Versets bíblics populars de Yowana 17

Comparteix

Raata, enikusabhwa ubheesye mu‑chimari chaawo, kwa okubha omusango gwawo nigwo echimari.

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

“Nitakusabhirwa abheene era, tari nisabhirwa bhoone bhanu bharinyikirisya okuruubhana na jinu abheeyigisibhwa bhaani bharibheeyigisya. Enisabhwa ati abho bhoone bhabhe chiinu chimwi. Raata, enisabhwa ati bhabhe na obhumwi na eswe, rwa kutyo awe uri na obhumwi na anye, na anye wone niri na obhumwi na awe. Enisabhwa ati bhabhe chiinu chimwi, korereki abhaanu bha ku‑chaaro kunu bheekirisye ati chimari naawe ꞉waantumire.

“Raata, nitakukusabhwa ati ubhafurusye okusooka ku‑chaaro kunu, tari ati ubhachungure kusooka ku‑Mubhiibhi urya.

Rikusyo rinu ꞉waanaaye, anye wone naayaana abheeyigisibhwa bhaani, korereki bhabhe chiinu chimwi, rwa kutyo anye na awe chiri chiinu chimwi. Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.