Versets bíblics populars de Lukas 20

Comparteix

La Antua bilang par dong kata, “Kalo bagitu, apa yang jadi Raja Basar Roma pung hak, kasi akang par dia. La apa yang jadi Allah pung hak, kasi akang par Antua.”

Yesus nganga dong la bilang kata, “Kalo kamong bilang bagitu, kira-kira Allah pung Tulisang yang bilang kalo orang yang Allah su Angka par Kasi Salamat Manusia nanti seng dapa tarima, macang deng batu yang tukang-tukang su buang tu pung arti apa? Akang bilang kata, ‘Batu yang tukang-tukang su buang tu, Akang su jadi batu pandasi yang paleng panting.’

“Kamong musti ati-ati deng guru-guru Torat. Dong suka bajalang kasana-kamari pake dong pung baju panjang luar yang bagus-bagus biar orang-orang tau kalo dong tu orang basar. Dong sanang kalo orang-orang taru hormat par dong di pasar-pasar. Dong jua suka dudu di muka kalo ada di tampa-tampa sombayang ka di pesta makang basar. Dong parlente janda-janda par rampas janda-janda tu pung harta samua. La par tutu dong pung kajahatang, dong sombayang lama-lama biar orang anggap kalo dong tu orang bae-bae. Dong itu pasti nanti dapa hukumang yang labe barát.”