Versets bíblics populars de Lucas 21

Comparteix

Yuxan caw listo che yute je bꞌa. Txalanwej cꞌal tobꞌalkꞌinal, yet watxꞌ oj skeꞌ je colon je bꞌa yalan wan tzet oj jul tuꞌ, catuꞌ chex apni jin sattaj, jain Akꞌbꞌil Wopiso yu Dios xol ebꞌ ket animail tiꞌ an, ẍi Jesús tet ebꞌ.

Che yil cꞌal je bꞌa. Manche je yakꞌ cawxo el je bꞌa yu kꞌin cꞌal yu uqꞌueanil, ma yu junojxa tzetyetal chex oc bꞌiscꞌulal yu bꞌey yul yibꞌankꞌinal tiꞌ. Ta cꞌamaj, jaꞌ yet oj jul jun cꞌual tuꞌ, man listo oj je yei.

Ta tecꞌan cꞌal oj je yute je bꞌa, oj je yakꞌ ganar je chaꞌon je kꞌinal tol ey cꞌal yin tobꞌalkꞌinal.

Yutol jain oj jin kꞌanabꞌ el je yin, catuꞌ oj wakꞌon je jelanil. Yuxan, cꞌam junoj ebꞌ chi jowi oc scꞌul je yin tuꞌ oj jex akꞌon ganar. Cꞌam junoj ebꞌ chi apni sjelanil jaxca jun oj wakꞌ ey jex an.

Oj lawoj el satcan cꞌal yul yibꞌankꞌinal tiꞌ, jal jin kꞌane xin, man oj tan el tzet chi wal an.

Ey wan yechel oj xꞌox sbꞌa yin cꞌu, cꞌal yin xꞌaaw, cꞌal yin weycan. Jal bꞌey sat txꞌotxꞌ tiꞌ xin, oj somcha el scꞌul ánima yu xiwcꞌulal bꞌey junjun conobꞌ. Yutol oj a pulna jaꞌ mar catuꞌ oj awoj smakꞌon ey sbꞌa jaꞌ. Oj sajbꞌoj el ebꞌ ánima yu xiwcꞌulal, yet oj snaꞌontej ebꞌ tzettaj yetal oj jul yul yibꞌankꞌinal tiꞌ. Jaꞌ wan tzetyetal ey yip bꞌey satcan, oj tzicoꞌtanele ebꞌ. Oj lawoj tuꞌ, catuꞌ oj yilon ebꞌ ánima, oj jin eyol xol jun asun, jain Akꞌbꞌil Wopiso yu Dios xol ebꞌ ket animail tiꞌ an.* Oj jin jul yetoj miman wipal, cꞌal jin miman tzejejial.

Jal masanil ánima xin, oj jowi oc scꞌul ebꞌ je yin, yutol eyoc je cꞌul win an.

Ecꞌal bꞌey oj ecꞌ mimej quixcabꞌ caw jow. Ecꞌal wan tzetyetal oj je yil satcan, caw oj xiw ánima yu. Oj xꞌoxon a sbꞌa wan yechel bꞌey satcan tol caw miman yeloc apnoj tuꞌ.

Oj je yabꞌ skꞌaneal wan mimej jowal, oj a waan ebꞌ comon ánima yin jowal yin ebꞌ yaaw. Manche je xiwaoj. Yutol sowalil jaꞌ wan tiꞌ oj bꞌabꞌoj ecꞌ eloj. Man to pax oj lawoj ecꞌ yul yibꞌankꞌinal tiꞌ yet tuꞌ. Oj smitxꞌle a sbꞌa mimej nación* yin jowal. Yetoj wan txꞌoj txꞌoj mimej conobꞌal, oj smitxꞌle pax a sbꞌa yin jowal.

Ey wan yechel oj xꞌox sbꞌa yin cꞌu, cꞌal yin xꞌaaw, cꞌal yin weycan. Jal bꞌey sat txꞌotxꞌ tiꞌ xin, oj somcha el scꞌul ánima yu xiwcꞌulal bꞌey junjun conobꞌ. Yutol oj a pulna jaꞌ mar catuꞌ oj awoj smakꞌon ey sbꞌa jaꞌ. Oj sajbꞌoj el ebꞌ ánima yu xiwcꞌulal, yet oj snaꞌontej ebꞌ tzettaj yetal oj jul yul yibꞌankꞌinal tiꞌ. Jaꞌ wan tzetyetal ey yip bꞌey satcan, oj tzicoꞌtanele ebꞌ.

Oj smitxꞌle a sbꞌa mimej nación* yin jowal. Yetoj wan txꞌoj txꞌoj mimej conobꞌal, oj smitxꞌle pax a sbꞌa yin jowal.

Jix yalon tet ebꞌ jaxca tiꞌ: —Caw listo cꞌal che yute je bꞌa, yet watxꞌ cꞌam mac oj jex etnen oj. Yutol ecꞌal mac oj juloj, oj tzꞌaj yaoc jin bꞌi ebꞌ yin, “Jain ton Cristo jin an,” ẍi ebꞌ oj tzꞌaj yalon ebꞌ. “Tol jix jul slawubꞌal yul yibꞌankꞌinal,” ẍi ebꞌ oj yalon pax ebꞌ. Manche je yaoc yin je cꞌul tzet oj yal ebꞌ tuꞌ.