Versets bíblics populars de Ducas 12

Comparteix

Adquiecbidi Matsesën Tishaid yec ampe choacbimbuec chosho: Umbibi tantienquio icchitomane, queshun chieshtoenquio icquin ubi tantiaquin cainta, quepanëdash Esus.

Adembidi: Nuquin Papan namiacno tabadtequid nebi, quequin aid tantiata. Aden tantiaquid icquin abi chuisho mitsana mibi bedmendac.

Aden aid chuishumbic: Cuna dadpenquio bednu, quesa icta. Mimbi dadpen bedaidënquio mibi bëdambuec tabadtiapimbo iquendac.

Utsibo abi bunaiduidi tantiec tabadnubi Nuquin Papabëd tabadte bunquin aidën chiacpaden nabanec tabadta, quepanëdash Esus.

Mitsanauidi tantiec natiec tabadnubi ¿mibi uënëste uëshë chonoc: Padi, quecta mibi icpe? Padenquio.

Aden iccuededquido chuishumbic Esusën abëd icquido nadopanëdash: ¿Atotsimbi pepeba? ¿Mitsicquidibi dasiuidpeba? quequin min dada bëdambo icmeteuidi tantiec tabadenda.

Adembidi min manëdaid abitedimbo Nuquin Papan tambanaidquio nec. Aden min manëdaid tambanquid icquin uicchun bëdiactsëc tantiaquimbi mibitedien cumapenen tantieque. Dacuëdec tabadenda.

Mibitedi cun obecabimbuecquido nec. Adquido yec daëdpactsëc icshobi Nuquin Papan ambi namiacno tabadmete buneque. Dacuëdenda, caimbi.

Uicchunën ambi cute ëshë siac bacuëacsho chenquio iquec. Adecbidi ambi pete dayun uatequid shubumpi nibëdec. Adquid icshobi Nuquin Papan aton pete bedmec. ¿Aden uicchun bëdiactsëc tantiaquimbi matses tantiaquidquio icquin mibitedi pete bedmenquioda icpadic? Adquid icquin Nuquin Papan mibi nashunquin min pete icmeque. Natiec tabadenda.

Adquid iquec: ¿Atotsimbi peshun acpeba? quec natiec tabadenda.

Padnuen cute bacuëec tuashquiaid bëdamboshë isadbuedi badedquio sequiacsho nëdëncaquid yendac. Adquid icnuc ¿abipadquid Nuquin Papan ambi uaido icsho mibi dasiuidte dashcute bedmenquioda icpadic? Ubi bedmenquio ictsiash, quequin Nuquin Papa bëdiactsëc mimbi tantiec.

Utsibo ismenquio icquin ompodshon nabanaidtedi tantiadanendac. Adembidi utsibo tantiamenquio icquin nabanaidtedi chiadanendac.