Versets bíblics populars de Yowana 16

Comparteix

Naabhabhwira ejo joone, korereki mubhe na omurembe mu‑myoyo jeemwe, kwa okubha muri na obhumwi na anye. Ku‑chaaro anu muribhona ebhinyaasyo bhyafu, nawe mwasiga okuyaya, kwa okubha anye ꞉naayigire echaaro.”

Mwoyo wa echimari oyo, aribha aaja kw‑imwe, aribhatangasya okusombookerwa echimari choone. Ataryayika ku‑bhuturo bhwaye omwene, tari aryayika jinu aryungwa na okubhabhwira jinu jirikorekana.

Noorwo woori, muchaari kusabhwa echiinu choonechoone ku‑Nyamuwanga okutura kw‑isiina ryani. Musabhwe Nyamuwanga, kaja okubhayaana. Ku‑njira eyo rikonderwa ryemwe erija okukuumira.

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe. Omusakisi urya akaaja, aribhaga ˆneeresya abhaanu bha ku‑chaaro kunu ati ni bhakosi bha ebhibhiibhi, na ati anye niri murengeresi, ka wone ati Nyamuwanga aribharamura.

Emwe wone ku‑mwanya gunu musurumbaaye. Nawe niribhaaja‑ko rindi, na murikonderwa mu‑myoyo jeemwe. Atari‑wo omuunu unu arisoosya rikonderwa eryo mu‑myoyo jeemwe. Ka wone orusuku orwo rurikinga, mutarikena okumbuusya omusango gwonegwone. “Ni chimari enibhabhwira ati, joone jinu omuja okusabhwa okutura kw‑isiina ryani, Raata kaja okubhayaana.

Ni chimari enibhabhwira ati, emwe muririra na okusurumbara, nawe abhaanu bha ku‑chaaro kunu bharikonderwa. Murisurumbara, nawe obhusurumbaaye bhwemwe bhuriyinduka okubha rikonderwa.