Y Salmau 7
7
SALM VII
Domine Deus meus.
Erfyn ar Dduw ei gadw rhag cam gyhuddiad, a’i gydwybod yn lân.
Caner hon fel Psal. 5.
1O Achub fi fy Nuw, fy Ner,
cans mae fy hyder ynod:
Rhag fy erlidwyr gwared fi,
cans mae o’r rheini ormod.
2Rhag llarpio f’enaid fel y llew,
heb un dyn glew a’m gweryd:
A’m rhwygo i yn ddrylliau mân,
fal dyna amcan gwaedlyd.
3O Arglwydd Dduw, os gwneuthym hyn,
os drwg y sy’n fy nwylaw:
4Na thrwy ymddiried, dwyll i neb,
pe bawn wrthwyneb iddaw:
5I erlid f’oes y gelyn doed,
dalied, a rhoed fi’n isaf,
A sathred f’urddas yn y llwch,
drwy’r diystyrwch eithaf.
6Cyfod o Dduw, cyfod i’th ddig,
a gostwng big pob gelyn:
A deffro drosof yn y farn,
sef cadarn yw d’orchymyn.
7Pan ddringych, yr holl bobl yn llu,
a ddaw o’th ddeutu attad:
Duw dychwel i’th farn er eu mwyn,
a gwrando’n cwyn yn wastad.
8Duw dyro i’r bobl y farn dau,
a barn di finnau Arglwydd:
Ac fel yr haeddais dod farn iawn,
yn ol fy llawn berffeithrwydd.
9Derfid anwiredd y rhai drwg,
gwna’n amlwg ffordd y cyfion:
Cans union wyd, a chraff, Duw cu,
yn chwilio deutu’r galon.
10Ac am fod Duw yn canfod hyn,
Duw yw f’amddiffyn innau:
Duw sydd iachawdur i bob rhai,
sydd lân ddifai’i calonnau.
11Felly mae Duw byth ar yr iawn,
a Duw yw’r cyfiawn farnydd:
Wrth yr annuwiol ar bob tro
mae Duw yn digio beunydd.
12Ac oni thry’r annuwiol câs,
fo lifa’i loywlas gleddau:
Ar ynnyl y mae bwa’r Ion,
a’i barod lymion saethau.
13Sef arfau angau at y nod,
y maent yn barod ddigon:
Ac ni saetha ef ergyd byrr
at yr erlidwyr poethion.
14Wele hanes y gelyn drwg,
efe a ymddwg ar draha:
O chwydd ar gamwedd, beichiog fydd,
ar gelwydd yr esgora.
15Cloddiodd ef bwll hyd eigion llawr,
o fwriad mawr i’r truan:
Ac ef a syrthiodd ymron bawdd,
i’r dyfn i’w glawdd ei hunan.
16Ei holl enwiredd ar ei ben,
o uchder nen a ddisgyn:
A Duw a ddymchwyl yr un wedd,
ei gamwedd ar ei goryn.
17Im harglwydd Duw rhof finnau glod,
câf ganfod ei gyfiownder.
A chanmolaf ei enw yn rhwydd,
yr Arglwydd o’r uchelder.
S'ha seleccionat:
Y Salmau 7: SC
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© Cymdeithas y Beibl 2017
© British and Foreign Bible Society 2017