Versets bíblics populars de M. Yohana 16

Comparteix

Ivi vinalaŵira namwe kuti mwa neo mwakuŵa nawo mtendere. Mcharo cha pansi muli naŵo matamano: lomba nkazikani mitima; neo nuchipulamo charo.

Sembe akaza yeve, Mzimu wa chendi, azomtanguzyani mvyendi vyonse: pakuti sati azanene vya yeka; viri vyonse vyati amvwe azavinene: naye azamlululileni vintu viti vize.

Mpaka lero mkaliyosenga kantu mzina langu: sengani ninga mpokere, kuti nseko yanu isilizike.

Sembe neo numuuzyani vyendi; Ni chiweme kwanu kuti nifumepo: pakuti nikakanofumapo Chipuzisya ula samzilani; sembe nikaya nikamtume kwanu. Naye akaza azachipe mlandu charo cha pansi pa viipa na pa chilungamo na popinguzi

Tetyo namwe lomba mundandaula: sembe neo nize nimuŵoneni soti, na mitima yanu ize isekelele, na chimwemwe chanu paliye ati amlondeni. Msiku lila simti munikonshe kantu. Lezee lezee numuuzyani, Mkasenga chiri chonse kwa Ŵata azampeni mzina langu.

Lezee lezee numuuzyani kuti muze mlile nolizya simpingu, sembe charo cha pansi chize chisekelele: muze mndandaule, sembe mandandauzi ŵanu azayaruke nseko.