Matiye 8
8
Zezu ambəl gənək məs kokolo
(Markus 1.40-45 / Luka 5.12-16)
1Adan Zezu aprik səka mosorgo naka, ɗii diiɗa asbanənka. 2Yaŋ ɗəf məs kokolo azar aza Zezu akdukuk takpran abani, apsən na: Məsən zəga an kəŋgəlka akəɓap əmbəl guwa. 3Zezu atələk vani, arəŋ gənka, apsən na: Nəŋgəlka, say ambələ. Go'ləŋ ni məs kokolo ambəlka. 4Yaŋ Zezu apsən na: Apprəm lewlewi: Kədawnah sən ɗəf ɓa, amma dok kərban zuk aza məs dələv* na Maŋgəlva, va Moyis aɗi wən nani, vi wərban sit ɗii pak na kəmbəlka.
Zezu ambəl gənək gawla na daya net sozeɗi
(Luka 7.1-10)
5Adan Zezu atoŋ a Kafarnahum, yaŋ daya net sozeɗ mə Roma, azarka zani, akamanəka də baah sən gəni. 6Apsən na: Məsən zəga, gawla naw tay məvoŋ ni eŋgil də gbəgba'a, awɓap wəɓla ɓa, tay zəm saha diiɗa. 7Zezu apsənna: Wanəmbatə kawmbəl gəni. 8Soze nak amna: Məsən zəga naw nəgap kətoŋ gən annawda ɓa. Anah wən taka kaaka'ə gawla naw wambələ. 9Ambra tilit ɗii gugiriɗ naw nani, naw tamə daya net sozeɗ meɓɓet nani. An nənahsənək aŋka: Doko wambatə. An nənahsənək andaka: Ade wade. An nənahək na gawla nawa: Aɗɗa vana, waɗɗa. 10Adan Zezu apprəm wəpel nani atafəka, apsit məzəsbanən na: Gesiŋ nədawnah sukum: Nərah ɗaah məzu taf vaŋ aweleŋgit ɗii na Israyel ɓa. 11Əntatə nah sukum: Ɗii diiɗa wazoŋ səmba pay nampum gəm səmba pay na moskoyo, wazəmaŋ də Abraham də Isak gəm Zakub adəv məlĩ na Maŋgəlva. 12Amma ɗiiyen məs Maŋgəlva awel kəta vi məlĩ nani, kərɓeheti apoho ara guzliyo, wahəmmaŋ, wampəranən sleyit adaka. 13Zezu apsən soze nak na: Amndok anokda, wagəɗ suk va kətafa. Gawla nan ambələk daska'a ləŋgə.
Zezu ambəl gitik məs gbəgbaɗe diiɗa
(Markus 1.29-34 / Luka 4.38-41)
14Zezu ambatka ana Simoŋ Piyer da, arəh tək atən tat ɗuffo də kiiyət wəsata, 15Zezu arəŋgətək aza vata, gamba appatəka, təsilke tədəh sitik waya.
16Adan moskoy agəɗə, akiyaŋ sənənək ɗii diiɗa mitemti. Zezu arɓehetik tuyeŋɗe səket də wəpel nani, ambəl gitik məs gbəgbaɗe pakə. 17Aspak agəɗək vi an məs kleŋ Ezay anah dəsan gən gesiŋ amna: Aslanək əddak namə, aslanək gbəgba' namə.
Ɗii məs dəŋglaŋ wəsbanən Zezu
(Luka 9.57-62)
18Adan Zezu awle ɗii diiɗa, akaraŋ kini, anah sitik gewleɗ nan dəmbataŋ gən dəgar ki pe'e. 19Məsən zəga na ma henziŋ azarka zani amna: Məsən zəga ko aŋga kəmbat di pak wanəsboko. 20Zezu apsən na: Balwayɗe tahəŋ də vovɗe, biŋgeɗ tahəŋ dit gəleɗe. Amma Wətən Ɗəffa* tay də təki naw voŋ na feten zən ɓa. 21Ɗəf maɓɓan səret məzəs banəni amna: Məsən zəga apəl su tive ndaw wəndək əbba tagay. 22Zezu apsən na: Asbawa apet ɗii məmtit də ndiknin məmtit neti.
Zezu tay ɓitgit barkataŋ
(Markus 4.35-41 / Luka 8.22-25)
23Adan Zezu atoŋ adəv bəlay, gewleɗ nan ambataŋgək dəndən. 24Go'ləŋgə barkataŋɗe azoŋguk gədak aket iŋkile ha vavolumɗe asərətənək bəlay. Amma Zezu tay leŋge. 25Gewleɗ nan azoŋko zani, afɗahanənka, apsənəna: Ɗəfdaya akoho gəmə mənam tatəmta. 26Zezu apsit na: Vi mi kədaw geslne'eŋ di? Munokum məs wətaf nokum suɗikeŋ di? Yaŋ asili, ahayẽt barkataŋɗe dit iŋkile, ndəɗaŋ pak ɓata'ə. 27Ɗii pak agətaŋgək diiɗa, anahaŋ na: Aŋ ɗəf mi yaŋ di may barkataŋɗe dit iŋkile pak wəpprəmnən manəŋ di?
Zezu ambəl gitik ɗii sula məs tuyeŋɗe eketi
(Markus 5.1-20 / Luka 8.26-39)
28Adan Zezu agap dəgar ki pe'e aka dələv net Gadaryenɗe, ɗii sula də gbəgba' net tuyeŋɗe eketi agilyoŋgək sədəv magamasɗe, almaŋgək dəndən. Tuwãhi ɗəf dətoŋgən tive nani. 29Aɗiyaŋgək giŋgere aɓɗaŋ na: Nok Wətən Maŋgəlva* kənani, məkədaw kayan azam di? Kədek vi kawzəm gəm saha daga payan məɗiyən dəgap ɓa sa? 30Ngaɓa net vedemɗe tahəŋ atəki nan faraɗa suɗike, tahəŋ wətaɗaŋ adaka. 31Tuyeŋɗe nek akamanən Zezu: An mokoka ərɓaham na, appam mətoŋ gən aket vedemɗe ndeki. 32Yaŋ Zezu apsit na: Məduwaŋ. Agilyoŋgək səket ɗii neki, atoŋgoŋko aket vedemɗe neki. Ngaɓa net vedemɗe awɗaka, asbəraŋgək daga sə ma busgum məɓayən aret iŋkile, azaŋka daka.
33Məzuteɗeŋɗe net vedemɗe anzoŋko awalaŋ gəla, anahaŋ sitinik ɗiiyi an məs dəgəɗ pakə, gəm məs an dəgəɗ aket ɗii də tuyeŋɗe sula neki. 34Ɗii nawalaŋ gəla pak agulyoŋko, vi kalma də Zezu. Adan awlanəni, akamanənək diiɗa dəmbat gən səka dələv neti.
S'ha seleccionat:
Matiye 8: GDRNT85
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Gidar New Testament © Bible Society of Cameroon, 1985.
Matiye 8
8
Zezu ambəl gənək məs kokolo
(Markus 1.40-45 / Luka 5.12-16)
1Adan Zezu aprik səka mosorgo naka, ɗii diiɗa asbanənka. 2Yaŋ ɗəf məs kokolo azar aza Zezu akdukuk takpran abani, apsən na: Məsən zəga an kəŋgəlka akəɓap əmbəl guwa. 3Zezu atələk vani, arəŋ gənka, apsən na: Nəŋgəlka, say ambələ. Go'ləŋ ni məs kokolo ambəlka. 4Yaŋ Zezu apsən na: Apprəm lewlewi: Kədawnah sən ɗəf ɓa, amma dok kərban zuk aza məs dələv* na Maŋgəlva, va Moyis aɗi wən nani, vi wərban sit ɗii pak na kəmbəlka.
Zezu ambəl gənək gawla na daya net sozeɗi
(Luka 7.1-10)
5Adan Zezu atoŋ a Kafarnahum, yaŋ daya net sozeɗ mə Roma, azarka zani, akamanəka də baah sən gəni. 6Apsən na: Məsən zəga, gawla naw tay məvoŋ ni eŋgil də gbəgba'a, awɓap wəɓla ɓa, tay zəm saha diiɗa. 7Zezu apsənna: Wanəmbatə kawmbəl gəni. 8Soze nak amna: Məsən zəga naw nəgap kətoŋ gən annawda ɓa. Anah wən taka kaaka'ə gawla naw wambələ. 9Ambra tilit ɗii gugiriɗ naw nani, naw tamə daya net sozeɗ meɓɓet nani. An nənahsənək aŋka: Doko wambatə. An nənahsənək andaka: Ade wade. An nənahək na gawla nawa: Aɗɗa vana, waɗɗa. 10Adan Zezu apprəm wəpel nani atafəka, apsit məzəsbanən na: Gesiŋ nədawnah sukum: Nərah ɗaah məzu taf vaŋ aweleŋgit ɗii na Israyel ɓa. 11Əntatə nah sukum: Ɗii diiɗa wazoŋ səmba pay nampum gəm səmba pay na moskoyo, wazəmaŋ də Abraham də Isak gəm Zakub adəv məlĩ na Maŋgəlva. 12Amma ɗiiyen məs Maŋgəlva awel kəta vi məlĩ nani, kərɓeheti apoho ara guzliyo, wahəmmaŋ, wampəranən sleyit adaka. 13Zezu apsən soze nak na: Amndok anokda, wagəɗ suk va kətafa. Gawla nan ambələk daska'a ləŋgə.
Zezu ambəl gitik məs gbəgbaɗe diiɗa
(Markus 1.29-34 / Luka 4.38-41)
14Zezu ambatka ana Simoŋ Piyer da, arəh tək atən tat ɗuffo də kiiyət wəsata, 15Zezu arəŋgətək aza vata, gamba appatəka, təsilke tədəh sitik waya.
16Adan moskoy agəɗə, akiyaŋ sənənək ɗii diiɗa mitemti. Zezu arɓehetik tuyeŋɗe səket də wəpel nani, ambəl gitik məs gbəgbaɗe pakə. 17Aspak agəɗək vi an məs kleŋ Ezay anah dəsan gən gesiŋ amna: Aslanək əddak namə, aslanək gbəgba' namə.
Ɗii məs dəŋglaŋ wəsbanən Zezu
(Luka 9.57-62)
18Adan Zezu awle ɗii diiɗa, akaraŋ kini, anah sitik gewleɗ nan dəmbataŋ gən dəgar ki pe'e. 19Məsən zəga na ma henziŋ azarka zani amna: Məsən zəga ko aŋga kəmbat di pak wanəsboko. 20Zezu apsən na: Balwayɗe tahəŋ də vovɗe, biŋgeɗ tahəŋ dit gəleɗe. Amma Wətən Ɗəffa* tay də təki naw voŋ na feten zən ɓa. 21Ɗəf maɓɓan səret məzəs banəni amna: Məsən zəga apəl su tive ndaw wəndək əbba tagay. 22Zezu apsən na: Asbawa apet ɗii məmtit də ndiknin məmtit neti.
Zezu tay ɓitgit barkataŋ
(Markus 4.35-41 / Luka 8.22-25)
23Adan Zezu atoŋ adəv bəlay, gewleɗ nan ambataŋgək dəndən. 24Go'ləŋgə barkataŋɗe azoŋguk gədak aket iŋkile ha vavolumɗe asərətənək bəlay. Amma Zezu tay leŋge. 25Gewleɗ nan azoŋko zani, afɗahanənka, apsənəna: Ɗəfdaya akoho gəmə mənam tatəmta. 26Zezu apsit na: Vi mi kədaw geslne'eŋ di? Munokum məs wətaf nokum suɗikeŋ di? Yaŋ asili, ahayẽt barkataŋɗe dit iŋkile, ndəɗaŋ pak ɓata'ə. 27Ɗii pak agətaŋgək diiɗa, anahaŋ na: Aŋ ɗəf mi yaŋ di may barkataŋɗe dit iŋkile pak wəpprəmnən manəŋ di?
Zezu ambəl gitik ɗii sula məs tuyeŋɗe eketi
(Markus 5.1-20 / Luka 8.26-39)
28Adan Zezu agap dəgar ki pe'e aka dələv net Gadaryenɗe, ɗii sula də gbəgba' net tuyeŋɗe eketi agilyoŋgək sədəv magamasɗe, almaŋgək dəndən. Tuwãhi ɗəf dətoŋgən tive nani. 29Aɗiyaŋgək giŋgere aɓɗaŋ na: Nok Wətən Maŋgəlva* kənani, məkədaw kayan azam di? Kədek vi kawzəm gəm saha daga payan məɗiyən dəgap ɓa sa? 30Ngaɓa net vedemɗe tahəŋ atəki nan faraɗa suɗike, tahəŋ wətaɗaŋ adaka. 31Tuyeŋɗe nek akamanən Zezu: An mokoka ərɓaham na, appam mətoŋ gən aket vedemɗe ndeki. 32Yaŋ Zezu apsit na: Məduwaŋ. Agilyoŋgək səket ɗii neki, atoŋgoŋko aket vedemɗe neki. Ngaɓa net vedemɗe awɗaka, asbəraŋgək daga sə ma busgum məɓayən aret iŋkile, azaŋka daka.
33Məzuteɗeŋɗe net vedemɗe anzoŋko awalaŋ gəla, anahaŋ sitinik ɗiiyi an məs dəgəɗ pakə, gəm məs an dəgəɗ aket ɗii də tuyeŋɗe sula neki. 34Ɗii nawalaŋ gəla pak agulyoŋko, vi kalma də Zezu. Adan awlanəni, akamanənək diiɗa dəmbat gən səka dələv neti.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Gidar New Testament © Bible Society of Cameroon, 1985.