Versets bíblics populars de Yôhan 16

Comparteix

“Kâo hơmâo ruai laih kơ ƀing gih hơdôm tơlơi anŭn, kiăng kơ pơgop sa hăng Kâo yơh ƀing gih či rơnŭk rơnua amăng pran jua gih. Amăng lŏn tơnah anai ƀing gih či hơmâo tơlơi rŭng răng. Samơ̆ hơđơ̆ng pran jua bĕ! Kâo hơmâo dưi hĭ laih kơ ƀing mơnuih hơmâo pơkơdơ̆ng glaĭ laih hăng Kâo.”

Samơ̆ Yang Bơngăt Hiam či pơtô ƀing gih hơget tơlơi jing sĭt. Tơdang Ñu rai, Ñu či djru brơi kơ ih thâo abih bang tơlơi sĭt yơh. Ñu ƀu či pơhiăp tui hăng Ñu pô ôh. Ñu či pơhiăp kơnơ̆ng tui hăng tơlơi Ñu hơmư̆ mơ̆ng Ama Kâo laih anŭn Ñu ăt či ruai kơ ƀing gih hơdôm mơta tơlơi či truh tơdơi mơ̆n.

Truh pơ tă anai, ƀing gih aka ƀu rơkâo ôh kơ Ơi Adai kơnang amăng anăn Kâo kiăng kơ ngă brơi hơget mơta tơlơi. Rơkâo kơ Ñu bĕ laih anŭn ƀing gih či mă tŭ tơlơi anŭn, laih anŭn ƀing gih či jing hĭ mơak mơai bă hlo̱m yơh.”

Samơ̆ Kâo laĭ sĭt kơ ƀing gih tui anai: Tơlơi Kâo či đuaĭ hĭ anai jing tơlơi tŭ yua kơ ƀing gih yơh. Tơdah Kâo ƀu đuaĭ hĭ ôh, sĭt Pô Djru Pơmĭn ƀu či rai pơ ƀing gih ôh. Samơ̆ tơdơi kơ Kâo đuaĭ hĭ, Kâo či pơkiaŏ Ñu rai pơ ƀing gih yơh. Tơdang Yang Djru Pơmĭn anŭn rai, Ñu či pơrơđah kơ mơnuih mơnam thâo krăn kơ tơlơi ƀing gơñu jing soh, kơ tơlơi Kâo jing tơpă hơnơ̆ng laih anŭn či phat kơđi mơnuih mơnam tui anai

Bơ kơ ƀing gih, ƀing gih ăt kar kaĭ mơ̆n, ră anai jing mông ƀing gih rơngot hơning, samơ̆ Kâo či ƀuh ƀing gih dơ̆ng hăng ƀing gih či hơ̆k mơak yơh laih anŭn ƀu hơmâo hlơi pô ôh dưi pơgăn hĭ ƀing gih mơ̆ng tơlơi mơak anŭn. Amăng hrơi anŭn, ƀing gih ƀu či rơkâo kơ Kâo tơlơi hơget dơ̆ng tah. Kâo laĭ sĭt biă mă kơ ƀing gih, Ama Kâo či ngă brơi hơdôm mơta tơlơi kơ ƀing gih yơh hơget tơlơi ƀing gih rơkâo kơnang amăng anăn Kâo.

Kâo laĭ sĭt biă mă kơ ƀing gih, tơdơi kơ Kâo đuaĭ hĭ, ƀing gih či rơngot hơning biă mă, samơ̆ ƀing mơnuih pơkơdơ̆ng glaĭ hăng Ơi Adai či hơ̆k kơdơ̆k yơh. Ƀing gih či rơngot hơning samơ̆ tơdơi kơ anŭn ƀing gih či jing hĭ mơak mơai yơh.