Versets bíblics populars de Hechos 5

Comparteix

Ri Pedro kuk' ri jujun chik e taqo'n re ri Jesús xkik'ul uwach: —Lik chirajawaxik wi nab'e na e kaqakoj utzij ri Dios chwach ri kaqakoj kitzij rachijab'.

Jek'ula', ronoje q'ij na kakoq'otaj taj kek'utunik y kakitzijoj ri Utzilaj Tzij chwi ri Jesucristo chupa ri Rocho Dios y chi' taq ja.

Ek'u ri Pedro xub'i'ij che: —Ananías, ¿su'chak xaya luwar che ri Satanás kok pa awanima' cha' jela' ka'an raq'ub'al chwach ri Santowilaj Ruxlab'ixel ri Dios? Ma xab'i'ij xaya ronoje ri rajil rulew, pero k'o xawesaj kan che. Echiri' k'amaja' kak'ayij rawulew, ¿na awe'at ta neb'a la'? Y echiri' ak'ayim chik, ¿na paq'ab' ta neb'a k'o wi ka'an ruk' ri rajil sa' ri kawaj? ¿Su'chak k'u ri' xa'an wa'? ¡Na chikiwach ta k'u achijab' a'anom wi raq'ub'al ma e chwach ri Dios! —xcha'. Xew k'u xuta wa' wa ch'a'tem, ri Ananías xtzaq pulew y asu xkamik. Ruma k'u wa', xpe jun xi'in ib' pakiwi konoje ri xeb'eta'man re.

»Kamb'i'ij k'u wo'ora che alaq: Mech'ich'a' chi alaq wa'chijab'; ri 'ana alaq e cheyolopij b'i alaq. Ma we xa kino'jib'al achijab' wa kakik'utu, ri' kasach na uwach. No'j we wa' re ri Dios, na kach'ij ta alaq usachik kiwach; y k'ate k'u kana' alaq ri' kach'o'jin alaq ruk' ri Dios» xcha'.