Versets bíblics populars de Lucas 22

Comparteix

Jix yal yin xa jaxca tiꞌ: —Mamin, ta chi el yin ja cꞌul, cha tenel jun syaꞌilal tiꞌ wibꞌan an, catuꞌ cꞌam chi wabꞌ syaꞌil an. Man ojabꞌ pax jaxca oj chi woche an, tol jaxca ojabꞌ cha woche, ẍi Jesús.

Caw jix jin kꞌanle tet Dios yet watxꞌ cꞌam cha wiꞌel ja cꞌul yin Dios. Jaꞌ yet oj ja waon pax oc ja cꞌul win junelxa an, akꞌ stecꞌanil snaꞌbꞌal ebꞌ ja wuẍtaj, ẍi Jesús tet naj Pedro.

Catuꞌ jix yiꞌon a jun pan. Jix yalon yu diosalil yu. Jix spoꞌon ecꞌ xol ebꞌ tuꞌ. Catuꞌ jix yalon tet ebꞌ: —Jaꞌton jin mimanil oj akꞌle je yu cꞌal tiꞌ. Loꞌwej, yu jin je naꞌontej, ẍi Jesús tet ebꞌ.

Quey pax tuꞌ jix yute jun vaso, yet jix lawi sloꞌon ixim pan ebꞌ tuꞌ. Jix yalon tet ebꞌ jaxca tiꞌ: —Jaꞌ tzet eey yul jun vaso tiꞌ, jun swa kꞌane Dios tol to chi yakꞌ je yetoj. Yu jin chiqꞌuil, oj yun jun wa kꞌane tuꞌ. Jaꞌ jin chiqꞌuil chi el je yu.

Caw jix oc pitzꞌan cuscꞌulal yin scꞌul. Yuxan jix yiꞌatej scꞌul xali sicꞌlebꞌil. Caw jix el jaꞌ yin. Caw jix ey tꞌulabꞌoj jaꞌ yin jaxca chicꞌ, queytuꞌ jix el yin, jix eyqꞌuey sat txꞌotxꞌ.

Jaex tiꞌ, manche je yute je bꞌa jaxca ebꞌ yaaw tuꞌ. Ta ey jex yel miman je yeloc apnoj je xol, iꞌwej eytej je bꞌa jaxca junoj unin cꞌam yeloc apnoj. Yetoj pax oj, ta jaex yaaw je yei, utewej je bꞌa yin moosoal.

—Pedro chi wal ey jaach, oxel xax jin ja wiꞌel ja win an, catuꞌ oj okꞌa noꞌ caẍlan yet jun akꞌbꞌalil tiꞌ, ẍi Jesús tet Pedro.