Versets bíblics populars de San Lucas 17

Comparteix

Hich la yalbe te winique: Hahchan, bahanix; ta scuenta sch'uhunel awo'tan colematix, xchi.

Teme huqueb buelta ta jun c'ahc'al ya sta smul ta atojol, pero teme huqueb buelta ya xtal ta atojol soc ya yal: Ya jsuhtes co'tan, teme xchihe, pasbeya perdón.

Te jtuhle, c'alal la yil te ch'ayix te sc'a'el-chamel, suht tal soc tulan yac yalbebel yutsilal te Diose, tal spahcan sba c'alal lum ta ye'tal yoc Jesús ta yalbeyel wocol yu'un. Ha samaritano-winic.

¡Tsahtaya me abahic! Teme ay la sta smul ta atojol te awermano, tsitsa; teme ya suhtes yo'tan, pasbeya perdón.

La yal te Jesús: ¿Ma bal lajuntuhluc te lecubtesbilic? ¿Banti ay te baluntuhle?

La yal te Cajwaltic: Te ayuc sch'uhunel awo'tanic hich te bin ut'il jp'ij sbac' mostaza, ya xhu' yac awalbeyic te sicómoro-te' ini: Bula loq'uel aba, bahan, ts'una aba ta mar, teme xchihexe, ya me sch'uhumbeyex ac'opic.

Spisil mach'a ya sc'an ya scoltay scuxlejal, ya sch'ay bahel; yan te mach'a ya sch'ay scuxlejal, ya scoltay stuquel.

Te Jesús hich la yalbe te jnopojeletic yu'un: Fuersa ay ya xtal yahltesel ta mulil, pero ¡ay me swocol te mach'a ya xyahlteswan! Ha lec te yacuc yich' chucbeyel cha' ta snuc' soc ya yich' ch'ojel ochel ta mar, te mach'a ya syahltes jtuhluc ha'i bic'tal alaletic ini.

Hich te bin yilel ta yorahil Noé, hich yilel ta yorahil te Nich'anil ay ta scuenta winic. Yacalic ta we'el uch'el, ta nuhpunel soc ta aq'uel ta nuhpunel, ha to c'alal och ta barco te Noé soc tal te puhlel te la slajin spisilic.