Matiye 7
7
Kədawtaw kita aket ɗii meɓɓet ɓa
(Luka 6.37-38,41-42)
1Kədawtawaŋ kita aket ɗii meɓɓet ɓa, vi Maŋgəlva tam adawtaw kita akokum ɓa. 2Maŋgəlva wataw kita akokum va kətawən kita aket ɗii meɓɓetiŋki, waslukum də zəga an kəslenin ɗii dənnəŋka. 3Vimi kədawla kevile ara məlmuko, amma kulana wəlaŋga arok ɓa di? 4Vimi kədawnahsən məlmuk na appawa nəgəmsuk kevile suroko yaŋ nok van wəlaŋga taya roko'e di? 5Nok mataka taka kənani, agil gən wəlaŋga sə rok dabəŋ an əstatula lewlew kana, kəgəm gən kevile səra məlmuko. 6Kədapsitin zəga salala* sit kirɗe ɓa, vi ada mə'aŋ akokum kaw har kumən ɓa. Kədas getin averzleɗ nokum sit vedemɗe ɓa, vi ada ndapetin də tilit ɓa.
Məssohu, məkayə, mərga madamba
(Luka 11.9-13)
7Məssohu wakərəhaŋ. Məkayani wakərəhəni, mərga madamba kawkol sukumi. 8Vi ko naway dəssohu warahə. Ko naway də kayani warəha. Ko naway dərga madamba kawkolsəni. 9An wətuk assohokuk memteke, wakəpsən gərəm sa? 10Walla an assohokuk kəlfa wakəpsən doho sa? 11Munokum mbraykum day day kəsənənək wəpsit zəga mogon sit kirtukum. Mbari kan Affukum na disiŋ apsit na zəga mogon sit məzəssohonən ɓa di?
12An məs kəŋglaŋ ɗii dəɗɗan sukumən gəni, nokum bo məɗɗa sit vaska. Aski kpak ma henziŋ na Moyis dit ɗerewelɗe net məs kleŋɗe pakə.
Madamba feŋge
(Luka 13.24)
13Mətoŋ kla madamba feŋge. Vi madamba an slopproku də tive an tay tuwãh ɓa, kawmbat aki naw zay, ɗii diiɗa tahəŋ wəsbanəni. 14Amma madamba an feŋge, tive nan bo tuwãhə, nan kawmbat aki wəkoho, nan məzəsbanən tahəŋ diiɗa ɓa.
Wəlaŋga də uwa nani
(Luka 6.43-44)
15Məzi zukum azet məs kleŋɗe məwaŋ wənna, tahəŋ wəzoŋ azokum va timeŋgiɗi, amma mekret na kirɗe munyaŋ. 16Wakisinin də wəza neti. Wəlaŋga na gedirge awəna makzlembirke ɓa. Giŋgere bo awəna sukoyo ɓa. 17Wəlaŋga mogoni wawə kirtin mogeti, wəlaŋga mbrayen kawa kirtin bo mbrayti. 18Wəlaŋga mogoni uwa nan bo mogoni wəlaŋga mbrayen uwa nan bo mbrayen. 19Wəlaŋga an awa kirtin moget ɓa, kaw bəlni, kasgani aka offo. 20Vaski kəl dawsinin məs kleŋɗe məwaŋ wənna də wəza neti.
Nəsənkum ɓa
(Luka 13.25-27)
21Mənahaŋ na: Ɗəfdaya, Ɗəfdaya həŋ nawtoŋgoŋ məlĩ na Maŋgəlva ɓa, say məɗɗaŋ wəŋgla na Affu na disiŋ. 22An pay nan agapka, ɗii diiɗa wanahaŋ na: Ɗəfdaya Ɗəfdaya məpelik wənna Maŋgəlva də iya noko, mərɓihik tuyeŋɗe də iya noko məgəɗək sokeneɗ diiɗa də iya noko. 23Naw wanənah sit na: Nəsənkum ɗaah ɓa kpakə, munokum məɗɗaŋ mambraya mədoŋgu.
Gəleɗe sula
(Luka 6.47-49)
24Ya ko naway dəpprəm wənəŋka, məs dəsbani, nan tay va ɗəf məs maɗula, dərka gəla nan aka milɓe. 25Buna zika məlpeŋɗe azoŋko, barkataŋɗe bo azoŋguk də sembe aka gəla nani, amma də ɓəsl ɓa vi mərkan aka milɓeyi. 26Amma ko naway dəpprəm wənəŋka məs dəsban ɓa nan tay va ɗəf məza maɗulan ɓa, dərka gəla nan aka hoyoŋko. 27Buna zika məlpeŋɗe azoŋko barkataŋɗe bo azoŋguk də sembe aka gəla nani aɓəzlək wəbzla mbrayen.
Sembe na Zezu
28Adan Zezu agrak wəpeliŋka, ɗii pak agətaŋka aka wərba nani, 29vi dəpel sit va məsənaŋ zəga na henziŋ adawpeleŋ ɓa, amma apel sitik də sembe.
S'ha seleccionat:
Matiye 7: GDRNT85
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Gidar New Testament © Bible Society of Cameroon, 1985.
Matiye 7
7
Kədawtaw kita aket ɗii meɓɓet ɓa
(Luka 6.37-38,41-42)
1Kədawtawaŋ kita aket ɗii meɓɓet ɓa, vi Maŋgəlva tam adawtaw kita akokum ɓa. 2Maŋgəlva wataw kita akokum va kətawən kita aket ɗii meɓɓetiŋki, waslukum də zəga an kəslenin ɗii dənnəŋka. 3Vimi kədawla kevile ara məlmuko, amma kulana wəlaŋga arok ɓa di? 4Vimi kədawnahsən məlmuk na appawa nəgəmsuk kevile suroko yaŋ nok van wəlaŋga taya roko'e di? 5Nok mataka taka kənani, agil gən wəlaŋga sə rok dabəŋ an əstatula lewlew kana, kəgəm gən kevile səra məlmuko. 6Kədapsitin zəga salala* sit kirɗe ɓa, vi ada mə'aŋ akokum kaw har kumən ɓa. Kədas getin averzleɗ nokum sit vedemɗe ɓa, vi ada ndapetin də tilit ɓa.
Məssohu, məkayə, mərga madamba
(Luka 11.9-13)
7Məssohu wakərəhaŋ. Məkayani wakərəhəni, mərga madamba kawkol sukumi. 8Vi ko naway dəssohu warahə. Ko naway də kayani warəha. Ko naway dərga madamba kawkolsəni. 9An wətuk assohokuk memteke, wakəpsən gərəm sa? 10Walla an assohokuk kəlfa wakəpsən doho sa? 11Munokum mbraykum day day kəsənənək wəpsit zəga mogon sit kirtukum. Mbari kan Affukum na disiŋ apsit na zəga mogon sit məzəssohonən ɓa di?
12An məs kəŋglaŋ ɗii dəɗɗan sukumən gəni, nokum bo məɗɗa sit vaska. Aski kpak ma henziŋ na Moyis dit ɗerewelɗe net məs kleŋɗe pakə.
Madamba feŋge
(Luka 13.24)
13Mətoŋ kla madamba feŋge. Vi madamba an slopproku də tive an tay tuwãh ɓa, kawmbat aki naw zay, ɗii diiɗa tahəŋ wəsbanəni. 14Amma madamba an feŋge, tive nan bo tuwãhə, nan kawmbat aki wəkoho, nan məzəsbanən tahəŋ diiɗa ɓa.
Wəlaŋga də uwa nani
(Luka 6.43-44)
15Məzi zukum azet məs kleŋɗe məwaŋ wənna, tahəŋ wəzoŋ azokum va timeŋgiɗi, amma mekret na kirɗe munyaŋ. 16Wakisinin də wəza neti. Wəlaŋga na gedirge awəna makzlembirke ɓa. Giŋgere bo awəna sukoyo ɓa. 17Wəlaŋga mogoni wawə kirtin mogeti, wəlaŋga mbrayen kawa kirtin bo mbrayti. 18Wəlaŋga mogoni uwa nan bo mogoni wəlaŋga mbrayen uwa nan bo mbrayen. 19Wəlaŋga an awa kirtin moget ɓa, kaw bəlni, kasgani aka offo. 20Vaski kəl dawsinin məs kleŋɗe məwaŋ wənna də wəza neti.
Nəsənkum ɓa
(Luka 13.25-27)
21Mənahaŋ na: Ɗəfdaya, Ɗəfdaya həŋ nawtoŋgoŋ məlĩ na Maŋgəlva ɓa, say məɗɗaŋ wəŋgla na Affu na disiŋ. 22An pay nan agapka, ɗii diiɗa wanahaŋ na: Ɗəfdaya Ɗəfdaya məpelik wənna Maŋgəlva də iya noko, mərɓihik tuyeŋɗe də iya noko məgəɗək sokeneɗ diiɗa də iya noko. 23Naw wanənah sit na: Nəsənkum ɗaah ɓa kpakə, munokum məɗɗaŋ mambraya mədoŋgu.
Gəleɗe sula
(Luka 6.47-49)
24Ya ko naway dəpprəm wənəŋka, məs dəsbani, nan tay va ɗəf məs maɗula, dərka gəla nan aka milɓe. 25Buna zika məlpeŋɗe azoŋko, barkataŋɗe bo azoŋguk də sembe aka gəla nani, amma də ɓəsl ɓa vi mərkan aka milɓeyi. 26Amma ko naway dəpprəm wənəŋka məs dəsban ɓa nan tay va ɗəf məza maɗulan ɓa, dərka gəla nan aka hoyoŋko. 27Buna zika məlpeŋɗe azoŋko barkataŋɗe bo azoŋguk də sembe aka gəla nani aɓəzlək wəbzla mbrayen.
Sembe na Zezu
28Adan Zezu agrak wəpeliŋka, ɗii pak agətaŋka aka wərba nani, 29vi dəpel sit va məsənaŋ zəga na henziŋ adawpeleŋ ɓa, amma apel sitik də sembe.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Gidar New Testament © Bible Society of Cameroon, 1985.