Versets bíblics populars de M. Yohana 10

Comparteix

Njivi sikuza sembe kuti ipunshe nopaya nocheneka: neo nizila kuti akaŵe moyo, na kuŵa nawo unyinji.

Nine chiŵeta muweme: chiŵeta muweme akupa moyo wake chikomo cha mbelele.

Mbelele zyangu zikumvwa lizu langu: nuziziŵa, nazyo zunikonka.

Nuzipa moyo wosasila, nazyo siziti zyochenekeka; paliye muntu ati azisompole mmanja mwangu.

Ne nine mulyango: akaloŵa muntu pali neo azapuzumuke, azaloŵe nofuma nofwanga pakulyera.

Neo nine chiŵeta muweme; nuziŵa zyangu, na zyangu zuniziŵa neo

Ŵata amene enipa zyamene nakuru kupula ŵonse; paliye muntu angazisompole mmanja mwa Ŵata. Neo na Ŵata nise ŵamo.

nga ni Ŵata mwakuniziŵira neo na neo numziŵa Ŵata; nane nuŵika moyo wangu chikomo cha mbelele.

Paliye muntu onilonda, sembe neo nuuŵika neka. Nina nsaka youŵika, nane nina nsaka youula soti. Ili tetulo nilipokera kwa Ŵata.

Teti Yesu ni pechiŵauzya soti, Lezee lezee numnenelani, Ne nine mulyango wa mbelele.

Uyo wotumiwa, asali chiŵeta, mbelele siziri zyake mwine, ouŵona mmbulu ukuza nozitailizya mbelele noutuka, na mmbulu uzikata nozichulunganya.

LEZEE lezee numuuzyani, Uyo asaloŵa pa mulyango mnsito ya mbelele, lomba okwerera pambi, wamene uyo ni njivi na nyalufwimbi.