Versets bíblics populars de यूहन्ना 16

Comparteix

मोंय तोहरेमन के इ गोइठमन के आगे हें बताय देलों, ताकि तोहरेमन के शांति मिलोक। दुनिया में तोहरेमन के दुःख सहेक होवी, मगर ढाढ़स बाँधा, मोंय दुनिया केर सरदार शैतान के हराय देई हों।”

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

अब तक तोहरेमन मोर चेला होई के हों मोर नाँव लेई के मोर आबा परमेश्‍वर से कोनों नी माँइग हा, माँगा, तब तोहरेमन के भेटाई। जेकर से तोहर खुशी पूरा होई जाई।

फिन भी मोंय तोहरेमन से सच कहाथों कि मोर जाएक तोहर लगिन बेस हेके, काले कि अगर मोंय नी जामूँ, तो उ मदइत करेक वाला तोहर ठिना नी आवी, आउर अगर मोंय जामूँ तो उके तोहर ठिना भेइज देमूँ। जब उ आवी तो दुनिया केर आदमीमन के पाप आउर धरमी बनेक आउर परमेश्‍वर केर न्याय केर बारे में सच्चाई के बताई।

एहे लेखे तोहरेमन एखन दुःख में अहा, मगर मोंय तोहरेमन के फिन देखमूँ, आउर तोहरेमन खुश होई जबा। आउर तोहर इ खुशी के केऊ लुटेक नी पारी। जे दिन तोहरेमन मोके फिन देखबा, उ दिन मोर से कोनों सवाल नी पूछबा। मोंय तोहर से सच-सच कहाथों, तोहरेमन मोर चेला हेका, से लगिन जे कोनों तोहरेमन के चाही, तो उके मोर नाँव लेई के मोर आबा परमेश्‍वर से माँगबा। तो उ तोहरेमन के देई देवी।

मोंय तोहरेमन से सच-सच कहाथों कि मोर मोरेक केर पाछे तोहरेमन काँदबा आउर दुःख मनाबा, मगर दुनिया केर आदमीमन खुशी मनाबैं। मोर मोरेक से तोहरेमन दुःखी होबा मगर जब मोंय फिन से जी उठमूँ, तो तोहर दुःख खुशी में बदइल जाई।