Versets bíblics populars de Jâŋ 16

Comparteix

Mɨ nyinna nyí nɨ́ɨ́b kɨ́ u̧ ɓe àm ju ɓaín nɨ́me nyí du dùnɨ rè, nyí a kwà ju ɗóóŋ na á. Nyí kwá pə́ jábɨ́r ɗɔ̀bín, ɨ́dù tamnáam njɔ̧̀. Nyòom ɓáŋhɨ́b ɗɔ̀ɔ́b lè noò, mɨ ɓəttɨ́ ŋgáb su!»

Ɓwâ Nyéhè du túùmnɨ àmɨɨr Mèèín ɓa gòniì, ŋgə́ ɓa ndɨ̀ŋnɨ nyí ɗə̀ŋhɨ̀ àmɨɨr lâs á. Ŋgə́ tɨ̀ nɨ ɓe nyòm ŋgə́ nɨ̀mɨrí nyìnɗóòwá, ŋgə́ ɓa tànɨ nɨ́ɨ́b lâs ŋgə́ ókworé á, ŋgə́ a tànàɓwê nyí nɨ́m ɓa ndɨ̀ŋnɨ cɨ́m yȩné.

Há̧á̧ ɗàrò nyí nɨ́m kù àm nyí du nɨ̀fuùb moò ɓwèìháyèwá. Ɓweináam, Tá moò ɓa nyí nànɨ á, ɗà mɨ̀tù nyínè sumíì a dùɓà yúklîn.»

Nɨ́m mwi̧ mɨ tana nyí àmɨɨr á: á mîn mɨ gɨ̀ gwɨ̀ì lè, àm nò kpɔ́k nyínè a gòó. Ɓetí mɨ ɨ́ dù mɨ́ gɨ̀wá, ŋgə́ tɨ̀ nɨ gòo. Mɨ gɨceé, mɨ ɓa nyí ŋgə́ tómwònànɨ á. Ɓwâ ŋgə́ ɓace gòniì, ŋgə́ ɓa túùmnànɨ nùb ɗɔ̀bɨ́nné cum ŋgábè á, ŋgə́ a túùmnà ŋgáb jɨ̀r àmɨɨr. Ŋgə́ a tànàɓwê ŋgáb hȩ ŋgwìn Mèèín kwá duré.

U̧ á ɓwê nyí du ɓe yəré sumí ɗàrò. Ɨ́dù nɨ́m ɓa ɓàìncùnánɨ á, nyí a dù ɓe mɨ̀tù sumí. Nyí kwá dulɨ́ŋ ɓe mɨ̀tɔ̀k kɨ́ sumí u̧, nò ɓáaŋkɨ́ré ɗàà. «Ɓwâ ye kɨ́ ɓa sànniì, nyí tɨ̀ nɨ mɨ fɔ́ nɨ́m kù ya fɔ́cɨ̀r. Mɨ tanaɓa nyí àmɨɨr wááŋ á: Bɨ̀bá ɓa nyí nànɨ nɨ́ɨ́b lâs nyí ɓwei àm nyí du nɨ̀fuùb moò á.

Mɨ tanaɓa nyí àmɨɨr wááŋ á, ɓa nyí só yínɨ á, nyí a kɨ́ì; ɨ́dù nùb ɗɔ̀bɨ́nné a ókcè bɨ́ mɨ̀tù. Nyí ɓa óknɨ yəré sumí á, ɨ́dù yəré nyínè sumí kɨ́ a sèìcù mɨ̀tù.