Versets bíblics populars de Yohanɛɛsɩ 16

Comparteix

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Toovenim Fezuu ŋ́gʋ́, kʋkɔŋ lɛ, kɩwɩlɩ-mɩ toovenim nʋmɔʋ tɩŋa. Pɩtɛkɛ ki-ɖoŋ ɖeke kʋyɔɔdʋʋna. Ɛlɛ́, ndʋ́ tɩtɩŋa payɩ kɩnɩɣ yɔ, kɩkɛdɩɣ-mɩ nɛ kiheyi-mɩ mbʋ́ pʋkɔŋ labʋ yɔ.

Halɩ nɛ sɔnɔ ɩtatɩɩsʋlʋmɩda nabʋyʋ nɛ mɔ-nɔɔ. Pʋ-yɔɔ lɛ, ɩsʋlʋmɩ-ɩ, ɛhaɣ-mɩ nɛ mɩ-laŋa tɛzɩ hʋlʋmʋʋ.»

Paa ḿbʋ́ yɔ, meheyiɣ-mɩ toovenim se: yee mɛnɖɛwa yɔ, pɩkɩlɩɣ-mɩ sɛʋ. Mbʋ́ pʋyɔɔ yɔ, mɛntɛɖɛɛ yɔ, Sɩnɩyʋ ɛɛkɔŋ mɩ-cɔlɔ. Ɛlɛ́, yee mɛnɖɛwa yɔ, mentiyiɣni-mɩ-ɩ. Alɩwaatʋ ndʋ́ ɛkɔŋ yɔ, ɛwɩlɩɣ kedeŋa ñɩma mbʋ́ pɩkɛ kɩwɛɛkɩm yɔ nɛ mbʋ́ pʋtʋʋzaa yɔ nɛ ɛzɩma mbʋ́ Ɛsɔ hʋʋ tɔm yɔ.

Mɩ ɖɔɖɔ lɛ, mɩ-laŋa wɛɛkɩ lɛɛlɛɛyɔ. Ɛlɛ́, mankaɣ-mɩ tasʋʋ naʋ nɛ ahʋlʋmɩ, nɔɔyʋ ɛɛpɩzɩɣ ɛwɛɛkɩ-yɛ ɖɔɖɔ kaʋ. Puwiye ńɖɩ́ lɛ, ɩɩtasɩɣ-m pɔzʋʋ natʋyʋ. Toovenim lɛ, meheyiɣ-mɩ se: mbʋ́ pɩtɩŋa payɩ ɩsʋlʋmʋʋ Caa nɛ mɔ-nɔɔ yɔ, ɛhaɣ-mɩ-pʋ.

Toovenim lɛ, mankaɖɩɣ-mɩ se: ɩkɔŋ wiluu nɛ ɩtɩmɩ. Ɛlɛ́, kedeŋa ñɩma laŋa hʋlʋmʋʋ. Mɩ-laŋa kɔŋ wɛɛkʋʋ, ɛlɛ́, mɩ-laŋwɛɛkɩyɛ ńɖɩ́, ɖɩkɔŋ pɩsʋʋ laŋhʋlʋmɩyɛ.