Versets bíblics populars de Yohanɛɛsɩ 15

Comparteix

Ma lɛ tɩʋ ŋgʋ́ popuu ki-pee sʋlʋm yɔ nɛ mɩ lɛ pilinzi. Weyi ma nɛ ɩ ɖɩkpɛndɩ ɖama tam yɔ, ɛwɛɣ wazaɣ siŋŋ. Mbʋ́ pʋyɔɔ yɔ, pɩtɛkɛ mɔ-yɔɔ yɔ, ɩɩpɩzɩɣ ɩla pʋyʋ.

Pʋwɛɛ se ma nɛ mɩ ɖɩkpɛndɩ ɖama ḿbʋ́ nɛ ɖɩwɛɛ tam. Yee piliŋa ɛwɛɛ nɛ kɛfɛyɩ tɩʋ yɔɔ yɔ, kaapɩzɩɣ kalʋlɩ. Ḿbʋ́ ɖɔɖɔ pʋwɛnɩ-mɩ, yee ɩtɛkpɛndɩ mɔ-yɔɔ ḿbʋ́ tam yɔ, ɩɩpɩzɩɣ ɩwɛnɩ wazaɣ.

Yee ɩkpɛndɩ mɔ-yɔɔ tam nɛ ɩɖɔŋ mɔn-tɔm yɔɔ yɔ, paa ɛbɛ mi-liu ɛwɛɛ nɛ ɩpɔzɩ yɔ, pahaɣ-mɩ-pʋ.

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Weyi etisiɣ nɛ ɛsɩ ɛ-ɛgbaɣdɩnaa yɔɔ yɔ, ɛsɔɔlɩ-wɛ siŋŋ. Sɔɔlɩm nabʋyʋ fɛyɩ nɛ pɩkɩlɩ ḿbʋ́.

Ɛsɛtɩɣ pilinzi nzɩ́ sɩwɛ mɔ-yɔɔ nɛ sɩɩlʋlʋʋ yɔ nɛ piyele ɛñɔɔzɩ nzɩ́ sɩlʋlʋʋ yɔ camɩyɛ nɛ sɩtɛzɩ lʋlʋʋ.

Paɣtʋ ndʋ́ manɖʋʋ-mɩ yɔ lɛ se: ɩsɔɔlɩ ɖama ɛzɩ mɔnsɔɔlʋʋ-mɩ yɔ.

Alɩwaatʋ ndʋ́ ɩwɛɣ wazaɣ siŋŋ nɛ ɩwɩlɩɣ se ɩkɛ mɔn-tɔmkpɛlɩkɩyaa yɔ, man-Caa hɩɖɛ sɛɣ.

Yesu tasɩ yɔɔdʋʋ se: «Ma lɛ tɩʋ ŋgʋ́ popuu ki-pee sʋlʋm yɔ kɩ-maɣmaɣ nɛ man-Caa lɛ kʋ-tʋ.

Weyi ɛtɛkpɛndɩ mɔ-yɔɔ tam yɔ, pɔlɔ-ɩ nɛ awayɩ ɛzɩ piliŋa yɔ nɛ ɛwɩlɩ. Pilinzi nzɩ́ sɩwɩlaa yɔ, pɔtɔzʋʋ-sɩ nɛ paɖʋ miŋ taa nɛ sɩñaɣ.

Meheyi-mɩ ḿbʋ́ se mɩ-taa ɛhʋlʋmɩ ɛzɩ ma yɔ nɛ mɩ-taa tɛzɩ hʋlʋmʋʋ.

Yee ɩɖɔŋ man-paɣtʋ yɔɔ yɔ, mɔnsɔɔlʋʋ-mɩ tam ɛzɩ mɔnɖɔm man-Caa ñɩndʋ yɔɔ nɛ ɛ́lɛ́ sɔɔlɩ-m tam yɔ.

Pʋ-yɔɔ lɛ, mbʋ́ manɖʋʋ-mɩ yɔ lɛ se: ɩsɔɔlɩ ɖama.»

Yee ɩɩkɛ pa-taa ñɩma yɔ, paasɔɔlɩ-mɩ se ɩkɛ pa-ñɩma. Ɛlɛ́, malɩzɩ-mɩ pa-taa nɛ mɩ nɛ wɛ ɩɩyaɣ ɖama pʋyʋ, pʋ-yɔɔ papaɖɩɣ-mɩ ḿbʋ́.