Versets bíblics populars de Juan 16

Comparteix

»Ximb'i'ij ronoje wa' chiwe cha' wuma ri'in kiriq utzil chomal. Che ruwachulew ri'ix lik kitij k'ax. Pero chinimarisaj k'u ik'u'x, ma ri'in nuch'ijom uchuq'ab' taq ri na utz taj re ruwachulew —xcha'.

No'j echiri' kak'un ri Uxlab'ixel re ri Q'ijsaq, ri' kuk'ut chiwach ri'ix ronoje ri lik qatzij. Rire na xa ta pa re kach'a'tik, ma janipa ri kub'i'ij e ub'i'im ri Dios che y jela' kuya chi reta'maxik chiwe taq ri katajin loq.

K'a chwi wo'ora ri'ix na jinta k'o itz'onom pa ri nub'i' ri'in. Chitz'onoj y kik'ulu, cha' jela' kanoj ri iwanima' che ki'kotemal.

Pero qatzij wa kamb'i'ij chiwe: Lik utz chiwe ri'ix we kin'ek. Ma we na kin'ek taj, na kak'un ta iwuk' ri To'b'el re kub'ochi'ij ik'u'x. No'j we xin'ek, kantaq lo chiwe. »Echiri' kak'un ri Ruxlab'ixel ri Dios, kuya na chi reta'maxik chike ri winaq re ruwachulew china ri k'o umak, china ri lik jusuk' chwach ri Dios y china puwi' k'o wi ri q'atb'al tzij re ri Dios.

Jek'uri'la' ri'ix kapax ik'u'x wo'ora; no'j echiri' kiwil tanchi nuwach, kanoj k'u ri iwanima' che ki'kotemal yey wa' wa ki'kotemal na jinta junoq kesan re chiwe. Chupa k'u ri' la' la q'ij na kajawax ta chik ki'an tz'onob'al chwi ri nub'i'im. »Paqatzij wi kamb'i'ij chiwe: Ronoje ri kitz'onoj che ri Nuqaw pa ri nub'i', Rire kuya chiwe.

Paqatzij wi kamb'i'ij chiwe: Ri'ix kixoq' na y kixb'ison na, tob' ri winaq re ruwachulew keki'kotik. Tob' ri'ix kixb'ison wo'ora, wa b'is ku'ana ki'kotemal.