Versets bíblics populars de Juan 6

Comparteix

Catuꞌ jix yalon tet ebꞌ jaxca tiꞌ: —Jain tiꞌ, jaxca loꞌbꞌe wei, yutol akꞌom kꞌinale jin an, tol ey cꞌal yin tobꞌalkꞌinal. Jaꞌ ebꞌ chi jul ey jin an, cꞌamxa bꞌakꞌin oj tit swail ebꞌ. Jaꞌ ebꞌ chin aon oc yin scꞌul, cꞌamxa chi tit pax stajin tiꞌal ebꞌ.

Jaꞌ Yespíritu Dios chi akꞌon kꞌinale tol ey cꞌal yin tobꞌalkꞌinal. Jal cu mimanil xin, cꞌam yopiso yin yakꞌon kꞌinale. Jaꞌ wan kꞌane chi wal ey jex tiꞌ an, caw yel yet Espíritu. Yuxan, jaꞌ chi skeꞌ yakꞌon je kꞌinal tol ey cꞌal yin tobꞌalkꞌinal.

Man ojabꞌ yin tzet chi cu loꞌ che yaoc je naꞌbꞌal je seyoni, yutol tucꞌal chi lawi eloj. Ey junxa tzetyetal jaxca tzet chi cu loꞌ tuꞌ, jal jun tuꞌ, tol cꞌam bꞌakꞌin chi lawi. Jaꞌ chi akꞌon je kꞌinal tol ey cꞌal yin tobꞌalkꞌinal. Yuxan, jaꞌ ojabꞌ jun tuꞌ che yiꞌatej je cꞌul je seyoni. Jain oj wakꞌ jun tuꞌ ey jex an, yutol Akꞌbꞌil Wopiso xol ebꞌ ket animail yu Dios, jix jin txꞌoxel cu Mam Dios an, ẍi Jesús tet ebꞌ.

Jaꞌ yochwan jin Mam tuꞌ, tol masanil mac chi abꞌen jin kꞌaneal, catuꞌ chin yaon oc ebꞌ yin scꞌul, chi ẍaꞌ can skꞌinal ebꞌ tol ey cꞌal yin tobꞌalkꞌinal. Yuxan jain, oj wakꞌ pitzcꞌu pax a ebꞌ yet slawubꞌ cꞌual tuꞌ, ẍi Jesús tet ebꞌ.

Catuꞌ jix yalon Jesús tet ebꞌ jaxca tiꞌ: —Tol jaꞌ jun tiꞌ chi yoche Dios che yunne, chi yoche tol che yaoc je cꞌul win an, yutol jaꞌ jix jin chejontej, ẍi Jesús tet ebꞌ.

Masanil ebꞌ chi yakꞌ cu Mam Dios ey jin an, oj jul ebꞌ ey jin tiꞌ. Jaꞌ ebꞌ chi jul ey jin tiꞌ an, cꞌam junoj ebꞌ man oj jin chaꞌ.

Yuxan jix takꞌwi Simón Pedro tuꞌ tet Naj jaxca tiꞌ: —Jaach Cuywam, cꞌam junojxa mactxequel bꞌey oj cu oc tzajanoj. Yutol jaꞌ yin wan kꞌane cha wal ey jon tiꞌ, jatuꞌ oj cu chaꞌ cu kꞌinal tol ey cꞌal yin tobꞌalkꞌinal.

Jain ton jix jin eytej satcan tuꞌ, laan jin jaxca loꞌbꞌe, yutol akꞌom kꞌinale jin tol ey cꞌal yin tobꞌalkꞌinal. Yuxan, jaꞌ mac chi loꞌon jun tiꞌ, iquis cꞌal ebꞌ tobꞌalkꞌinal. Jaꞌ jun tzetyetal laan jaxca loꞌbꞌe chi wakꞌ loꞌle tiꞌ, jaꞌton jin mimanil. Chi wakꞌ an, yet watxꞌ chi skeꞌ yiquisbꞌi cꞌal ecꞌ masanil ánima yin tobꞌalkꞌinal, ẍi Jesús tet ebꞌ.

Cꞌam junoj mac tucꞌal chi yakꞌ jul sbꞌa ey jin an, ta manaj jin Mam chi chejontej ebꞌ ey jin an. Jaꞌ ebꞌ chi jul ey jin tiꞌ an, oj wakꞌ pitzcꞌu a ebꞌ yet slawubꞌ cꞌual.

Yutol jaꞌ jun loꞌbꞌe chi wal tol chi yakꞌ Dios tiꞌ, jaꞌ bꞌey satcan jix eytej. Ey ebꞌ bꞌey yul yibꞌankꞌinal tiꞌ oj ẍaꞌ skꞌinal ebꞌ tol ey cꞌal yin tobꞌalkꞌinal yu, ẍi Jesús tet ebꞌ.

Jain tiꞌ, jaxca tol loꞌbꞌe jin, yutol akꞌom kꞌinale jin tol ey cꞌal yin tobꞌalkꞌinal.

Catuꞌ jix ẍaꞌon ecꞌ ixim pan Naj Jesús. Catuꞌ jix yalon yu diosalil tet Dios yu ixim. Catuꞌ jix spoꞌon ecꞌ yin ebꞌ scuywom tuꞌ. Jaxa ebꞌ cuywom, jix poꞌontoj yin ebꞌ jix ey chotan tuꞌ. Quey pax tuꞌ jix yute yetoj noꞌ pescado, jantaj cꞌal chi yoche scꞌul junjun ebꞌ. Jaꞌ yet jix xew slow ebꞌ sicꞌlebꞌil, jix yalon Jesús tet ebꞌ scuywom jaxca tiꞌ: —Yambꞌawej a masanil ixim jix can tiꞌ, yet watxꞌ cꞌam niꞌoj ixim chi etextoj, ẍi Naj tet ebꞌ.

Eyxam nanoj scaabꞌ legua xa bꞌey ey ebꞌ, catuꞌ jix yilontej ebꞌ tol lalan yapni Jesús yintaj ebꞌ. Chi bꞌey Naj yibꞌan jaꞌ yetoj yajan. Yuxan, caw jix xiwa ebꞌ. Jix yaltoj Naj tet ebꞌ jaxca tiꞌ: —Jain ton Jesús jin tiꞌ an, manche jex xiwi, ẍi Jesús tet ebꞌ.