ငဝ်ႈ 11
11
သဝ်လၢင်းလူင်ၼႂ်းမိူင်းပႃႇပေႇလႃႉ
1ၶိင်ႇမိူဝ်ႈၼၼ်ႉၵူၼ်းၼိူဝ်လိၼ်မိူင်းတင်းသဵင်ႈတင်းလူင်လၢတ်ႈၵႂၢမ်းၽႃႇသႃႇဢၼ်လဵဝ်ၵၼ်လၢတ်ႈၵႂၢမ်းမဵဝ်းလဵဝ်ၵၼ်ၵူၺ်းဢေႃႈ။- 2ၼႂ်းမိူဝ်ႈဢၼ်ၶဝ်ယင်းတိုၵ်ႉပႆၵႂႃႇၶၢဝ်းတၢင်းၼႃႈဝၼ်းဢွၵ်ႇယူႇၼၼ်ႉ ၶဝ်ႁွတ်ႈၵႂႃႇၵႃႈတီႈဢၼ်ပၢင်ႇလီပဵင်းလီၵႃႈၼႂ်းမိူင်းသိၼႃႇ၊လႄႈၶျႃးတီႈယူႇၵႃႈတီႈၼၼ်ႈဢေႃႈ။- 3ၶဝ်ၼင်ႇၵၼ်လၢတ်ႈတီႈၵၼ်လႄႈဝႃႈ၊ “မႃး႟။ ႁဝ်းဢွၼ်ၵၼ်ႁဵတ်းမၢၵ်ႇဢုတ်ႇလႄႈၽဝ်ၵႅၼ်ႇၵႅၼ်ႇတႃႉႁဝ်း၊” ဝႃႈၼင်ႇၼႆဢေႃႈ။ ၶဝ်ၵေႃႈလႆႈမၢၵ်ႇဢုတ်ႇပုၼ်ႈတႃႇတႄႇတင်ႈ၊ဢိၵ်ႇလူၺ်ႈၵႆးတဝ်းမဵဝ်းၼိုင်ႈဢၼ်ၼွၵ်းဢၢင်းၵတေႇဢေႃႈ။- 4ၶဝ်လၢတ်ႈလႄႈဝႃႈ၊ “မႃး႟။ ၵူဝ်ႁဝ်းတၵ်းၽၢတ်ႇၽႄၵၼ်ၵႂႃႇၵႃႈၼိူဝ်လိၼ်မိူင်းၼႆႉလႄႈႁဝ်းဢွၼ်ၵၼ်တႄႇတင်ႈဝဵင်းဢိၵ်ႇလူၺ်ႈသဝ်လၢင်းလူင်ဢၼ်သုင်ၶိုတ်းပဵင်းၽႃႉပဵင်းမွၵ်ႇလႄႈႁဵတ်းႁႂ်ႈၸိုဝ်ႈသဵင်ႁဝ်းႁူင်ႁၢင်းတႃႉႁဝ်း၊” ဝႃႈၼင်ႇၼႆဢေႃႈ။
5မိူဝ်ႈၼၼ်ႉ၊ထႃႇဝရႃႉၽြႃး၊ၵျွလူင်းမႃးလူတူၺ်းဝဵင်းဢိၵ်ႇတင်းသဝ်လၢင်းလူင်ဢၼ်ၵူၼ်းၸိူဝ်းၼၼ်ႉတႄႇႁဵတ်းယူႇၼၼ်ႉသေယဝ်ႉ။- 6မၼ်းၸဝ်ႈလၢတ်ႈလႄႈဝႃႈ၊ “တူၺ်းလူးၶဝ်ပဵၼ်ၵူၼ်းမဵဝ်းလဵဝ်ၵၼ်လၢတ်ႈၵႂၢမ်းၽႃႇသႃႇဢၼ်လဵဝ်ၵၼ်လႄႈၶဝ်ၸၢင်ႈႁဵတ်းၸိူဝ်ႉၼင်ႇၼႆဢွၼ်တၢင်းယဝ်ႉ၊လိုၼ်းၼၼ်ႉၶဝ်ၵျၢမ်ႇဝႆႉႁႂ်ႈႁဵတ်းသင်ၵေႃႈၶဝ်တေႁဵတ်းၵႂႃႇယဝ်ႉ။- 7ၼင်ႇႁိုဝ်ၶဝ်ၼင်ႇၵၼ်တၵ်းဢမ်ႇႁုထွမ်ႇၵႂၢမ်းၵၼ်ၸိုင်၊မႃး႟။ ႁဝ်းလူင်းၵႂႃႇႁဵတ်းႁႂ်ႈၵႂၢမ်းၶဝ်သုၵ်ႉသၢၵ်ႉသူၼ်သၢၼ်ၵၼ်ၵႂႃႇတႃႉႁဝ်း၊” ဝႃႈၼင်ႇၼႆဢေႃႈ။- 8ႁဵတ်းၼၼ်လႄႈ၊ထႃႇဝရႃႉၽြႃး၊ႁႂ်ႈၶဝ်ၽၢတ်ႇၽႄၸွတ်ႇၸႅတ်ႇၵႂႃႇၵႃႈၼိူဝ်လိၼ်မိူင်းလႄႈ၊ၶဝ်ဢမ်ႇၸၢင်ႈတႄႇႁဵတ်းဝဵင်းၼၼ်ႉယဝ်ႉ။- 9ဝဵင်းၼၼ်ႉလႆႈႁွင်ႉဝႃႈ၊ဝဵင်းပႃႇပေႇလႃႉ၊#11:9 “ပႃႇပေႇလႃႉ” ၵႂၢမ်းႁေႇပြႄးပွင်ႇဝႃႈ၊ “သုၵ်ႉယုင်ႈ” ဝႃႈၼႆၵွပ်ႈပိူဝ်ႈထႃႇဝရႃႉၽြႃး၊ႁဵတ်းႁႂ်ႈၵႂၢမ်းၵူၼ်းသုၵ်ႉသၢၵ်ႉသူၼ်သၢၼ်ၵၼ်ၵႂႃႇၼၼ်ႉသေယဝ်ႉ၊တႄႇဢဝ်တီႈၼၼ်ႈၵႂႃႇမၼ်းၸဝ်ႈႁႂ်ႈၵူၼ်းၽၢတ်ႇၽႄၸွတ်ႇတူဝ်ႈၵႂႃႇၵႃႈၼိူဝ်လိၼ်မိူင်းၵူႈတီႈၵူႈလႅၼ်ဢေႃႈ။
ၸိူဝ်ႉၶိူဝ်းလုၵ်ႈလၢၼ်သေႇမႃႉ
(တူၺ်း၊ 1 ရႃႇၶျုၵ်ႈ 1:24-27)
10ၼႆႉၸမ်ႉ၊ပဵၼ်ၸရၢင်းၸိူဝ်ႉၶိူဝ်းၸူဝ်ႈလုၵ်ႈပၢၼ်လၢၼ်သေႇမႃႉ၊ဢေႃႈ။ ဝၢႆးသေၼမ်ႉထူမ်ႈမိူင်းယဝ်ႉသွင်ပီ၊မိူဝ်ႈဢၼ်ဢသၢၵ်ႈသေႇမႃႉ၊တဵမ်ပၢၵ်ႇပီၼၼ်ႉမၼ်းလႆႈလုၵ်ႈၸၢႆးဢၼ်ႁွင်ႉဝႃႈ၊ဢႃႇၽၵ်ႉၸတ်ႉ၊ဢေႃႈ။- 11လိုၼ်းၼၼ်ႉမၼ်းဢသၢၵ်ႈလိပ်းယူႇထႅင်ႈႁႃႈပၢၵ်ႇပီလႄႈလႆႈလုၵ်ႈၸၢႆးလႂ်၊တင်းလုၵ်ႈယိင်းလႂ်ထႅင်ႈဢေႃႈ။
12မိူဝ်ႈဢၼ်ဢႃႇၽၵ်ႉၸတ်ႉ၊မီးဢသၢၵ်ႈသၢမ်သိပ်းႁႃႈပီၼၼ်ႉလႆႈလုၵ်ႈၸၢႆးသႃႇလႃႉ၊ဢေႃႈ။- 13လိုၼ်းၼၼ်ႉမၼ်းမီးဢသၢၵ်ႈလိပ်းယူႇထႅင်ႈသီႇပၢၵ်ႇပၢႆသၢမ်ပီလႄႈလႆႈလုၵ်ႈၸၢႆးလႂ်၊တင်းလုၵ်ႈယိင်းလႂ်ထႅင်ႈဢေႃႈ။
14မိူဝ်ႈဢၼ်သႃႇလႃႉ၊မီးဢသၢၵ်ႈသၢမ်သိပ်းပီၼၼ်ႉလႆႈလုၵ်ႈၸၢႆးႁေႇပႃႇ၊ဢေႃႈ။- 15လိုၼ်းၼၼ်ႉမၼ်းမီးဢသၢၵ်ႈလိပ်းယူႇထႅင်ႈသီႇပၢၵ်ႇပၢႆသၢမ်ပီလႄႈလႆႈလုၵ်ႈၸၢႆးတင်းလုၵ်ႈယိင်းလႂ်ထႅင်ႈဢေႃႈ။
16မိူဝ်ႈဢၼ်ႁေႇပႃႇ၊မီးဢသၢၵ်ႈသၢမ်သိပ်းသီႇပီၼၼ်ႉလႆႈလုၵ်ႈၸၢႆးၽႃႇလႅၵ်ႉ၊ဢေႃႈ။- 17လိုၼ်းၼၼ်ႉမၼ်းမီးဢသၢၵ်ႈလိပ်းယူႇထႅင်ႈသီႇပၢၵ်ႇသၢမ်သိပ်းပီလႄႈလႆႈလုၵ်ႈၸၢႆးလႂ်တင်းလုၵ်ႈယိင်းလႂ်ထႅင်ႈဢေႃႈ။
18မိူဝ်ႈဢၼ်ၽႃႇလႅၵ်ႉ၊မီးဢသၢၵ်ႈသၢမ်သိပ်းပီၼၼ်ႉလႆႈလုၵ်ႈၸၢႆးရီးဢူႇ၊#11:18၊20 ၵျၢမ်းမူႇၶူႇသျိင်ႇႁွင်ႉ “ရီးဢူႇ” ဝႃႈ၊ “ႁူ” ဢေႃႈ ဢေႃႈ။- 19လိုၼ်းၼၼ်ႉမၼ်းဢသၢၵ်ႈလိပ်းယူႇထႅင်ႈသွင်ပၢၵ်ႇပၢႆၵဝ်ႈပီလႄႈလႆႈလုၵ်ႈၸၢႆးလႂ်၊လုၵ်ႈယိင်းလႂ်ထႅင်ႈဢေႃႈ။
20မိူဝ်ႈဢၼ်ရီးဢူႇ၊မီးဢသၢၵ်ႈသၢမ်သိပ်းသွင်ပီၼၼ်ႉလႆႈလုၵ်ႈၸၢႆးၸေးရွၵ်ႉ၊ဢေႃႈ။- 21လိုၼ်းၼၼ်ႉမၼ်းဢသၢၵ်ႈလိပ်းယူႇထႅင်ႈသွင်ပၢၵ်ႇပၢႆၸဵတ်းပီလႄႈလႆႈလုၵ်ႈၸၢႆးလႂ်၊လုၵ်ႈယိင်းလႂ်ထႅင်ႈဢေႃႈ။
22မိူဝ်ႈဢၼ်ၸေးရွၵ်ႉ၊မီးဢသၢၵ်ႈသၢမ်သိပ်းပီၼၼ်ႉလႆႈလုၵ်ႈၸၢႆးၼႃႇၶေႃႇ၊ဢေႃႈ။- 23လိုၼ်းၼၼ်ႉမၼ်းဢသၢၵ်ႈလိပ်းယူႇထႅင်ႈသွင်ပၢၵ်ႇပီတဵမ်လႄႈလႆႈလုၵ်ႈၸၢႆးလႂ်၊လုၵ်ႈယိင်းလႂ်ထႅင်ႈဢေႃႈ။
24မိူဝ်ႈဢၼ်ၼႃႇၶေႃႇ၊မီးဢသၢၵ်ႈသၢဝ်းၵဝ်ႈပီၼၼ်ႉလႆႈလုၵ်ႈၸၢႆးတေႇရႃႉ၊ဢေႃႈ။- 25လိုၼ်းၼၼ်ႉမၼ်းဢသၢၵ်ႈလိပ်းယူႇထႅင်ႈပၢၵ်ႇပၢႆသိပ်းၵဝ်ႈပီလႄႈလႆႈလုၵ်ႈၸၢႆးလႂ်၊လုၵ်ႈယိင်းလႂ်ထႅင်ႈဢေႃႈ။
26မိူဝ်ႈဢၼ်တေႇရႃႉ၊မီးဢသၢၵ်ႈၸဵတ်းသိပ်းပီၼၼ်ႉလႆႈလုၵ်ႈၸၢႆးဢႃႇပြမ်ႇ၊ၼႃႇၶေႃႇ၊တင်းႁႃႇရၼ်ႇ၊ဢေႃႈ။
ၸိူဝ်ႉၶိူဝ်းလုၵ်ႈလၢၼ်တေႇရႃႉ
27ၼႆႉၸမ်ႉ၊ပဵၼ်ၸရၢင်းၸိူဝ်ႉၶိူဝ်းၸူဝ်ႈလုၵ်ႈပၢၼ်လၢၼ်တေႇရႃႉ၊ဢေႃႈ။ တေႇရႃႉ၊ၼၼ်ႉမီးလုၵ်ႈၸၢႆးဢႃႇပြမ်ႇ၊ၼႃႇၶေႃႇ၊တင်းႁႃႇရၼ်ႇ၊ဢေႃႈ။ ႁႃႇရၼ်ႇ၊မီးလုၵ်ႈၸၢႆးမၼ်းလေႃးတႃႉ၊သေယဝ်ႉ၊- 28ႁႃႇရၼ်ႇ၊ၼၼ်ႉတၢႆဢွၼ်တၢင်းပေႃႈမၼ်းတေႇရႃႉ၊ၵႃႈတီႈဝဵင်းဢၼ်ၽင်ႁူၵ်ႉၽင်ႁႄႇမၼ်းဝဵင်းဢုရႃႉ၊မိူင်းၶႃႇလတေး၊#11:28 “မိူင်းၶႃႇလတေး” ၼၼ်ႉဝၢႆးလိုၼ်းမႃးပဵၼ်မိူင်းပႃႇပုလုၼ်ႇဢေႃႈ ၼၼ်ႉဢေႃႈ။- 29ဢႃႇပြမ်ႇ၊ဢဝ်မေးၸိုဝ်ႈဝႃႈ၊ၸႃႇရေး၊သေလႄႈ ၼႃႇၶေႃႇ၊သမ်ႉဢဝ်မေးၸိုဝ်ႈဝႃႈ၊မိလၶႃႇ၊လုၵ်ႈယိင်းႁႃႇရၼ်ႇ၊ဢေႃႈ။ ႁႃႇရၼ်ႇ၊မီးထႅင်ႈလုၵ်ႈယိင်းဢၼ်မီးၸိုဝ်ႈဝႃႈ၊ဢိၸၶႃႇ၊ဢေႃႈ။- 30ၸႃႇရေး၊ၸမ်ႉ၊ဢမ်ႇမီးလုၵ်ႈမီးလၢင်း။
31 တေႇရႃႉ၊ႁွင်ႉဢဝ်လုၵ်ႈၸၢႆးမၼ်းဢႃႇပြမ်ႇ၊တင်းလၢၼ်ၸၢႆးမၼ်းလေႃးတႃႉ၊လုၵ်ႈၸၢႆးႁႃႇရၼ်ႇ၊ဢိၵ်ႇတင်းလုၵ်ႈပႂ်ႉမၼ်းၸႃႇရေး၊မေးဢႃႇပြမ်ႇ၊သေလႄႈဢွၵ်ႇဝဵင်းဢုရႃႉ၊မိူင်းၶႃႇလတေး၊ၼၼ်ႉႁႂ်ႈလႆႈၵႂႃႇၸူးမိူင်းၶႃႇၼၼ်ႇ၊လႄႈႁွတ်ႈထိုင်ဝဵင်းႁႃႇရၼ်ႇ၊သေယဝ်ႉ၊ယူႇသဝ်းၵႃႈတီႈၼၼ်ႈဢေႃႈ။- 32တေႇရႃႉ၊ၵေႃႈတၢႆၵႂႃႇၵႃႈတီႈဝဵင်းႁႃႇရၼ်ႇ၊မိူဝ်ႈဢၼ်ဢသၢၵ်ႈမၼ်းထူၼ်ႈတဵမ်သွင်ပၢၵ်ႇပၢႆႁႃႈပီၼၼ်ႉဢေႃႈ။
S'ha seleccionat:
ငဝ်ႈ 11: SHNCL
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió