Versets bíblics populars de Yôhan 11

Comparteix

Yêsu laĭ kơ ñu tui anai, “Kâo yơh jing Pô pơhơdip glaĭ ƀing mơnuih mơnam laih anŭn ngă kơ ƀing gơñu hơdip hlŏng lar. Hlơi pô đaŏ kơnang kơ Kâo ñu anŭn či hơdip dơ̆ng, wơ̆t tơdah ñu djai laih. Hlơi pô dŏ hơdip laih anŭn đaŏ kơnang kơ Kâo, bơngăt ñu anŭn ƀu či djai hĭ ôh. Ih đaŏ kơnang kơ tơlơi anŭn mơ̆?”

Giŏng anŭn, Yêsu laĭ kơ ñu tui anai, “Ih hơmâo wơr bĭt hĭ laih tơlơi Kâo pơtă laih kơ ih kơ tơlơi tơdah ih đaŏ kơnang kơ Kâo, ih či ƀuh hiư̆m yom prŏng Ơi Adai jing yơh!”

Yêsu hia.

Tơdang Yêsu hơmư̆ tơlơi anŭn, Ñu laĭ tui anai, “Tơlơi kơñăm kơ tơlơi ruă duăm anŭn jing ƀu djơ̆ kơ tơlơi ñu khŏm djai ôh. Samơ̆ tơlơi ruă anŭn truh yơh kiăng kơ mơnuih mơnam či thâo krăn kơ tơlơi hiư̆m kơtang mơyang Ơi Adai jing laih anŭn kơ tơlơi Ñu kiăng kơ ƀing arăng pơpŭ pơyom kơ Kâo, jing Ană Ñu, yuakơ tơlơi truh anŭn.”

Tơdang Yêsu pơhiăp giŏng laih tơlơi anŭn, Ñu iâu kraih tui anai, “Ơ Lazaros, tơbiă bĕ!” Mơnuih djai anŭn tơbiă rai, tơkai tơngan gơ̆ dŏ pŏn hăng khăn sŏm laih anŭn khăn klŭm jum dar ƀô̆ mơta gơ̆. Yêsu pơđar kơ ƀing gơñu tui anai, “Yaih hĭ bĕ khăn pơyua ƀơi ñu laih anŭn brơi kơ ñu nao bĕ.”

Yuakơ tơlơi ƀing gơñu pơhiăp anŭn, Yêsu glưh pran jua dơ̆ng, Ñu nao pơ anih pơsat. Pơsat anŭn jing sa boh pa̱r čư̆ arăng pioh sa boh pơtâo kơđŏl hĭ ƀơi bah amăng.

Tơdơi kơ Ñu pơhiăp laih kơ tơlơi anŭn, Ñu laĭ kơ ƀing gơñu dơ̆ng tui anai, “Gơyut ta Lazaros hơmâo pĭt laih, samơ̆ Kâo či nao râo mơdưh ñu.”