Versets bíblics populars de योहान 16

Comparteix

मनी ह्या गोष्टी तुमले एनासाठे सांग, कि तुमले मना शिष्य होवा मुळे शांती भेटो, संसार मा तुमले त्रास सहन करना पडीन, पण धीर धरा, मनी सैतान ले हराई दियेल शे.

पण जव पवित्र आत्मा ईन जो सर्वा सत्य मा तुमले रस्ता दाखाळीन, कारण कि तो आपला अधिकार वर नई, पण तो परमेश्वर कळून जे आयकीन तेच सांगीन, आणि घडणारी गोष्टी तुमले सांगीन.

आते लोंग तुमनी मना अधिकार कण बाप कळे काही नई मांगनात, मांगशात तर भेटीन, कारण कि तुमाना आनंद पूर्ण हुई जावो.

तरी बी मी तुमले खर सांगस, कि मन जावान तुमाना साठे चांगल शे, कारण कि जर मी नई जानार, त तो मदत करणारा तुमना नई येवाव, पण जर मी जासू, त तेले तुमना जोळे धाळसू. तो ईसन संसार ना लोकस्ले पाप, धार्मिकता आणि परमेश्वर ना न्याय ना बारामा साबित करीन कि त्या चूकीन शे.

याच प्रमाणे तुमले भी आते त दुख शे, पण मी तुमले परत भेटसू, आणि तुमना मन आनंदित हुई जातीन, आणि तुमना आनंद तुमना कळून कोणीच नई हिसकवाव. त्या टाईम ले तुमी मले काही नई विचाराव, मी तुमले खरोखर सांगस, जव तुमी मना नाव कण बाप कळून काही मांगशान, त तो तुमले दिन.

मी तुमले खरोखर सांगस, कि तुमी मोत ना नंतर रळशान, पण संसार ना लोक आनंद करतीन, तुमले दुख हुईन, पण जव तुमी मले परत जित्ता देखशात तुमना दुख आनंद मा बदली जाईन.