Versets bíblics populars de Lucas 9

Comparteix

Li Jesuse jech laj yalbe scotolic: —Li boch'o tsc'an chixchi'inune, mu me xc'uxubin sba. Ac'o xq'uech scruz jujun c'ac'al, jech xu' chixchi'inun.

Yu'un li boch'o tsots sc'oplal cha'ay xcuxlejale, ja' ta xch'ayes li xcuxlejale. Yan li boch'o mu tsotsuc sc'oplal cha'ay xcuxlejal ta jcoje, ja' ta xcuxi.

Li Jesuse jech la stac'be: —Li boch'o stsacoj ta sc'ob yabtejeb vacax sventa slocobil banamile, me ta sq'uel sutel sva'lupate, le'e mu xtun ta sventa xcholel li ventainel yu'un Diose —xut.

¿C'usi tsta o jun cristiano me chu'unin scotol c'usitic oy li' ta banamil, me ja' chch'ayes sba stuque?

Yu'un li boch'o ta xq'uexov ta jtojol, xchi'uc chq'uexov ta xch'unel jc'ope, ja' no'ox jechun ec vu'un ti Xnich'on cristiano lic'ote chiq'uexov yu'unic c'alal chital xchi'uc jxojobal, xchi'uc xojobal Jtot, xchi'uc xojobal li j'almantaletique.

Itac'ov li Jesuse: —Li vetetique oy xch'enic; li mutetique oy stasic. Pero vu'un ti Xnich'on cristiano lic'ote mu'yuc bu xu' ta jmochan jba —xi.

Jech laj yalbe li yajchanc'optaque: —Li boch'o chich' ta muc' li jun olol li'i, ti vu'un ta jventa tspase, ja' vu'un chiyich'un o ta muc'. Li boch'o chiyich'un ta muq'ue, ja' chich' o ta muc' li Jtot ti la stacun tale. Ja' yu'un li boch'o biq'uit ta xac' sba avu'unique, ja' banquilal ta xc'ot —xi li Jesuse.