Matiye 3
3
Va Zaŋ məgəɗ baptem adarban wənna
(Markus 1.1-8 / Luka 3.1-18 / Zaŋ 1.19-28)
1Də pay nani Zaŋ məgəɗ baptem agilke a muya na Zude, atəŋgək wəpele. 2Amna: Məkpaŋgan wədaw nokum vi məlĩ na Maŋgəlva go'oy.
3Zaŋ ndəni an məs kleŋ Ezay apel wənnani amna:
Ɗəf tay wənzla vamvəl awra:
Məzaɓan tive na Ɗəfdaya,
məɗɗa sən tiveɗ dəsoŋgən sarara.
4Zaŋ tay gul lukut məɗan də denɗeke na zlogomo, tay winan dədakan də kətu, zəga nawzəm nan na heyɗeŋɗe gəm amama. 5Ɗii məs dəzoŋ sə Zerusalem səka dələv na Zude may səka dələv na maŋgava məlpa na Zordan pakə, azoŋko azani. 6Arbanənək mambray neti, Zaŋ aɗɗa sitik baptem a məlpa na Zordan.
7Adan Zaŋ awle Farisiyenɗe* dit Sadusiyenɗe ada zoŋ azani vi kawrəh baptemi, apsit na: Kirtit barwayɗe nawa dənah sukum na wakukohoŋ səma wəda gədəv na Maŋgəlva an dədazan di? 8Məgəɗ wəza an narban na kəkpaŋgaŋka, kəpplanənək wəza nokum məsvani: 9Kədaɗumoŋ amokrokum na: Dəhiŋgiɗin Abraham mənani ɓa. Naw əntatə nah sukum, Maŋgəlva tay də sembe na kpeŋget kuneŋge dəkpaŋgaŋ gən kirtin Abraham. 10Məzaɓani zlimbe kaw bəl wəlaŋga daga səza gbumgburən, wəlaŋga məs awa mogon ɓa pak kaw bəlni, kaw sapni aka offo. 11Naw əntatə gəɗ sukum baptem dit iŋkile vi ndəni dəgəɗ sukum saydawa na kəkpaŋgaŋka. Amma ɗəffan nazan dərɓagawa waɗɗa sukum baptem də Əmpəs Salala gəm də offo, na kita. Nan adayək kiyu diiɗa. Nəgap ko nəgbuk gən hensek nan ɓa. 12Tay də tekpesle naw seŋger hay nan avani vi aŋgəl kaw seŋger haya, wagohon dit keselme. Wakkalan hay a maha a nanda, amma wazle keselme də offo an məza amta ɓa.
Wəɗɗa Baptem sən Zezu
(Markus 1.9-11 / Luka 3.21-22)
13Yaŋ Zezu asil səka dələv na Galile, ade a məlpa na Zordan aza Zaŋ, vi Zaŋ dəgəɗ sən gən baptem. 14Zaŋ dəŋgəm ɓa, apsən na: Naw nəŋgəl dərəŋ na, kəgəɗ suwə gən baptem yaŋ is əmpa pay azawa? 15Amma Zezu apsəna: Apan dəgəɗ vas kakaŋka vi vaski məɗɗa gən an Maŋgəlva assoh avam pakə.
Yaŋ Zaŋ aŋgeri. 16Aɗɗa sənək baptem. Adan Zezu egil siret iŋkile disiŋ akolko, awlak Əmpəs na Maŋgəlva aprike va mokuɗuŋgulo asanək akani. 17Yaŋ wəla ade sə disiŋ amna: Aŋki wətu an nəŋgələ, əntatə neken zu dəndən sawɓa.
S'ha seleccionat:
Matiye 3: GDRNT85
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Gidar New Testament © Bible Society of Cameroon, 1985.