Versets bíblics populars de Lukas 19

Comparteix

Barang, Beta Ana Manusia ni datang par cari orang-orang bardosa la kasi salamat dong.”

“Tuhan kasi berkat par Raja yang Antua su utus datang ni! Sakarang manusia su bisa baku bae deng Antua yang ada di sorga. Mari puji Antua yang pegang parenta di tampa yang paleng tinggi di sorga.”

Tarus Yesus bale bilang par dia kata, “Oras ini jua, ale deng samua orang yang tinggal di ale pung ruma su dapa kasi salamat, tagal ale parcaya Allah macang deng ale pung moyang Abraham.

Waktu Yesus sampe di situ, Antua lia ka atas la bilang kata, “Sakeus e, turung capat kamari, tagal hari ini Beta musti manumpang di ale pung ruma.” Waktu Sakeus dengar bagitu, dia manggurebe turung dari pohong tu. Tarus, dia pi ka dia pung ruma la tarima Yesus deng hati paleng sanang.

Mar Sakeus badiri la bilang par Tuhan Yesus kata, “Bapa e, stenga dari beta pung harta ni, beta nanti bage akang par orang-orang kasiang. La sapa sa yang parna dapa parlente dari beta, beta nanti kasi kombali akang par dia ampa kali labe banya dari yang beta ambe.”

Mar saparu orang dari kalompok Farisi yang ada di tenga-tenga orang banya tu bilang par Yesus kata, “Tuang Guru e, tagor Tuang Guru pung murid-murid tu biar dong jang bicara bagitu!” Mar Yesus bilang, “Dengar Beta bilang par kamong! Kalo dong tado, batu-batu ni nanti bataria puji Beta!”