Versets bíblics populars de यूहन्ना 17

Comparteix

तोर बचन सच्चा हेके। से लगिन तोंय सच्चाई केर बचन से उमन के पवितर बनाव।

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

मोंय सिरिफ अपन चेलामन लगिन प्रार्थना नी कराथों, मगर उमन लगिन हों जेमन इमन केर देवल बचन के सुइन के मोर उपरे बिसवास करबैं, कि उमन सोउब एक होई जाओक। हे आबा परमेश्‍वर, जइसन तोंय मोर में अहिस, आउर मोंय तोर में अहों, तइसनेहें उमन हों हमर में होई जाओक। जेकर से इ दुनिया केर आदमीमन इ बिसवास करोक कि तोंय हें मोके भेइज हिस।

मोंय तोर से इ प्रार्थना नी कराथों कि तोंय उमन के दुनिया से उठाय ले, मगर मोंय इ लगिन प्रार्थना कराथों कि तोंय उमन के उ दुष्ट शैतान से बचाय के रखबे।

तोंय जे महिमा मोके देले, ओहे महिमा के मोंय उमन के देई हों, ताकि उमन हों हमर नियर एक होबैं। तोंय मोर में आउर मोंय उमन में, जेकर से उमन पूरा-पुरी एक होई जाओक, आउर दुनिया केर आदमीमन जाइन लेवोक कि तोंय हें मोके भेइज हिस, आउर जे लेखे तोंय मोर से प्रेम करले, ओहे लेखे तोंय उमन से हों प्रेम करले।