Versets bíblics populars de ມັດທາຍ 19

Comparteix

ພຣະເຢຊູເຈົ້າ​ແນມເບິ່ງ​ພວກເພິ່ນ ແລະ ກ່າວ​ວ່າ, “ສຳລັບ​ມະນຸດ​ກໍ​ເປັນ​ໄປ​ບໍ່​ໄດ້, ແຕ່​ສຳລັບ​ພຣະເຈົ້າ​ທຸກສິ່ງ​ເປັນ​ໄປ​ໄດ້”.

ດັ່ງນັ້ນ ພວກເຂົາ​ຈຶ່ງ​ບໍ່​ໄດ້​ເປັນ​ສອງ​ອີກ​ຕໍ່ໄປ, ແຕ່​ເປັນ​ກາຍ​ດຽວ​ກັນ. ເຫດສະນັ້ນ ສິ່ງ​ທີ່​ພຣະເຈົ້າ​ໄດ້​ໃຫ້​ເຂົ້າຮ່ວມກັນ​ແລ້ວ ຢ່າ​ໃຫ້​ມະນຸດ​ເຮັດ​ໃຫ້​ພາກ​ຈາກ​ກັນ”.

ພຣະອົງ​ຕອບ​ວ່າ, “ພວກເຈົ້າ​ບໍ່​ໄດ້​ອ່ານ​ພຣະຄຳພີ​ບໍ​ທີ່​ວ່າ​ຕັ້ງແຕ່​ຕົ້ນເດີມ ພຣະຜູ້ສ້າງ ‘ໄດ້​ສ້າງ​ພວກເຂົາ​ໃຫ້​ເປັນ​ຊາຍ ແລະ ຍິງ’, ແລະ ກ່າວ​ວ່າ, ‘ດ້ວຍເຫດນີ້ ຜູ້ຊາຍ​ຈຶ່ງ​ອອກ​ຈາກ​ພໍ່ແມ່​ຂອງ​ຕົນ​ໄປ​ຜູກພັນ​ຢູ່​ກັບ​ເມຍ​ຂອງ​ຕົນ ແລະ ພວກເຂົາ​ທັງສອງ​ກໍ​ເປັນ​ກາຍ​ດຽວ​ກັນ’?

ພຣະເຢຊູເຈົ້າ​ກ່າວ​ວ່າ, “ຈົ່ງ​ປ່ອຍ​ໃຫ້​ເດັກນ້ອຍ​ມາ​ຫາ​ເຮົາ ຢ່າ​ຂັດຂວາງ​ພວກເຂົາ ເພາະ​ອານາຈັກ​ສະຫວັນ​ເປັນ​ຂອງ​ຄົນ​ທີ່​ເປັນ​ເໝືອນ​ເດັກນ້ອຍ​ເຫລົ່ານີ້”.

ແຕ່​ມີ​ຫລາຍ​ຄົນ​ທີ່​ເປັນ​ຜູ້ຕົ້ນ​ຈະ​ກັບ​ເປັນ​ຜູ້ປາຍ ແລະ ມີ​ຫລາຍ​ຄົນ​ທີ່​ເປັນ​ຜູ້ປາຍ​ຈະ​ກັບ​ເປັນ​ຜູ້ຕົ້ນ.

ແລະ ຜູ້ໃດ​ທີ່​ໄດ້​ປະຖິ້ມ​ເຮືອນ ຫລື ອ້າຍ​ເອື້ອຍ​ນ້ອງ ຫລື ພໍ່ແມ່ ຫລື ລູກ ຫລື ໄຮ່ນາ ເພື່ອ​ເຫັນແກ່​ເຮົາ ຜູ້​ນັ້ນ​ຈະ​ໄດ້​ຮັບ​ຜົນຕອບແທນ​ຮ້ອຍ​ເທົ່າ ແລະ ຈະ​ໄດ້​ຊີວິດ​ນິລັນດອນ​ເປັນ​ມໍລະດົກ.

ພຣະເຢຊູເຈົ້າ​ຕອບ​ວ່າ, “ຖ້າ​ເຈົ້າ​ຢາກ​ເປັນ​ຄົນດີ​ຄົບຖວ້ນ, ຈົ່ງ​ໄປ​ຂາຍ​ທຸກສິ່ງ​ທີ່​ເຈົ້າ​ມີ​ຢູ່ ແລະ ແຈກຢາຍ​ໃຫ້​ແກ່​ຄົນຍາກຈົນ ແລ້ວ​ເຈົ້າ​ຈະ​ມີ​ຊັບສົມບັດ​ໃນ​ສະຫວັນ, ຫລັງຈາກນັ້ນ ຈົ່ງ​ຕາມ​ເຮົາ​ມາ”.

ພຣະເຢຊູເຈົ້າ​ຕອບ​ວ່າ, “ເປັນຫຍັງ​ເຈົ້າ​ຈຶ່ງ​ມາ​ຖາມ​ເຮົາ​ວ່າ​ອັນ​ໃດ​ດີ? ມີ​ຢູ່​ພຽງ​ຜູ້ດຽວ​ທີ່​ດີ. ຖ້າ​ເຈົ້າ​ປາຖະໜາ​ຈະ​ເຂົ້າ​ສູ່​ຊີວິດ ຈົ່ງ​ຮັກສາ​ຄຳສັ່ງ​ທັງຫລາຍ​ໄວ້”.

ເຮົາ​ບອກ​ພວກເຈົ້າ​ອີກ​ວ່າ, ໃຫ້​ອູດ​ໂຕ​ໜຶ່ງ​ລອດ​ຮູ​ເຂັມ​ກໍ​ຍັງ​ງ່າຍ​ກວ່າ​ຄົນຮັ່ງມີ​ຈະ​ເຂົ້າ​ໃນ​ອານາຈັກ​ຂອງ​ພຣະເຈົ້າ”.

ເຮົາ​ບອກ​ພວກເຈົ້າ​ວ່າ, ຜູ້ໃດ​ຢ່າຮ້າງ​ເມຍ​ຂອງ​ຕົນ​ໂດຍ​ທີ່​ນາງ​ບໍ່​ໄດ້​ຫລິ້ນຊູ້​ກັບ​ຊາຍ​ອື່ນ ແລ້ວ​ໄປ​ແຕ່ງງານ​ກັບ​ຍິງ​ອື່ນ ຜູ້​ນັ້ນ​ກໍ​ຫລິ້ນຊູ້”.

ແລ້ວ​ພຣະເຢຊູເຈົ້າ​ກ່າວ​ແກ່​ພວກສາວົກ​ຂອງ​ພຣະອົງ​ວ່າ, “ເຮົາ​ບອກ​ພວກເຈົ້າ​ຕາມ​ຄວາມຈິງ​ວ່າ, ຍາກ​ຫລາຍ​ທີ່​ຄົນຮັ່ງມີ​ຈະ​ເຂົ້າ​ໄປ​ໃນ​ອານາຈັກ​ສະຫວັນ.