Gen 10
10
Yisukulu ya Nowa
(1 Mbi 1:5-23)
1Aŵa ni ŵanace ŵacalume ŵa Nowa: Shemu, Hamu ni Yafeti. Ŵanace ŵatatu ŵa Nowa ŵeleŵa ŵakwete nombe nawo ŵanace ŵawo, cili cimasile cikumba ca mesi cila.
2Ŵanace ŵacalume ŵa Yafeti ŵaliji Gomeli, Magogi, Madayi, Yafani, Tubali, Mesheki ni Tilasi. 3Ŵanace ŵacalume ŵa Gomeli ŵaliji Ashikenasi, Lifati ni Togama. 4Ŵanace ŵacalume ŵa Yafani ŵaliji, Elisha, Talishishi, Saipulasi, ni Dodanimu. 5Jemanjaji ni ŵiŵaliji acinangolo ŵa ŵandu wosope ŵiŵatamaga mungulugulu nyasa ni pa yilumba ya m'Nyasa ja Mediteleniyani. Aŵa ni ŵanace ŵa Yafeti. Mitundu jawo jaliji jakulekanganalekangana, nipo ŵaliji mkutama myilambo yakulekanganalekangana. Nipo mtundu uliwose ŵaŵecetaga ciŵeceto cakwe.
6Ŵanace ŵacalume ŵa Hamu ŵaliji, Kushi, Iguputo, Libiya ni Kenani. 7Ŵanace ŵacalume ŵa Kushi ŵaliji Seba, Hafila, Sabita, Lama ni Sabiteka. Ŵanace ŵacalume ŵa Lama ŵaliji Siba ni Dedani. 8Kushi ŵakwete soni mwanace jwamlume lina lyakwe Nimulodi, juŵaliji mundu jwa ngondo jwandanda jwamacili pa cilambo capasi. 9Jwalakweju ŵaliji jwakusakula nyama jwamacili pameso pa AMBUJE. Ni ligongo lyakwe ŵandu akusaŵeceta citagu* cakuti, “M'mwejo mli jwakusakula nyama jwamacili pameso pa AMBUJE, mpela Nimulodi.” 10Pandanda ucimwene wakwe wapwatikaga Babiloni, Eleki, ni Akadi jijili ku mcilambo ca Babiloniya. 11Jwalakweju ŵatyosile kweleko nipo ŵajawile ku cilambo ca Asiliya kuŵataŵile misinda ja Ninefe, Lehoboti Ili, Kala, 12ni msinda wa Leseni wele uli pasikati pa msinda wa Ninefe ni msinda wawukulungwa wa Kala.
13Iguputo ŵaliji nangolo jwa ŵandu ŵa ku Lidiya, Anamimu, Lehabu, Nafutuhimu, 14Patilusimu, Kasiluhimu ni Kilete, jemanjaji ŵaliji acinangolo ŵa Afilisiti. 15Kenani ŵaŵelece mwanace jwakwe jwandanda lina lyakwe Sidoni, ni ŵaŵelece soni jwine lina lyakwe Heti. 16Kenani ŵaliji soni nangolo jwa ŵandu ŵa mtundu wa Ayebusi, Aamoli, Agiligashi, 17Ahifi, Aaliki, Asini, 18Alifadi, Asemali ni mtundu wa Ahamati. Msogolo mwakwe mtundu wa Akenani wabalalikangene posepose, 19mpaka ku malile ga Kenani. Malilego gatandilile ku Sidoni kwinjililaga ku Gelali mpaka ku Gasa ni kwinjilila soni ku Sodomu, Gomola, Adima ni Seboyimu mpaka ku Lasha. 20Jemanjaji ni ŵaliji ŵanace ŵa Hamu, nipo ŵatamaga m'yilambo yakulekanganalekangana, mpela mwa mitundu jawo. Mtundu uliwose ŵaŵecetaga ciŵeceto cakwe.
21Shemu mkulugwe jwa Yafeti ŵaliji nangolo jwa ŵanace wosope ŵakupagwa mwa Eba. 22Ŵanace ŵacalume ŵa Shemu ŵaliji Elamu, Ashuli, Alipakisadi, Ludi ni Alamu. 23Ŵanace ŵacalume ŵa Alamu ŵaliji Usi, Huli, Getele ni Mesheki. 24Alipakisadi ŵaliji mtatigwe jwa Shela, nipo Shela ŵaliji mtatigwe jwa Eba. 25Eba ŵakwete ŵanace ŵaŵili ŵacalume, jwine lina lyakwe ŵaliji Pelegi, ligongo mu ndaŵi ja umi wakwe ŵandu wosope ŵa pa cilambo capasi ŵagaŵikene ligongo lyakulekangana yiŵeceto ni ŵatemi m'yilambo yakulekangana. Mwanace jwakwe jwine ŵaliji lina lyakwe Yokitani. 26Yokitani ŵaliji nangolo jwa ŵandu ŵa mtundu wa Alimodadi, Shelefi, Hasamafeti, Yela, 27Hadolamu, Usali, Dikila, 28Obala, Abimayele, Sheba, 29Ofili, Hafila ni Yobabu. Wosopeŵa nangolo jwawo ŵaliji Yokitani. 30Cilambo cawo ciŵatamaga catandilile ku Mesha kwinjililaga ku Sefa cilambo ca matumbi ca kungopoko lyuŵa. 31Jemanjaji ni ŵaliji yisukulu ya Shemu. Mitundu jawo jaliji jakulekanganalekangana, ŵaliji mkutama m'yilambo yakulekangana. Mtundu uliwose ŵaŵecetaga ciŵeceto cakwecakwe.
32Ŵandu wosopeŵa ŵaliji yisukulu ya Nowa. Pakuya acinangolo ŵawo ni mtundu wawo. Mitundu josope ja pa cilambo capasi jakopwece mwa mitundu ja lukosyo lwa Nowa jweleju, cili cimasile cikumba cila.
S'ha seleccionat:
Gen 10: YAWO
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Chiyawo Bible: Buku Jeswela © Bible Society of Malawi, 2014