Matiyu 15:18-20

Wandakali mindimane kii wasa-wasa napelene, tomo nalu, matili balato tomo okone ii too apialane. Tene okonena, kii wasa-wasa peya napene tomo nalane mana okonemane Gotena wenonga bala mo kalato ataya na-alane. Wuane tekeko, minditaka wandakalina ambulininga ato kamaka epalane tupamane Gotena wenonga wandakali tupa mo kalato ataya alane. Anu peakale nambato wuane leyope. Wandakali-mane nembo koo toto, wandakali mindi peyo ome lokale, yangone mindi ando owato pii lokale, yangone mindi layangokale, minditaka pake nokale, pamuku pukale nembo talaini. Nembo-tene koo utupane pitaka wandakalina yamapanenga paleya-kola, balato nembo-tene koo utupane wato minukale nembo talaini mana okomane Gotena wenonga bala mo kalato ataya alane. Jisasato wuane lea.