Versets bíblics populars de Lucas 23

Comparteix

Jaꞌ yet lalan slocbꞌale a Jesús yu ebꞌ, catuꞌ jix yalon jaxca tiꞌ: —Mamin, akꞌ mimancꞌulal yin ebꞌ, yutol man yotaj oj ebꞌ tzet chi yunne, ẍi Jesús tet Dios. Jix cꞌoli yakꞌon suerte ebꞌ soldado yin spichil Jesús tuꞌ, catuꞌ jix spoꞌon ecꞌ an ebꞌ yin.

Jix yalon Jesús tuꞌ tet naj jaxca tiꞌ: —Caw yel chi wal ey jaach, yet jun cꞌu tiꞌ, oj jaach apnoj wetoj bꞌey jun lugar chi yij Swatxꞌilal, ẍi Jesús tet naj.

Catuꞌ jix yalon naj tet Jesús jaxca tiꞌ: —Jaach Jesús, tol oj wal chin ja naꞌtej yet oj jaach jul ja wakꞌon Yaawilal, ẍi naj tet Jesús.

Catuꞌ jix a yaw Jesús yin ipal jaxca tiꞌ: —Mamin, chi wakꞌcan jin pixan yul ja kꞌabꞌ, ẍi Jesús tet Dios. Yet jix lawi yalon jaxca tuꞌ, jix cami.

Jix apni ebꞌ bꞌey jun lugar chi yij Calavera. Chi yal yeloc apnoj, “Sbꞌajil Jolome.” Jatuꞌ jix slocbꞌa a Jesús ebꞌ yin culus. Catuꞌ jix slocbꞌan pax a cawan ey spenail tuꞌ ebꞌ. Jun bꞌey swatxꞌ kꞌabꞌ Jesús, jun bꞌey sqꞌuexan kꞌabꞌ.

Jaꞌ yet chumanxa cꞌu jix kꞌejbꞌi masanil yul yibꞌankꞌinal tiꞌ, masantaꞌcꞌal yet a las tres. Jix kꞌej jolel cꞌu. Catuꞌ jix tzilcha eytej snan an kꞌap eyoc smajiloj jun lugar tol Asan Dios Ey Yet Xꞌojli yul stemplo Dios.

Jaꞌ yet jix yilon naj scapitán ebꞌ soldado tzet jix yunne, jix yal naj watxꞌ kꞌane tet Dios. Jix yalon naj jaxca tiꞌ: —Caw yel, jaꞌ jun winaj tiꞌ, caw cꞌam spenail, ẍi naj.