिङ माअ्थिसु! नेलाइ इङको सारन्ह्यागेलाइ खान्तेङ हेन्जा महत्वको हिसुना।

नेलाइ म्हुइका भेडाको हुलगेलाइ भाइका जेङ, माअ्थिसु, हाइपालिपानु नेलाइको भाअ्सिङ आबा परमेस्वर नेलाइहेङ सासन पिलि लेङचाखे।

कावागेलाइहेङ खाङसु ना ते इम्बालाइ चालाइ दोङ बिखे, ना ते सिसा दोङ चेखे ना ते भाकार दोङ हि, कालाउ बुङ आबा परमेस्वर इम्बालाइहेङ चापाखे-आम्पाखे नेलाइ जिहाँ-जुइलेङ खान्तेङ हेन्जा जाङका दामको हिसुन्हा।

ओदोङ भाअ्सिङ नेलाइ हाइ चालि कालाउ हाइ आम्लि दोअ्तेङ पिर मापासु इङको बिसोइता हिदोइ बुङ चिन्ता मापासु।

ओदोङ भाअ्सिङ परमेस्वर दोङ मिलिङको घासि, जेदोङ नानि हि, जुम्नि मेता जुगिल्न्हावा पानु इसिका घासिहेङते परमेस्वर साजाइतेङ ताअ्खे, झन परमेस्वर नेलाइहेङ निसित रुपता रेम्फा सामाराइयावा। हाइ पालि नेलाइको खाङधुरि कमि हि?

जेदोङ म्होनाका काथा हि देखाल जेनावा। कालाउ कुन्हाता म्होतेङ हिका गोताङ काथागेलाइ देखाल जेनावा।