Versets bíblics populars de Juan 7

Comparteix

Ta ey jex che yaoc je cꞌul win an, jaxca tol ey jun jaꞌ jaꞌ oj aol snukꞌ yin je pixan, catuꞌ oj el sne. Jaꞌton jun tuꞌ oj akꞌon je kꞌinal tol ey cꞌal yin tobꞌalkꞌinal. Yutol jaxca tuꞌ yalon can An Juun Tzꞌibꞌebꞌilcanoj, ẍi Jesús tet ebꞌ.

Jaꞌ yet jun cꞌu yet chi lawi can el kꞌin, ecꞌal ánima jix yamchai. Yuxan jato yet slawubꞌ scꞌual kꞌin tuꞌ, jix a linan Jesús snan xol ebꞌ, catuꞌ jix yalon yin ipal jaxca tiꞌ: —Ta ey jex che yoche che chaꞌ can kꞌinale tol ey cꞌal yin tobꞌalkꞌinal, titanwej ey jin an. Jaxca che yute che yuqꞌuen jaꞌ jaꞌ yu je tajin tiꞌal, queytuꞌ oj je yute je chaꞌon jun kꞌinale tuꞌ ey jin an.

Queytuꞌ jix yute yalon jaxca tuꞌ, yutol jaꞌ ebꞌ chi yaoc scꞌul yin Naj, chi ale oc Naj Espíritu yin ebꞌ yu. Jaꞌ yet jun tiempoal tuꞌ, cꞌamto chi akꞌle Espíritu tet ebꞌ ánima, yutol cꞌamto chi paxa Jesús bꞌey satcan.

Man ojabꞌ comonoj che naꞌoc win an. Ta ey mac che naꞌoc yin, watxꞌ ojabꞌ che yute je naꞌon oc yin, ẍi Jesús tet ebꞌ.

Jaꞌ mac tol yul cꞌal yet chi kꞌanabꞌi, tol chi yiꞌa can sbꞌa, yet watxꞌ miman xacꞌal yeloc apnoj snaꞌoni. Jal jin jain tiꞌ, chi woche tol jaꞌ Naj mac jix jin chejontej, jaꞌ ojabꞌ Naj miman yeloc apnoj yul je sat. Yuxan caw yel chi wal ey jex an. Cꞌam cꞌal lekꞌtiꞌal chi wun an.

Yuxan jix yal Jesús tet ebꞌ jaxca tiꞌ: —Jaꞌ wan cuybꞌanile chi wal ey jex tiꞌ an, man wetoj an. Yet Naj mac jix jin chejontej.

Jaꞌ ebꞌ yet yul yibꞌankꞌinal tiꞌ, cꞌam chi skeꞌ ẍichon oc scꞌul ebꞌ je yin. Jal pax win chi chichon oc scꞌul ebꞌ, yutol chin txꞌoxeloj tol pena sbꞌeybꞌal ebꞌ.