Matiu Nan be kugbɔŋ nan a poolin
Nan be kugbɔŋ nan a poolin
Uwonbɔr a bɔr tan wee Matiu sɔb nan wɔɔn tibɔŋann n le ke Yisa le ye ufeer wan wee Uwonbɔr nan siin limɔsiinl u bu-n. Uma le Uwonbɔr nan gbeen limɔsiinl lan wee U sei U ninfob kugbɔŋkpogin ni. Tibɔŋann nmɔn kaa ye Juu yaab ban wee bi nan ma Yisa, wee u nan yabig bi sisiigin ni a binba a wan ni, amaa ni ye dulinya yaab biɛn a wan le.
Matiu a gbɔŋin nan sɔb nbamɔm le. Ni nan piin Yisa a maalimin le, ki wɔɔn u nyum a fum nin u biginl, ki tan kpaa u toon nin u mɔleen pagil, nin waah nan teb bininfob Galilii a tiŋin man. Ni bɔɔn bu tibɔŋann nmɔn nan sɔb ki wɔɔn Yisa kaah nan ŋa lisanchonl ki nyan Galilii ki jon Jerusalam, nin Yisa a da joor kaai a toon, baah nan kpa u lidapunpunl bu man, nin u kum a fiim.
Tibɔŋann nmɔn wɔɔn Yisa kaah jɔɔ nwɔɔm a biɛm takpem man, ki jɔɔ tininkper a pɔɔm ki li fir labir Uwonbɔr a siim, ki ye wan wɔɔnn Uwonbɔr a naamin a bɔr. U wɔɔm nmɔn pam lagin ibɔyul iŋmu le ki ta sɔb. I ma ye: (1) Imɔleen Yan Nan Pag Lijɔɔl a Paab ki jiin nbinben paam, nin itoon paam, nin nsan, nin njoorim man be ki sei bitindam Paab a naamin (Ibɔyul iŋmu ki tan kpaa ilile-n), (2) Waah nan sei u tooi piig nin bilee-n ikpaan ki jiin bi toon paam man (Ibɔyul piig nan yaan), (3) Ibɔŋal yan nan gaa ki jiin Paab a naamin paam (Igbanbɔg piig nin itaa-n), (4) Nwɔɔm man nan wɔɔn u bɔɔnɔɔb a taai kaah ye man (Ibɔyul piig nin iniin nin); nin (5) Nwɔɔm man wɔɔn ki jiin dulinya nan a diɛm nin Uwonbɔr a naamin a dam (Igbanbɔg pilee nin ina ki tan kpaa Igbanbɔg pilee nin iŋmu-n).
Kugbɔŋ nan kaah por man
Yisa a yaajam nin u maalim a bɔr (1:1—2:23)
Jɔnn Wan nan Fu Bininfob Uwonbɔr a Nyunful nan a toon (3:1-12)
Yisa a nyum a fum nin u biginl a bɔr (3:13—4:11)
Yisa kaah nan tun u toon kuninfogbaluŋin Galilii man (4:12—18:35)
Waah nan nyan Galilii ki jon Jerusalam man (19:1—20:34)
U nyan toom man wee u nan be ki mal Jerusalam man (21:1—27:66)
Uyudaan a kum a fiim nin waah nan kpiir u ba ki wɔɔn man (28:1-20)
S'ha seleccionat:
Matiu Nan be kugbɔŋ nan a poolin: KUGL
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Komba New Testament © Bible Society of Ghana, 2014.