Versets bíblics populars de Lǔka 9

Comparteix

Htodě Ye̤shǔ hî̌shǔ asî pṳ̂̌꤮ tapwa̤, “Kòyò tapwa̤pwa̤ dè sò̌yṳ gû hekò hî̌nu, a tobǎ ma̤ pwǐ he sò̌yṳnoma̤ yǎnu toǒ, jǔ꤮ ama̤ tû̌ asò̌phlǒ mî̌ anî̤ tò̤. A bǎ ò̌htò̌ tû̌ a nò̌dòhtǔ pṳ̂̌꤮ ti̤ni̤ dě a bǎ gû hekò.

Ma̤tè̤hî̌dě kòyò htě a sò̌yṳ ma̤lû̌htò̌ge tû̌ a ta̤htûpwa̤ tapwa̤pwa̤nu, a ta̤htûpwa̤ glè hǎmǎkè pě. Pwǎ̤ta hekhû̌hekhî, kòyò tapwa̤pwa̤ dè ǐlò̤kè a ta̤htûpwa̤ hî̌nu, a nî̤bǎ ta̤htûpwa̤ tûjûpwa̤ pě.

Ye̤shǔ hî̌shǔ yǎ, “Kòyò tapwa̤pwa̤ dě a pṳ̂ htělǎ dě a htû̌tiwǐ gesǒnu, abwǐasîrî ǒ ta Cǒmara ashiaga aya dǐcǎ꤮ tò̤.”

Kòyò tapwa̤pwa̤ dè nî̤bǎbò hǎkhû̌tebě a ta̤dû̌yò̤htò̌sa toǒ pwǎ̤ta a dè lò̤jûkè a ta̤htûpwa̤ tûjûpwa̤ htǒo hî̌nu abwǐǒ nû̌ûya hî̌tè?

Kòyò tapwa̤pwa̤ dě a sòwò̤ he ta hele̤heyo̤ htǒotoǒ tapwa̤pwa̤nu, htû̌꤮ kòyòphû̌khû mî̌ hehtǒo hè ta a ta̤sîrîdû̌sîrîhtû ta apha a ta̤sîrîdû̌sîrîhtû ta mǒkhû̌tanaphû̌ cahtǐ toǒ a ta̤sîrîdû̌sîrîhtû pě akhanu, he sòwò̤ lè̌ ala̤ pě.

Ye̤shǔ hî̌shǔ yǎ, “Chyǐmi̤ toǒ ǒ ta akû, htû̌phû̌ wi̤ dě mǒla̤ toǒ ǒ ta api̤, pwǎ̤ta kòyòphû̌khû mî̌ hehtǒo, bǎ hehǐkǒ la̤dò̌lò̤ gûla̤ pwǎnu a ǒ dǐglò̌꤮ tò̤.”

Dě a hî̌ asî, “Kòyò htě a kè̌ hemi̤sǎ dě a dè kaǎshǔ phijaû̌phû̌ htǒotapwa̤ tapwa̤pwa̤nu asǒsǒta akaǎshǔ he hǒ. Dě kòyò tapwa̤pwa̤ a kaǎshǔ he numî̌ a kaǎshǔ pwa̤htě a nohèlò̤ he htǒotapwa̤nu hǒ. Ma̤tè̤hî̌dě, kòyò htě a gènè̤pî̌tî̌ tûû̌ ana̤ dě sîkla tapwa̤pwa̤ numî̌ kòyò htě a htûdû̌gutṳ̌nu hǒ.”