Gen 15
15
Cilanga ca Mlungu ni Abulamu
1Piyamasile yeleyi, maloŵe ga AMBUJE* gamyicile Abulamu mesomkulola kuti, “Mkasimjogopa Abulamu une tinamcenjele ku yindu yosope yakogoya, tinampe soni m'mwejo mbote jajikulungwa.”
2Nambo Abulamu ŵatite, “AMBUJE Mlungu, une jwangali ŵanace. Sambano yikomboleka uli ŵalakwe kumba une mbote? Mundu jwakwinjila lina lyangu ni Eliyesa jwa ku Damasiko. 3AMBUJE nganimumba une ŵanace, myoyo jumo jwa acikapolo ŵangu ni jutacipocela cipanje cangu ni kwinjila lina lyangu.”
4Jwalakwe ŵapikene AMBUJE ali mkumsalila kuti, “Mundu aju ngasajinjila lina lyenu, mwanace jwenu msyesyene ni jutacijinjila lina lyenu.” 5Mlungu ŵajile najo kusa Abulamu ni ŵamsalile kuti, “Mŵalanje ndondwa syosope naga mpaka mpakombole kusiŵalanga syosope syene. Mwelemu ni mutiyiciŵela yisukulu yenu.”#Alo 4:18; Aheb 11:12
6Abulamu ŵakulupilile AMBUJE, nipo ligongo lya cikulupi cakwe, Mlungu ŵamŵeni Abulamu kuti ali jwagoloka.#Alo 4:3; Agal 3:6; Yak 2:23
7Ni ŵatite kwa Abulamu, “Une ni AMBUJE junamtyosisye ku Ulu mcilambo ca Babiloniya kuti nampe cilambo aci kuti ciŵe cenu.”
8Abulamu ŵajanjile kuti, “Ŵalakwe AMBUJE Mlungu, ana mpaka manyilile uli kuti cilambo celeci, kweli ticiciŵa cangu?”
9AMBUJE ŵamsalile kuti, “Myice najo kwa une, ng'ombe jamkambako ja yaka yitatu, mbusi jamkambako ja yaka yitatu, ni ngondolo jamkolo ja yaka yitatu, njuŵa ni liwunda.” 10Abulamu ŵayice nayo yinyama yosopeyo kwa Mlungu, ni ŵayikatenye cilikati. Ŵayiŵisile yiŵakatenyeyo mwakulolegana cine ni cijakwe, pa misela jiŵili. Nambo yijuni yila nginayikatanya cilikati. 11Yijuni yakolanjidwa matumbusi yayice kuti yilye nyama siŵawuleje sila, nambo Abulamu ŵayiŵinjile.
12Pilyakapilaga lyuŵa Abulamu, lwamyicilile lugono nipo wamkamwile woga wekulungwa.#Yob 4:13-14 13AMBUJE ni ŵatite kwa Abulamu, “Mtame mlimkumanyilila kuti nditu yisukulu yenu tiyiciŵa acalendo mcilambo cacimsyene. Tiyiciŵa acikapolo kweleko, nipo tiyicitama kweleko mwakulaga kwa yaka 400.#Eks 1:1-14; Mase 7:6 14Nambo mtundu ŵa ŵandu utacitenda yindu yeleyi, tinjiwupa cilango, nipo yisukulu yenuyo pakukopoka mcilambomo, tiyicijigala cipanje cejinji.#Eks 12:40-41; Mase 7:7 15Nambo m'mwejo timcitama ni umi ndaŵi jelewu, nipo timciwa mwa mtendele. Tacimsika mwilembe mli ŵacekulupe mnope. 16Yisukulu yenuyo tiyiciwujila soni akuno pali papite mipago mcece, ligongo ngasinatopola Aamoli mpakana ulemwa* wawo tiwuyikane pasyesyene kuti tapate cilango.”
17Lyuŵa lili nakapilape nipo cipi cili citandite, mwacisisimucisya pawonece mpika wakusemula, pamo ni cenje cakolela moto, nipo yindu yiŵili yeleyi yapite pasikati pa nyama siŵawuleje sila. 18Pa lisiku lyeleli ni pa ŵaŵisile AMBUJE cilanga* ni Abulamu, ŵatite, “Nguŵika cilanga kuti tinjipeleka kwa yisukulu yenu cilambo cosopeci, kutandila ku malile ga Iguputo mpaka ku lusulo lwa lwalukulungwa lwa Yufuleti.#Mase 7:5 19Tinjapa soni cilambo ca Akeni, ca Akenisi, ca Akadimoni, 20ca Ahiti, ca Apelesi, ca Alefayimu, 21ca Aamoli, ca Akenani, ca Agiligashi ni ca Ayebusi.”
S'ha seleccionat:
Gen 15: YAWO
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Chiyawo Bible: Buku Jeswela © Bible Society of Malawi, 2014
Gen 15
15
Cilanga ca Mlungu ni Abulamu
1Piyamasile yeleyi, maloŵe ga AMBUJE* gamyicile Abulamu mesomkulola kuti, “Mkasimjogopa Abulamu une tinamcenjele ku yindu yosope yakogoya, tinampe soni m'mwejo mbote jajikulungwa.”
2Nambo Abulamu ŵatite, “AMBUJE Mlungu, une jwangali ŵanace. Sambano yikomboleka uli ŵalakwe kumba une mbote? Mundu jwakwinjila lina lyangu ni Eliyesa jwa ku Damasiko. 3AMBUJE nganimumba une ŵanace, myoyo jumo jwa acikapolo ŵangu ni jutacipocela cipanje cangu ni kwinjila lina lyangu.”
4Jwalakwe ŵapikene AMBUJE ali mkumsalila kuti, “Mundu aju ngasajinjila lina lyenu, mwanace jwenu msyesyene ni jutacijinjila lina lyenu.” 5Mlungu ŵajile najo kusa Abulamu ni ŵamsalile kuti, “Mŵalanje ndondwa syosope naga mpaka mpakombole kusiŵalanga syosope syene. Mwelemu ni mutiyiciŵela yisukulu yenu.”#Alo 4:18; Aheb 11:12
6Abulamu ŵakulupilile AMBUJE, nipo ligongo lya cikulupi cakwe, Mlungu ŵamŵeni Abulamu kuti ali jwagoloka.#Alo 4:3; Agal 3:6; Yak 2:23
7Ni ŵatite kwa Abulamu, “Une ni AMBUJE junamtyosisye ku Ulu mcilambo ca Babiloniya kuti nampe cilambo aci kuti ciŵe cenu.”
8Abulamu ŵajanjile kuti, “Ŵalakwe AMBUJE Mlungu, ana mpaka manyilile uli kuti cilambo celeci, kweli ticiciŵa cangu?”
9AMBUJE ŵamsalile kuti, “Myice najo kwa une, ng'ombe jamkambako ja yaka yitatu, mbusi jamkambako ja yaka yitatu, ni ngondolo jamkolo ja yaka yitatu, njuŵa ni liwunda.” 10Abulamu ŵayice nayo yinyama yosopeyo kwa Mlungu, ni ŵayikatenye cilikati. Ŵayiŵisile yiŵakatenyeyo mwakulolegana cine ni cijakwe, pa misela jiŵili. Nambo yijuni yila nginayikatanya cilikati. 11Yijuni yakolanjidwa matumbusi yayice kuti yilye nyama siŵawuleje sila, nambo Abulamu ŵayiŵinjile.
12Pilyakapilaga lyuŵa Abulamu, lwamyicilile lugono nipo wamkamwile woga wekulungwa.#Yob 4:13-14 13AMBUJE ni ŵatite kwa Abulamu, “Mtame mlimkumanyilila kuti nditu yisukulu yenu tiyiciŵa acalendo mcilambo cacimsyene. Tiyiciŵa acikapolo kweleko, nipo tiyicitama kweleko mwakulaga kwa yaka 400.#Eks 1:1-14; Mase 7:6 14Nambo mtundu ŵa ŵandu utacitenda yindu yeleyi, tinjiwupa cilango, nipo yisukulu yenuyo pakukopoka mcilambomo, tiyicijigala cipanje cejinji.#Eks 12:40-41; Mase 7:7 15Nambo m'mwejo timcitama ni umi ndaŵi jelewu, nipo timciwa mwa mtendele. Tacimsika mwilembe mli ŵacekulupe mnope. 16Yisukulu yenuyo tiyiciwujila soni akuno pali papite mipago mcece, ligongo ngasinatopola Aamoli mpakana ulemwa* wawo tiwuyikane pasyesyene kuti tapate cilango.”
17Lyuŵa lili nakapilape nipo cipi cili citandite, mwacisisimucisya pawonece mpika wakusemula, pamo ni cenje cakolela moto, nipo yindu yiŵili yeleyi yapite pasikati pa nyama siŵawuleje sila. 18Pa lisiku lyeleli ni pa ŵaŵisile AMBUJE cilanga* ni Abulamu, ŵatite, “Nguŵika cilanga kuti tinjipeleka kwa yisukulu yenu cilambo cosopeci, kutandila ku malile ga Iguputo mpaka ku lusulo lwa lwalukulungwa lwa Yufuleti.#Mase 7:5 19Tinjapa soni cilambo ca Akeni, ca Akenisi, ca Akadimoni, 20ca Ahiti, ca Apelesi, ca Alefayimu, 21ca Aamoli, ca Akenani, ca Agiligashi ni ca Ayebusi.”
S'ha seleccionat:
:
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Chiyawo Bible: Buku Jeswela © Bible Society of Malawi, 2014