Versets bíblics populars de લુક 15

Comparteix

તર વેયો હેંના દેશ નેં સુંડેંનેં, પુંતાના બા કનેં પાસો જાવા હારુ સાલેંજ્યો. વેયો હઝુ સિટીસ હેંતો, કે હેંને બએં હેંનેં ભાળેંનેં માયા કરી, અનેં બેંટા મએં દોડેંનેં હેંનેં ગળે મળ્યો, અનેં ઘણું બુંખેં દેંદું.

કેંમકે મારો ઇયો બેંટો મરેંજ્યો હેંતો, ફેંર જીવતો થાએંજ્યો હે, ખુંવાએં જ્યો હેંતો, હાવુ પાસો મળેંજ્યો હે.” અનેં વેયા ખુશી મનાવવા લાગ્યા.

હૂં તમનેં કું હે કે ઇવીસ રિતી એક પસ્તાવો કરવા વાળા પાપી મનખ ના બારા મ હરગ મ ઇતરિસ ખુશી થાહે, ઝેંતરું કે નિનાણવે એંવં ધરમિયં ના બારા મ નહેં થાતું, ઝેંનનેં પાપ સુંડવા ની જરુરત નહેં.

હૂં હાવુ વળેંનેં મારા બા કનેં જએં, અનેં હેંનેં કેં કે બા, મેંહ પરમેશ્વર ના વિરુધ મ અનેં તારી નજર મ હુંદો પાપ કર્યો હે.

બેંટે બા નેં કેંદું, “બા, મેંહ પરમેશ્વર ના વિરુધ મ અનેં તારી નજર મ હુંદો પાપ કર્યો હે, અનેં હાવુ હૂં એંના લાએંક નહેં રિયો કે તારો બેંટો કેંવાવું.”

તમં મના કઇનાક કન હો ઘેંઠં વેહ, અનેં હેંનં મહું એક ઘેંઠું ખુંવાએં જાએ, તે નિનાણવે નેં ઉજોડ જગ્યા મ સુંડેંનેં, હેંના ખુંવાએંલા નેં ઝર તક મળેં નેં જાએ તાં તક જુંવતો રે?