Versets bíblics populars de Lucas 10

Comparteix

A'yo ava'yic, laj xa cac'boxuc avu'elic sventa chapech'ic ta teq'uel jti'val chonetic xchi'uc stsequetic, xchi'uc scotol cajcontratic ti toj tsots svu'elique. Me jutuc mu'yuc c'usi xu' yu'un chaspasboxuc.

Itac'ov li Jesuse: —Marta, Marta, ta sventa ti toj ep c'usitic chanop chapase, jech chlo'ilaj avo'nton. Pero jun no'ox li c'usi tsots sc'oplale. Li Mariae ja' xa la st'uj li c'usi tsots sc'oplale, jech mu'yuc boch'o xu' chpojbat —xut.

Itac'ov li vinique: —C'ano me ta scotol avo'nton li Dios avu'une, xchi'uc ta scotol ach'ulel, ta scotol atsatsal, xchi'uc ta scotol ajol. C'ano achi'il jech chac c'u cha'al c'ux ta avo'nton abec'tal atuc, xi li smantal Diose —xi li vinique.

Jech laj yalbe scotolic: “Ta melel toj ep li c'aoje; ja' mu'yuc ep li boch'o tsc'ajique. Ja' lec c'anbeic Yajval c'aoj ti ac'o stac batel ep jc'aojetic yu'une.

Li oxibique ¿boch'o junucal la scuy ta xchi'il li jun vinic ti imajat yu'un j'eleq'uetique? —xi li Jesuse. Itac'ov li boch'o lec xchanoj smantal Diose: —Ja' li boch'o ic'uxubinvane —xi. Li Jesuse jech laj yal: —Batan, bat c'uxubinvanan jech ec li vo'ote —xut.

Batanic, vu'un ta jtacoxuc batel ta o'lol oq'uiletic jech chac c'u cha'al chijetic.