Versets bíblics populars de San Lucas 18

Comparteix

Te Jesús la yalbe ya'iyic sloc'ombahil c'op sc'oblal te ya sc'an ya sc'oponic Dios spisil ora soc te manchuc ya xpehc'aj yo'tanic

¿Ha xan te Diose, ma bal yacuc schahpan ta stojil te mach'atic tsahticlambil yu'un, te c'ahc'al ahc'abal ya xhalbot wocol yu'une? ¿Ya bal xhalaj te ya spas te bin ya xc'ambot yu'unic? Ya calbeyex te ora nax ya schahpan ta stojil. Pero te c'alal ya xtal te Nich'anil ay ta scuenta winic, ¿ay bal ya sta sch'uhunel-o'tanil ta bahlumilal? xchi.

La yal te Jesús: Te bin ma xhu' ta pasel yu'un te ants-winiquetic, ha ya xhu' yu'un spasel stuquel te Diose, xchi.

Bayel c'ahc'al ma ba la sc'an te juez; pero patil la snop ta yo'tan: Aunque ma ba jxi'oj Dios soc mayuc mach'a ya quich' ta cuenta, pero ta scaj te ma xquehchaj wulwonel ta jtojol te me'ba' ants ini, ya jchahpan ta stojil scuenta yu'un hich ma ba ya xtal spisil ora, yu'un ma xcuhchix cu'un, xchi ta yo'tan.

Jamal ya calbeyex, te mach'a ma ba hich ya yich' te cuentahinel yu'un Dios te bin ut'il alal, ma xhu' ya x'och tey a, xchi.

Pero te Jesús la yic'ticlan tal, hich la yal: Ac'a taluc ta jtojol te alaletic, ma me xacomic, como ha yu'unic te cuentahinel yu'un Dios.

La yal te Jesús: Jahmuc asit; ta scuenta sch'uhunel awo'tan colematix, xchi sc'oblal.

Hich halbot yu'un te Jesús: ¿Bin yu'un te: Lecat ta winiquil, te xchihate? Mayuc mach'a lec ta winiquil, ha nax lec stuquel te Diose.