Luk 9
9
Ghunafta Yesu ta duhwalha ghwaŋpəɗ his
Mat 10:5-15, Mak 6:7-13
1Lagha *Yesu ka tskanatá duhwalha ni ghwaŋpəɗ his, ka vlaŋtá tsi ta həŋ ta mbrakwa mbranaghatá inda duhwala halaway, nda mbrakwa mbambanaftá ɗaŋwaha. 2Ka ghunaftá tsi ta həŋ tuza gwaɗa ta ghəŋa ga mghama Lazglafta, nda mbambanaftá gwal kul ɗughwanaku. 3Ma kɗaku həŋ sliʼafta, kaʼa nda həŋ mantsa: « Yaha kuni klaftá sana skwi ɗekɗek ŋa dzaʼa da wawaku, dər dafa, dər zlibi, dər skwa zay, dər tsedi, turtuk turtuk ka kuni da klaftá lgut. 4Dər ma wati həga da tsuʼafta lu ta kaghuni ya, nzata ghuni hada ha ka sagha fitika sliʼapta ghuni ma tsa vli ya. 5Ala, dər ga vli dzaʼa kwal lu tsuʼaftá kaghuni ya, wya dzva ŋni wya dzva ŋni ka kuni dazlay ka zlanavata kuni ta tsa luwa ya, tsaya dzaʼa maranaŋtá həŋ ta ɓasa ŋuɗufa Lazglafta ta ghəŋa taŋ, » kaʼa nda həŋ.
6Ka sliʼaftá həŋ ka laghu da ra luwaha, ka mna *Lfiɗa Gwaɗa, ka mbamba gwal kul ɗughwanaku ma inda vli.
Wa Yesu na ka Hiridus Aŋtipas
Mat 14:1-12, Mak 6:14-29
7Na snaŋta tsa Hiridus Tetrak ta nzakway ka mgham ta haɗika Galili ya, ta mna gwaɗa ta inda skwiha ta magaku. Ka traptá tsi ta skwi ŋa ndanay. « Aʼ, Yuhwana ya ta sliʼagapta nda hafu, » ka sanlaha ta mnay. 8« Aʼ, anabi Iliya ya ta zlagapta, » ka sanlaha. « Aʼ, sani mataba la anabiha ghalya ya ta sliʼagapta, » ka sanlaha. 9« Ya wya tsaghwa tsa ta ghəŋa Yuhwana ka yu, ka tsaghutá lu ní, wa na mndu na ta mnə lu ta mndərga na skwiha ta snə yu na ta ghəŋa ni tama? » ka Hiridus, ka psə tsi ta tva nghaŋtá *Yesu.
Zuŋta Yesu ta skwa zay ta mnduha dəmbuʼ hutaf
Mat 14:13-21, Mak 6:30-44, Yuh 6:1-14
10Ka varaktá tsa gwal ghunay ya. Manda varakta taŋ, ka rusu həŋ ŋa *Yesu ta inda skwi maga həŋ. Ka hlaghatá Yesu ta həŋ mista ni, ka laghu həŋ nda təv sana luwa ta hgə lu ka Betsayda nda ghəŋa taŋ. 11Snaŋta dəmga kazlay: Laghu la həŋ kəʼa, ka sliʼaftá həŋ zbiŋtá həŋ. Ka lagha həŋ slanaghatá həŋ, ka zlghaftá Yesu ta həŋ, ka mnə tsi ta gwaɗa ta ga mghama Lazglafta ŋa taŋ. Ka mbambanaftá tsi ta gwal ta kuma mbambanaftá həŋ ma ɗaŋwa taŋ.
12Ta fitik hawu, ka gavadaghatá duhwalha ni ta vata ni, ka mnay ŋa ni: « Mnana mna ta na mnduha na, ka dzaʼa həŋ da luwa dagala dagala nda luwaha kwitikw kwitikw ta waftá na vli na, ŋa dzaʼa taŋ zba skwa zay nda vli ŋa hana taŋ, kabga ma mtak mu hadna, » ka həŋ. 13Ka Yesu nda həŋ mantsa: « Vlaŋwa vla kaghuni ɓa ta skwi ŋa zay ta həŋ, » kaʼa. Ka duhwalha ni mantsa: « Buradi hutaf nda tsulhwa klipi his yeya da amu, ŋa dzaʼa ŋni da dzawagaghatá skwa zay ŋa zuŋtá inda na mnduha na rki? » ka həŋ nda tsi. 14[Tsaw ta magay mnduha#9:14 Ngha ta Mata 14:21. ta dəmbuʼ hutaf ma tsa vli ya.] « Mnanawa mna ta həŋ ka tsakavata həŋ hutaf mbsak hutaf mbsak, » ka Yesu nda duhwalha ni. 15« Aray! » ka həŋ ka tsakanatá həŋ ta mnduha. 16Ka hlaftá Yesu ta tsa buradiha hutaf ya, nda tsa tsulhwa klipi his ya, ka nghadaftá tsi nda ta luwa, ka rfanaghatá tsi ta Lazglafta ta ghəŋa ni, ka ɓalanaptá tsi ka valaŋtá duhwalha ni ŋa daganaftá mnduha. 17Ka zə inda tsa mnduha ya, ka babaghawtá həŋ. Ka tskaftá lu ta paɗakwa ni ka ghwanak ghwaŋpəɗ his.
Yesu ná, Kristi ya ka Piyer
Mat 16:13-19, Mak 8:27-29
18Ma sana fitik ta nzaku *Yesu turtukwa ni ka maga duʼa, ka lagha duhwalha ni slanaghata. Kaʼa ɗawaŋta da həŋ mantsa: « Wa iʼi ka dəmga ta mnay na? » kaʼa. 19Ka duhwalha ni mantsa: « Tsa Yuhwana mnda maga batem ya kay ya, ka sanlaha. Iliya ya, ka sanlaha. Sani mataba la anabi ghalya ya ta sliʼagapta nda hafu, ka sanlaha, » ka həŋ nda tsi. 20Kaʼa nda həŋ guli mantsa: « A ki kaghuni, wayaka kaghuni ta mnay nda iʼi na? » kaʼa. Ka *Piyer mantsa: « Kagha ná, *Kristi ka, » kaʼa.
Mnaŋta Yesu ta dzaʼa ni mtaku nda sliʼagaptani
Mat 16:20-28, Mak 8:30–9:1
21Ka *Yesu zlahanaghatá həŋ ka ŋɗaŋɗa mantsa: « Yaha kuni da mnay dər ŋa wati ma mndu tsi, » kaʼa. 22Kaʼa sganaghata guli na, « dzaʼa ghuyay *Zwaŋa mndu ta ɗaŋwa katakata, dzaʼa wɗiŋwɗa la galata mndu nda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Dzaʼa dza dza lu, ŋa sliʼagaptani nda hafu baɗu mahkən, » kaʼa.
23Wya kaʼa nda həŋ demdem: « Ka ta kumay mndu ta dzaʼa mista ɗa katsi, ba zlaŋta ni ta ndanu ta ghəŋa ghəŋa ni, ka vlata ni ta ghəŋa ni ka kla udza zləŋay ni #9:23 Ngha ta Lukwa 14:27, Markus 8:34. inda fitik, ka dzaʼa mista ɗa, » kaʼa.
Kinawu ta dzaʼa lu mista Yesu?
24Kaʼa guli mantsa: « Ka dzaʼa mbanaf mba yu ta hafa ɗa ka mndu katsi, dzaʼa Zaɗiŋ zaɗa tsa mndu ya ta hafa ni. Ala ka dzaʼa Zaɗiŋ zaɗa mndu ta hafa ni ta ghəŋa iʼi katsi, dzaʼa mbanaf mba tsa mndu ya ta hafa ni. 25Nu dzaʼa kataŋta mutsafta mndu ta inda na ghəŋa haɗik na ka ŋa ni ka Zaɗiŋ zaɗa tsi ta hafa ni, ka ghəŋa ni a tsi na? 26Ka ta ɓasa zləŋ mndu ka mnaŋtá hga ɗa, nda gwaɗa ɗa guli katsi, iʼi *Zwaŋa mndu guli ná, dzaʼa kwalaghu kwala iʼi guli ta mnaŋtá tsa mndu ya baɗu sagha dzaʼa sagha yu ma glakwa ɗa, nda ya ma glakwa Da ɗa nda duhwalha ni nda ghuɓa, ta luwa. 27Kahwathwata ka yu ta mnaghunata: Mamu sanlaha ma mnduha mataba gwal hadna dzaʼa kwal kul rwuta ta saha ga mghama Lazglafta, dzaʼa nda ngha həŋ nda ira taŋ, » kaʼa.
Mbəɗavafta Yesu
Mat 17:1-8, Mak 9:2-8
28Ta magay fitik tghas manda mnutani ta tsa gwaɗa ya, ka hlaftá *Yesu ta i *Piyer nda Yuhwana nda Yakubu, ka ŋlaghatá həŋ ta ghwá da maga duʼa. 29Ta mag Yesu ta duʼa, ka mbəɗavaftá kuma ni tskəm, mbəɗavafha lguta ni ka wuɗaku tilil ka ŋusliŋ. 30Gi wya mnduha his ta ghwa yiva nda tsi. I Musa nda Iliya tsa mnduha ya, 31ta zlagapta ta wuɗaku tili ma glakwa Lazglafta ta luwa, ta gwaɗa nda Yesu kinawu kəʼa dzaʼa kɗiŋta magata skwi ta kum Lazglafta nda ma mtakwa ni ma Ursalima.
32Ma tsa fitik ya, nda ghərɓa i Piyer nda graha ni da hani, sliʼavata taŋ, ka nghaŋtá həŋ ta glakwa Yesu nda tsa mnduha his ya ta vata ni. 33Ma fitika dgay tsa mnduha ya ta vgha nda Yesu, ka Piyer nda Yesu mantsa: « Maləma ɗa! Ɗina ka nzakwa mu hadna, ka magaf maga ŋni ta həga tumpul hkən. Pal ŋa gha, pal ŋa Musa, pal ŋa Iliya! » kaʼa. Tsaw, snəgla a Piyer ta skwi ta mnə tsi wa.
34Tata mna tsa gwaɗa ya tsatsi, ka saha kusay bukwamtá həŋ, ka ksaftá zləŋ ta tsa duhwalha ya nghər həŋ ta saha tsa kusay ya bukwamtá həŋ. 35Ka gwaɗagaptá lwi ma tsa kusay ya. Kaʼa mantsa: « Nana na zwaŋa ɗa ya zbap yu, snawa sna ta gwaɗa da tsi! » kaʼa. 36Tahula gwaɗata tsa lwi ya, Yesu yeya ta nghə lu turtukwa ni, sriw nza nza tsa duhwalha ya ma tsa fitik ya, haɗ mndu ya mnanaŋ həŋ ta tsa gwaɗa ya wa.
Mbanafta Yesu ta sana zwaŋ nda ghwaɗaka sulkum mida
Mat 17:14-18, Mak 9:14-27
37Ga mahtsima ni ka saha həŋ ta ghwá, ka sliʼaftá ndəghata dəmga ka sagha da guya *Yesu. 38Ka wahatá sana mndu mataba mnduha: « Maləma ɗa! Ta ndəɓa dzvu yu da kagha, nghanava na zwaŋa ɗa na ɓa! kɗakwa kɗakwa zwaŋa ɗa na. 39Ghwaɗaka sulkum ta ksafta. Na ksafta ni, gi wahayni ta wahu, ka ghudzay nda mbraku, ka pgha mahupak ka giri ŋa ni, zlah kəʼa ta zliŋta. 40Ka ndəɓu yu ta dzvu da duhwalha gha ma ŋa ghəzligiŋtá mida ná, triɗ trap tra həŋ, » kaʼa nda tsi. 41Ka Yesu mantsa: « Gwal təŋ təŋa ghəŋa taŋ kul haɗ zlghay nda ŋuɗuf da həŋ, kulam ŋa yawu dzaʼa nzavaghunata yu? Kulam ŋa yawu dzaʼa nzata yu ka suʼaghunata? Klak tsa zwaŋa gha ya da hadna, » ka Yesu nda tsa mndu ya. 42Ta gavadaghatá tsa zwaŋ ya, ka slanatá tsa ghwaɗaka sulkum ya ta haɗik, ka ghudzay nda mbraku. Ka davanaghatá Yesu ta tsa ghwaɗaka sulkum ya, ka mbanaftá tsi ta tsa zwaŋ ya, ka vlaŋtá tsi ta tsa da ni ya. 43Ka ndərmim mnduha ta glakwa mbrakwa Lazglafta.
Mnəglaŋta Yesu mtakwa ni nda sliʼagaptani
Mat 17:22-23, Mak 9:30-32
Ta laghu mnduha da ndərmima inda tsa skwi maga Yesu ya, ka Yesu nda duhwalha ni mantsa:
44« Fawa fa ta sləməŋ ɗina, ka sna na skwi dzaʼa yu mnaghunata na. Dzaʼa ksaf ksa lu ta *Zwaŋa mndu, ka vlata ma dzva mnduha, » kaʼa. 45Sna a tsa duhwalha ya ta tsa gwaɗa ya wa, tsala a tsa gwaɗa ya da həŋ wa. Nda ɗifa klatá ghəŋa tsa gwaɗa ya da həŋ, kabga ŋa kwala taŋ kul snaŋta. Ta zləŋay həŋ ta ɗawaŋtá tsa gwaɗa ya guli da tsi.
Nahgani skwi ka ŋərma ni na?
Mat 18:1-5, Mak 9:33-37
46Ka sagha sana ndanu da ghəŋ taŋ, ka zlərɗ həŋ mataba taŋ. Ka həŋ mantsa: « Wa mali mataba mu na? » ka həŋ. 47Ɗaslafta *Yesu ta tsa ndana taŋ ya, ka hgaftá tsi ta zwaŋ kwitikw ka sladanata ta vata ni. 48Kaʼa nda həŋ mantsa: « Dər wa ta tsuʼaftá na zwaŋ kwitikw na nda hga ɗa, vərɗa iʼi tsuʼaf tsi. Dər wa ta tsuʼaftá iʼi guli, tsuʼaf tsuʼa ta tsa mndu ta ghunigihata ya. Tsa mndu ta niŋtá ghəŋa ni ka zwaŋ gudzekw ɗekɗek mataba ghuni ya ná, tsa mndu ya ta nzakway ka mali, » kaʼa.
Mndu kul haɗ kuni ta husaŋta ná, kaghuni tsa
Mak 9:38-40
49Ka gi tsuʼaghutá Yuhwana ta gwaɗa, kaʼa mantsa: « Maləma ɗa! Nda ngha ŋni ta sana mndu ta ghəzla duhwala halaway nda hga gha, ka lmaftá ŋni kabga haɗ tsatsi mataba mu wu, » kaʼa. 50« Ŋaw! Ma pyə kuni! Ka haɗ gwaɗa mndu nda kaghuni wu, mista ghuni tsa mndu ya, » ka *Yesu nda tsi.
Ksay Yesu ta tvi ka dzaʼa da Ursalima
51Manda ndusakta fitik dzaʼa kəl *Yesu ka zlaŋtá ghəŋa haɗik, ka klaftá tsi ta ghəŋa ni ŋa dzaʼa ɓhata ma Ursalima. 52Ka ghunaghatá tsi ta sana mnduha ŋa dzaʼa ta kəma ta kəma. Ka sliʼaftá tsaha ya ka ksaftá tvi, ka ɓhadaghatá həŋ da sana zwaŋa luwa la Samari ŋa payanaftá vli. 53Ka kwalaghutá mnduha ma tsa luwa ya ta tsuʼafta, kabga nzakwa ni ta dzaʼa da Ursalima. 54Snaŋta gwal his mataba tsa duhwalha ya, i Yakubu nda Yuhwana ta tsa gwaɗa ya, « Maləma ɗa! Va a ka ta ɗawaŋta ŋni da Lazglafta ŋa zligiŋtani ta vu ta luwa, ka zaɗanata tsi ta həŋ ra? » ka həŋ. 55Ka mbəɗavatá Yesu ka davanaghatá həŋ: « [Sna a kuni ka mndəra wa ni ma sulkum ta klaghunaktá mndərga tsaya ma ndanu wu! Sagha a *Zwaŋa mndu da zaɗanatá mndu wu, sagha sa ŋa mbanaftá həŋ,] » kaʼa. 56Ka sliʼafta həŋ ka laghu da sana zwaŋa luwa.
Zlaŋtá inda skwi demdem ka dzaʼa mista Yesu
Mat 8:19-22
57Ta mbaɗa həŋ ta tvi, ka sana mndu mantsa: « Dər dzaʼa diga ka, ta dzaʼa yu mista gha, » kaʼa. 58Ka *Yesu mantsa: « Mamu ghuruma gərhaŋha, mamu həga ɗyakha, *Zwaŋa mndu ná, haɗ vli ŋa fadatani ta ghəŋa ni wa, » kaʼa. 59Kaʼa nda sana mndu guli mantsa: « Mbaɗa mista ɗa! » kaʼa nda tsi. « Mghama ɗa! Zliha zla ka dzaʼa yu paɗamtá da ɗa karaku, » ka tsaya zlghanaftá wi. 60« Zlaŋ zla ta gwal nda rwa ka paɗa həŋ ta ghəŋa taŋ, sliʼaf sliʼa kagha ka dzaʼa ka da mna gwaɗa ta ga mghama Lazglafta, » kaʼa nda tsi. 61Ka sana mndu guli mantsa: « Ta dzaʼa yu mista gha mghama ɗa. Nziya nza tsi tama ná, ka la yu mnanatá la ga ini nda sliʼa sliʼa ɗa kaʼa. » 62Ka Yesu nda tsi mantsa: « Ka nda ghada sliʼafta mndu ka dzaʼa mista ɗa, ka ləglaghwani ngha vli nda ga muhul hul katsi, tsa mndu ya ná, haɗ ghəzliwa ni ɗekɗek ŋa magaftá slna ga mghama Lazglafta wa, » ka Yesu nda tsi.
S'ha seleccionat:
Luk 9: xed
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Wycliffe Bible Translators, Inc. All rights reserved.
Luk 9
9
Ghunafta Yesu ta duhwalha ghwaŋpəɗ his
Mat 10:5-15, Mak 6:7-13
1Lagha *Yesu ka tskanatá duhwalha ni ghwaŋpəɗ his, ka vlaŋtá tsi ta həŋ ta mbrakwa mbranaghatá inda duhwala halaway, nda mbrakwa mbambanaftá ɗaŋwaha. 2Ka ghunaftá tsi ta həŋ tuza gwaɗa ta ghəŋa ga mghama Lazglafta, nda mbambanaftá gwal kul ɗughwanaku. 3Ma kɗaku həŋ sliʼafta, kaʼa nda həŋ mantsa: « Yaha kuni klaftá sana skwi ɗekɗek ŋa dzaʼa da wawaku, dər dafa, dər zlibi, dər skwa zay, dər tsedi, turtuk turtuk ka kuni da klaftá lgut. 4Dər ma wati həga da tsuʼafta lu ta kaghuni ya, nzata ghuni hada ha ka sagha fitika sliʼapta ghuni ma tsa vli ya. 5Ala, dər ga vli dzaʼa kwal lu tsuʼaftá kaghuni ya, wya dzva ŋni wya dzva ŋni ka kuni dazlay ka zlanavata kuni ta tsa luwa ya, tsaya dzaʼa maranaŋtá həŋ ta ɓasa ŋuɗufa Lazglafta ta ghəŋa taŋ, » kaʼa nda həŋ.
6Ka sliʼaftá həŋ ka laghu da ra luwaha, ka mna *Lfiɗa Gwaɗa, ka mbamba gwal kul ɗughwanaku ma inda vli.
Wa Yesu na ka Hiridus Aŋtipas
Mat 14:1-12, Mak 6:14-29
7Na snaŋta tsa Hiridus Tetrak ta nzakway ka mgham ta haɗika Galili ya, ta mna gwaɗa ta inda skwiha ta magaku. Ka traptá tsi ta skwi ŋa ndanay. « Aʼ, Yuhwana ya ta sliʼagapta nda hafu, » ka sanlaha ta mnay. 8« Aʼ, anabi Iliya ya ta zlagapta, » ka sanlaha. « Aʼ, sani mataba la anabiha ghalya ya ta sliʼagapta, » ka sanlaha. 9« Ya wya tsaghwa tsa ta ghəŋa Yuhwana ka yu, ka tsaghutá lu ní, wa na mndu na ta mnə lu ta mndərga na skwiha ta snə yu na ta ghəŋa ni tama? » ka Hiridus, ka psə tsi ta tva nghaŋtá *Yesu.
Zuŋta Yesu ta skwa zay ta mnduha dəmbuʼ hutaf
Mat 14:13-21, Mak 6:30-44, Yuh 6:1-14
10Ka varaktá tsa gwal ghunay ya. Manda varakta taŋ, ka rusu həŋ ŋa *Yesu ta inda skwi maga həŋ. Ka hlaghatá Yesu ta həŋ mista ni, ka laghu həŋ nda təv sana luwa ta hgə lu ka Betsayda nda ghəŋa taŋ. 11Snaŋta dəmga kazlay: Laghu la həŋ kəʼa, ka sliʼaftá həŋ zbiŋtá həŋ. Ka lagha həŋ slanaghatá həŋ, ka zlghaftá Yesu ta həŋ, ka mnə tsi ta gwaɗa ta ga mghama Lazglafta ŋa taŋ. Ka mbambanaftá tsi ta gwal ta kuma mbambanaftá həŋ ma ɗaŋwa taŋ.
12Ta fitik hawu, ka gavadaghatá duhwalha ni ta vata ni, ka mnay ŋa ni: « Mnana mna ta na mnduha na, ka dzaʼa həŋ da luwa dagala dagala nda luwaha kwitikw kwitikw ta waftá na vli na, ŋa dzaʼa taŋ zba skwa zay nda vli ŋa hana taŋ, kabga ma mtak mu hadna, » ka həŋ. 13Ka Yesu nda həŋ mantsa: « Vlaŋwa vla kaghuni ɓa ta skwi ŋa zay ta həŋ, » kaʼa. Ka duhwalha ni mantsa: « Buradi hutaf nda tsulhwa klipi his yeya da amu, ŋa dzaʼa ŋni da dzawagaghatá skwa zay ŋa zuŋtá inda na mnduha na rki? » ka həŋ nda tsi. 14[Tsaw ta magay mnduha#9:14 Ngha ta Mata 14:21. ta dəmbuʼ hutaf ma tsa vli ya.] « Mnanawa mna ta həŋ ka tsakavata həŋ hutaf mbsak hutaf mbsak, » ka Yesu nda duhwalha ni. 15« Aray! » ka həŋ ka tsakanatá həŋ ta mnduha. 16Ka hlaftá Yesu ta tsa buradiha hutaf ya, nda tsa tsulhwa klipi his ya, ka nghadaftá tsi nda ta luwa, ka rfanaghatá tsi ta Lazglafta ta ghəŋa ni, ka ɓalanaptá tsi ka valaŋtá duhwalha ni ŋa daganaftá mnduha. 17Ka zə inda tsa mnduha ya, ka babaghawtá həŋ. Ka tskaftá lu ta paɗakwa ni ka ghwanak ghwaŋpəɗ his.
Yesu ná, Kristi ya ka Piyer
Mat 16:13-19, Mak 8:27-29
18Ma sana fitik ta nzaku *Yesu turtukwa ni ka maga duʼa, ka lagha duhwalha ni slanaghata. Kaʼa ɗawaŋta da həŋ mantsa: « Wa iʼi ka dəmga ta mnay na? » kaʼa. 19Ka duhwalha ni mantsa: « Tsa Yuhwana mnda maga batem ya kay ya, ka sanlaha. Iliya ya, ka sanlaha. Sani mataba la anabi ghalya ya ta sliʼagapta nda hafu, ka sanlaha, » ka həŋ nda tsi. 20Kaʼa nda həŋ guli mantsa: « A ki kaghuni, wayaka kaghuni ta mnay nda iʼi na? » kaʼa. Ka *Piyer mantsa: « Kagha ná, *Kristi ka, » kaʼa.
Mnaŋta Yesu ta dzaʼa ni mtaku nda sliʼagaptani
Mat 16:20-28, Mak 8:30–9:1
21Ka *Yesu zlahanaghatá həŋ ka ŋɗaŋɗa mantsa: « Yaha kuni da mnay dər ŋa wati ma mndu tsi, » kaʼa. 22Kaʼa sganaghata guli na, « dzaʼa ghuyay *Zwaŋa mndu ta ɗaŋwa katakata, dzaʼa wɗiŋwɗa la galata mndu nda gwal mali ta ghəŋa gwal dra skwi ŋa Lazglafta, nda gwal tagha zlahu ŋa mnduha. Dzaʼa dza dza lu, ŋa sliʼagaptani nda hafu baɗu mahkən, » kaʼa.
23Wya kaʼa nda həŋ demdem: « Ka ta kumay mndu ta dzaʼa mista ɗa katsi, ba zlaŋta ni ta ndanu ta ghəŋa ghəŋa ni, ka vlata ni ta ghəŋa ni ka kla udza zləŋay ni #9:23 Ngha ta Lukwa 14:27, Markus 8:34. inda fitik, ka dzaʼa mista ɗa, » kaʼa.
Kinawu ta dzaʼa lu mista Yesu?
24Kaʼa guli mantsa: « Ka dzaʼa mbanaf mba yu ta hafa ɗa ka mndu katsi, dzaʼa Zaɗiŋ zaɗa tsa mndu ya ta hafa ni. Ala ka dzaʼa Zaɗiŋ zaɗa mndu ta hafa ni ta ghəŋa iʼi katsi, dzaʼa mbanaf mba tsa mndu ya ta hafa ni. 25Nu dzaʼa kataŋta mutsafta mndu ta inda na ghəŋa haɗik na ka ŋa ni ka Zaɗiŋ zaɗa tsi ta hafa ni, ka ghəŋa ni a tsi na? 26Ka ta ɓasa zləŋ mndu ka mnaŋtá hga ɗa, nda gwaɗa ɗa guli katsi, iʼi *Zwaŋa mndu guli ná, dzaʼa kwalaghu kwala iʼi guli ta mnaŋtá tsa mndu ya baɗu sagha dzaʼa sagha yu ma glakwa ɗa, nda ya ma glakwa Da ɗa nda duhwalha ni nda ghuɓa, ta luwa. 27Kahwathwata ka yu ta mnaghunata: Mamu sanlaha ma mnduha mataba gwal hadna dzaʼa kwal kul rwuta ta saha ga mghama Lazglafta, dzaʼa nda ngha həŋ nda ira taŋ, » kaʼa.
Mbəɗavafta Yesu
Mat 17:1-8, Mak 9:2-8
28Ta magay fitik tghas manda mnutani ta tsa gwaɗa ya, ka hlaftá *Yesu ta i *Piyer nda Yuhwana nda Yakubu, ka ŋlaghatá həŋ ta ghwá da maga duʼa. 29Ta mag Yesu ta duʼa, ka mbəɗavaftá kuma ni tskəm, mbəɗavafha lguta ni ka wuɗaku tilil ka ŋusliŋ. 30Gi wya mnduha his ta ghwa yiva nda tsi. I Musa nda Iliya tsa mnduha ya, 31ta zlagapta ta wuɗaku tili ma glakwa Lazglafta ta luwa, ta gwaɗa nda Yesu kinawu kəʼa dzaʼa kɗiŋta magata skwi ta kum Lazglafta nda ma mtakwa ni ma Ursalima.
32Ma tsa fitik ya, nda ghərɓa i Piyer nda graha ni da hani, sliʼavata taŋ, ka nghaŋtá həŋ ta glakwa Yesu nda tsa mnduha his ya ta vata ni. 33Ma fitika dgay tsa mnduha ya ta vgha nda Yesu, ka Piyer nda Yesu mantsa: « Maləma ɗa! Ɗina ka nzakwa mu hadna, ka magaf maga ŋni ta həga tumpul hkən. Pal ŋa gha, pal ŋa Musa, pal ŋa Iliya! » kaʼa. Tsaw, snəgla a Piyer ta skwi ta mnə tsi wa.
34Tata mna tsa gwaɗa ya tsatsi, ka saha kusay bukwamtá həŋ, ka ksaftá zləŋ ta tsa duhwalha ya nghər həŋ ta saha tsa kusay ya bukwamtá həŋ. 35Ka gwaɗagaptá lwi ma tsa kusay ya. Kaʼa mantsa: « Nana na zwaŋa ɗa ya zbap yu, snawa sna ta gwaɗa da tsi! » kaʼa. 36Tahula gwaɗata tsa lwi ya, Yesu yeya ta nghə lu turtukwa ni, sriw nza nza tsa duhwalha ya ma tsa fitik ya, haɗ mndu ya mnanaŋ həŋ ta tsa gwaɗa ya wa.
Mbanafta Yesu ta sana zwaŋ nda ghwaɗaka sulkum mida
Mat 17:14-18, Mak 9:14-27
37Ga mahtsima ni ka saha həŋ ta ghwá, ka sliʼaftá ndəghata dəmga ka sagha da guya *Yesu. 38Ka wahatá sana mndu mataba mnduha: « Maləma ɗa! Ta ndəɓa dzvu yu da kagha, nghanava na zwaŋa ɗa na ɓa! kɗakwa kɗakwa zwaŋa ɗa na. 39Ghwaɗaka sulkum ta ksafta. Na ksafta ni, gi wahayni ta wahu, ka ghudzay nda mbraku, ka pgha mahupak ka giri ŋa ni, zlah kəʼa ta zliŋta. 40Ka ndəɓu yu ta dzvu da duhwalha gha ma ŋa ghəzligiŋtá mida ná, triɗ trap tra həŋ, » kaʼa nda tsi. 41Ka Yesu mantsa: « Gwal təŋ təŋa ghəŋa taŋ kul haɗ zlghay nda ŋuɗuf da həŋ, kulam ŋa yawu dzaʼa nzavaghunata yu? Kulam ŋa yawu dzaʼa nzata yu ka suʼaghunata? Klak tsa zwaŋa gha ya da hadna, » ka Yesu nda tsa mndu ya. 42Ta gavadaghatá tsa zwaŋ ya, ka slanatá tsa ghwaɗaka sulkum ya ta haɗik, ka ghudzay nda mbraku. Ka davanaghatá Yesu ta tsa ghwaɗaka sulkum ya, ka mbanaftá tsi ta tsa zwaŋ ya, ka vlaŋtá tsi ta tsa da ni ya. 43Ka ndərmim mnduha ta glakwa mbrakwa Lazglafta.
Mnəglaŋta Yesu mtakwa ni nda sliʼagaptani
Mat 17:22-23, Mak 9:30-32
Ta laghu mnduha da ndərmima inda tsa skwi maga Yesu ya, ka Yesu nda duhwalha ni mantsa:
44« Fawa fa ta sləməŋ ɗina, ka sna na skwi dzaʼa yu mnaghunata na. Dzaʼa ksaf ksa lu ta *Zwaŋa mndu, ka vlata ma dzva mnduha, » kaʼa. 45Sna a tsa duhwalha ya ta tsa gwaɗa ya wa, tsala a tsa gwaɗa ya da həŋ wa. Nda ɗifa klatá ghəŋa tsa gwaɗa ya da həŋ, kabga ŋa kwala taŋ kul snaŋta. Ta zləŋay həŋ ta ɗawaŋtá tsa gwaɗa ya guli da tsi.
Nahgani skwi ka ŋərma ni na?
Mat 18:1-5, Mak 9:33-37
46Ka sagha sana ndanu da ghəŋ taŋ, ka zlərɗ həŋ mataba taŋ. Ka həŋ mantsa: « Wa mali mataba mu na? » ka həŋ. 47Ɗaslafta *Yesu ta tsa ndana taŋ ya, ka hgaftá tsi ta zwaŋ kwitikw ka sladanata ta vata ni. 48Kaʼa nda həŋ mantsa: « Dər wa ta tsuʼaftá na zwaŋ kwitikw na nda hga ɗa, vərɗa iʼi tsuʼaf tsi. Dər wa ta tsuʼaftá iʼi guli, tsuʼaf tsuʼa ta tsa mndu ta ghunigihata ya. Tsa mndu ta niŋtá ghəŋa ni ka zwaŋ gudzekw ɗekɗek mataba ghuni ya ná, tsa mndu ya ta nzakway ka mali, » kaʼa.
Mndu kul haɗ kuni ta husaŋta ná, kaghuni tsa
Mak 9:38-40
49Ka gi tsuʼaghutá Yuhwana ta gwaɗa, kaʼa mantsa: « Maləma ɗa! Nda ngha ŋni ta sana mndu ta ghəzla duhwala halaway nda hga gha, ka lmaftá ŋni kabga haɗ tsatsi mataba mu wu, » kaʼa. 50« Ŋaw! Ma pyə kuni! Ka haɗ gwaɗa mndu nda kaghuni wu, mista ghuni tsa mndu ya, » ka *Yesu nda tsi.
Ksay Yesu ta tvi ka dzaʼa da Ursalima
51Manda ndusakta fitik dzaʼa kəl *Yesu ka zlaŋtá ghəŋa haɗik, ka klaftá tsi ta ghəŋa ni ŋa dzaʼa ɓhata ma Ursalima. 52Ka ghunaghatá tsi ta sana mnduha ŋa dzaʼa ta kəma ta kəma. Ka sliʼaftá tsaha ya ka ksaftá tvi, ka ɓhadaghatá həŋ da sana zwaŋa luwa la Samari ŋa payanaftá vli. 53Ka kwalaghutá mnduha ma tsa luwa ya ta tsuʼafta, kabga nzakwa ni ta dzaʼa da Ursalima. 54Snaŋta gwal his mataba tsa duhwalha ya, i Yakubu nda Yuhwana ta tsa gwaɗa ya, « Maləma ɗa! Va a ka ta ɗawaŋta ŋni da Lazglafta ŋa zligiŋtani ta vu ta luwa, ka zaɗanata tsi ta həŋ ra? » ka həŋ. 55Ka mbəɗavatá Yesu ka davanaghatá həŋ: « [Sna a kuni ka mndəra wa ni ma sulkum ta klaghunaktá mndərga tsaya ma ndanu wu! Sagha a *Zwaŋa mndu da zaɗanatá mndu wu, sagha sa ŋa mbanaftá həŋ,] » kaʼa. 56Ka sliʼafta həŋ ka laghu da sana zwaŋa luwa.
Zlaŋtá inda skwi demdem ka dzaʼa mista Yesu
Mat 8:19-22
57Ta mbaɗa həŋ ta tvi, ka sana mndu mantsa: « Dər dzaʼa diga ka, ta dzaʼa yu mista gha, » kaʼa. 58Ka *Yesu mantsa: « Mamu ghuruma gərhaŋha, mamu həga ɗyakha, *Zwaŋa mndu ná, haɗ vli ŋa fadatani ta ghəŋa ni wa, » kaʼa. 59Kaʼa nda sana mndu guli mantsa: « Mbaɗa mista ɗa! » kaʼa nda tsi. « Mghama ɗa! Zliha zla ka dzaʼa yu paɗamtá da ɗa karaku, » ka tsaya zlghanaftá wi. 60« Zlaŋ zla ta gwal nda rwa ka paɗa həŋ ta ghəŋa taŋ, sliʼaf sliʼa kagha ka dzaʼa ka da mna gwaɗa ta ga mghama Lazglafta, » kaʼa nda tsi. 61Ka sana mndu guli mantsa: « Ta dzaʼa yu mista gha mghama ɗa. Nziya nza tsi tama ná, ka la yu mnanatá la ga ini nda sliʼa sliʼa ɗa kaʼa. » 62Ka Yesu nda tsi mantsa: « Ka nda ghada sliʼafta mndu ka dzaʼa mista ɗa, ka ləglaghwani ngha vli nda ga muhul hul katsi, tsa mndu ya ná, haɗ ghəzliwa ni ɗekɗek ŋa magaftá slna ga mghama Lazglafta wa, » ka Yesu nda tsi.
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Wycliffe Bible Translators, Inc. All rights reserved.