Versets bíblics populars de Lǔka 10

Comparteix

Gana̤de lǒkho! Ma̤pûhǐ sî khayî̤cû̌ dě wṳ̂ toǒ ta donè̤ akhû̌ pě, dě sî ma̤pè̤kè sî khuwè̤ khînǎmo̤pha hǐkǒdû̌ htǒotado a ta̤po̤ta̤phǎ toǒ lǒ̤꤮ bò aya pěnu dě, he ǐ sî ta̤po̤ta̤phǎ hǒ. Dě ta̤htě a glè ma̤bǎma̤sha sînu a ǒpe dǐcǎ꤮ tò̤.

Dě Ye̤shǔ hî̌shǔ yǎ, “Mǎ̤rita, Mǎ̤rita! Na tama̤ ǒdû̌ dě nagunagè na sò̌phlǒ shû̌shǎ ǐ yǎ. Pwǎ̤tadě ta̤htě alo̤bǎnu a ǒ pwǎ tacǎcǎpa pwǎ. Marǐa wû̌lǎhto ta̤htě awǒkhlo htǒotacǎ hǒ. Kò phî̌pa̤jòpe yǎ dǐpwǎ̤꤮ tò̤.”

Dě a hî̌shǔ, “‘Dě lî̤cahtǐkû hî̌, sî bǎ mo̤ǐ lǒ̤sû̌lǒ̤sò̌ sî Běcǎ Cǒmara ta sî sò̌phlǒ tamabò, mo̤ǐ lǒ̤sû̌lǒ̤sò̌ yǎ ta sî ta̤ǒhtûpwa̤ lǒ̤꤮ bò, mo̤ǐ lǒ̤sû̌lǒ̤sò̌ yǎ ta ta̤khû̌ta̤ǎ, mo̤ǐ lǒ̤sû̌lǒ̤sò̌ yǎ ta sî ta̤gènè̤ lǒ̤꤮ bò. Sî bǎ mo̤ǐ sîhǐphòwò̤shî̌ toǒ pwǐ sî mo̤ǐlò̤ sîna̤nu.’”

A hî̌ bǎ asî, “La̤kǎbǔ agûla̤ ǒplṳ̂, pwǎ̤tadě pwa̤kǎbǔ ǒpî̌tî̌ mè̤mè̤̌. Dě kwisaba lǒkho hǔklaběcǎ ta a glè nohè pwa̤kǎbǔ toǒ dě ahǔklakhû̌ htǒonu nî̌꤮.

Dě Ye̤shǔ bè̌ǒkǔkè ata̤dǒnè dě a gwè pwa̤sû̌ǐ ta̤sû̌ta̤tòwò asara htǒotapwa̤, “Na gènè̤ kè̌kè̌ kòyò htǒosò̌su akla numî̌, bǎtètapwa̤ dě a htû pwa̤pṳ̂sigwi we̤saphǎ kò toǒ po̤ nû̌ûnu tapwa̤ ahǐ phòkòshî̌ pè?” Dě a hî̌shǔ Ye̤shǔ, “Kòyò htě a gwèbǎǐ nû̌nu tapwa̤ pwǎ.” Dě Ye̤shǔ hî̌shǔ nû̌û, “Cû̌ ma̤kû̌ hǐnu nî̌꤮.”

Cû̌mò̌! He plûcû̌ sî pwǐ kò plûcû̌ sophû̌ toǒ dě Chyǐmi̤ toǒ aklanu hǒ.