Luk 17
17
Hiɗaku vla Yesu
Mat 18:6-7, 21-22, Mak 9:42
1Ka *Yesu nda duhwalha ni tama mantsa: « Nda nza tkweʼ ka nzakwa skwiha dzaʼa dziŋtá mnduha ka tuthun. Ama ɗaŋwa ni ma mndu ta zləmbiŋtá sani. 2Ta draŋ ya ma hbanam lu ta buna ma lwi ka vzaghata da drəf, ka vzamta ni ta sanlaha nda hta da dmaku. 3Nghawa ghəŋa ghuni!
« Ka gaga zwaŋama gha ta dmaku, mnanaŋ mna dar. Ka mbəɗanaf mbəɗa tsi ta nzakwa ni, plana pla ta dmakwa ni. 4Ka dər ndəfáŋ səla gaghata tsi ta dmaku ta fitika turtuk ka va sagha tsi mnaghaŋta kazlay: Bgaɗaya kəʼa, plinis pla, » kaʼa.
Gwaɗata zlghay nda ŋuɗuf
5Ka gwal ghunay nda Mgham *Yesu mantsa: « Sgaŋnagha zlghay nda ŋuɗuf, » ka həŋ. 6Ka Yesu tsuʼanaftá wa ni ta həŋ mantsa: « Ka mamu zlghay nda ŋuɗufa ghuni taɓta hya kramasa katsi, dzaʼa mnay kuni ŋa ya babala ya kazlay: Tɗaf tɗa ta vgha gha ka dzaʼa ka vzamtá vgha ma drəf kəʼa, ŋa snaghunatani. »
Vərɗa kwalva
7« Ka mamu ya mataba ghuni ta hvanatahva ta mndu, ka ta nghanatá rini a tsi, na gi nghaŋta tsa mndu ya ta sagha ni ma vwah ná, “sawi misimmisim da za skwa zay” kaʼa dzaʼazlay nda tsi ra? 8Skwi dzaʼa tsi mnay ná, “diha skwa zay, ka mbəɗapta ka ta lgut ŋa vla skwi ŋa ɗa, ta zə yu. Tahula tsa, ŋa zay gha ta ŋa gha kəʼa.” 9Dzaʼa rfay ta tsa kwalva ya kabga magata ni ta tsa skwi mnana tsi ya ra?
10« Mantsa ya kaghuni guli, ka maga maga kuni ta skwi mnaghuna Lazglafta ŋa magay katsi, “nu ghəzliwa kwalva ma aŋni ɓa, skwi ya laviŋ ŋni ta magata maga ŋni, ka kuni mnay,” » kaʼa.
Mbanafta Yesu ta sana mndu ksu rɗa mndu
11Ta dzaʼa *Yesu da luwa Ursalima, ka lab tsi ma takataka haɗika Samari nda Galili. 12Tata lam nda la Yesu da sana luwa, ka sagha gwal ghwaŋ hlu rɗa mndu ta həŋ guyaku nda tsi. Ka nzagaghatá həŋ kətsaʼu. 13« Mgham Yesu, tawatá hiɗahiɗa ta aŋni, » ka həŋ kapaŋtá lwi. 14Na gi pghafta ira ni ta həŋ, « lawa la maranaŋtá vgha ghuni ta mnda dra skwi ŋa Lazglafta, » kaʼa nda həŋ. Tata mbaɗa həŋ ka dzaʼa, gi kləwəɗ nda mbamba həŋ. 15Na gi nghaŋtá sani turtuk mataba taŋ ta tsa mbatani ya, ka vraktá tsi nda zləzlva Lazglafta nda lwi dagala dagala, 16ka lagha tsi zləmbatá ma ghuva Yesu, ka rfay. Tsaw mnda la Samari tsa mndu ya. 17Ka Yesu mantsa: « Ghwaŋ a həŋ ta mbambafta kay ra? Ga tsaha təmbay ya katək na? 18Nana mndu ka mayəm na yeya kweŋkweŋ ta vragaghata da rfanaghatá Lazglafta ra? » ka Yesu ta ghəŋa ni. 19« Sliʼaf sliʼa gha ka dzaʼa ka, zlghay nda ŋuɗufa gha ta mbaghafta, » ka Yesu nda tsi.
Ma takataka ghuni ga mghama Lazglafta
Mat 24:23-28, 37-41
20Ka la *Farisa nda *Yesu mantsa: « Yawu dzaʼa sagha fitika ga mghama Lazglafta na? » ka həŋ. Kaʼa nda həŋ mantsa: « Ghur a dzaʼa nghaŋta lu ta sagha ga mghama Lazglafta wa, » kaʼa. 21« Haɗ lu dzaʼa mnay kazlay: Aʼ! “Wana tsi,” aʼ! “Waʼa tsi” kəʼa wa. Ɗina ka snaŋta ghuni kazlay: Ma takataka ghuni ga mghama Lazglafta kəʼa, » ka Yesu nda həŋ.
Fitik dzaʼa sagha Zwaŋa mndu
22Kaʼa nda duhwalha ni guli mantsa: « Dzaʼa sagha sa fitik ŋa kumaŋta ghuni ta nghaŋtá fitika *Zwaŋa mndu dər turtuk səla tsi, nghaŋta a kuni wa. 23Ka lu dzaʼazlay nda kaghuni na: “Aʼ! Wa a hada a,” “aʼ! Wana hadna,” yaha kuni da dzaʼa, yaha kuni da slaslamaku. 24Manda ɗaslakwa wuɗa luwa ta sliʼafta ta sana slərpu ka lab da sana vli ya ná, mantsa ya dzaʼa sagha Zwaŋa mndu baɗu ŋa ni fitik. 25Makəɗ tsaya, dzaʼa ghuyapə ghuya ta ɗaŋwa katakata ŋa vziŋta na mnduha ta na fitik na. 26Tsa skwi ta maguta ma fitika Nuhu#17:26 Ngha ta Zlrafta 6:5-12 nda 7:6-23. ya ná, mantsa ya dzaʼa magakwa tsi ma fitika Zwaŋa mndu guli. 27Ta zazaku mnduha, ka sasaku, ka hla miʼi, ka vla kwagha taŋ ŋa zəʼal, ha ka sagha fitik kəl Nuhu ka lami da kwambalu, ka sagha imi vlunduɗ zaɗanatá həŋ. 28Ka guram nda skwi ta magata ta fitika Ludu dzaʼa magakwa tsi. Ta zazaku mnduha, ka sasaku, ka sakway, ka dzawapta, ka ŋaɓay, ka babay, 29vagim baɗu saghwa Ludu ma Sədum#17:29 Ngha ta Lukwa 10:12. ya, ka zlagatá drəfa vu zaɗanatá həŋ tendərzleleʼ. 30Manda va tsaya dzaʼa nzakwa tsi baɗu tsa fitik dzaʼa zlagapta Zwaŋa mndu ya.
31« Baɗu tsaya, ka ta nzaku mndu ta dədəmatá ghəŋa həga, dər ma mamu huzla ni ma huɗa həga, yaha tsi da saha da hlay, ka hwayaghuta tsi. Mantsa mndu ma vwah guli, yaha vru dzagha ni. 32Havakwa markwa Ludu#17:32 Ngha ta Zlrafta 19:26. ɓa! 33Mndu ta kuma mbanaftá hafa ni ka ghəŋa ni ná, dzaʼa zaɗiŋ zaɗa. Ama mndu ya ta zaɗiŋtá hafa ni dzaʼa mutsaf mutsa. 34Ka yu ta mnaghunata ná, ma tsa rviɗik ya, gwal his ta hani ta ghəzləŋa turtuk, ŋa klaghutá sani, ka zlanavatá sani. 35Miʼaha his ta huʼu ka skwa turtuk, ŋa klaghutá sani ka zlanavatá sani. 36[Mnduha his ma vwah, ŋa klaghutá sani ka zlanavatá sani,] » kaʼa nda həŋ. 37Ka duhwalha ni nda tsi mantsa: « Ga dzaʼa magakwa tsa skwiha ya ní Mghama ɗa? » ka həŋ. « Ka ga mbla skwi ya ná, hada ta tska gugzlum ta vgha, » kaʼa nda həŋ.
S'ha seleccionat:
Luk 17: xed
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Wycliffe Bible Translators, Inc. All rights reserved.